ಮಂಗಳೂರಿಗೆ ಇನ್ನೊಂದು ಹೆಮ್ಮೆ! ಡೇಟಾ ಸೆಂಟರ್‌ ಹಬ್ ಆಗಲಿದೆ ನಮ್ಮ ಕುಡ್ಲ

Mangaluru News | Data Centre: ಮಂಗಳೂರು: ಕರ್ನಾಟಕದ ಕರಾವಳಿ ನಗರಿ ಮಂಗಳೂರು ಈಗ ಕೇವಲ ಬಂದರು ಮತ್ತು ಪ್ರವಾಸೋದ್ಯಮಕ್ಕೆ ಮಾತ್ರ ಸೀಮಿತವಾಗಿಲ್ಲ. ಇತ್ತೀಚಿನ KDEM-SBP-Deloitte ಅಧ್ಯಯನದ ಪ್ರಕಾರ, ಮಂಗಳೂರು ಭಾರತದ ಅತ್ಯಂತ ಆಕರ್ಷಕ ಮತ್ತು ಕಡಿಮೆ ವೆಚ್ಚದ ‘ಡೇಟಾ ಸೆಂಟರ್ ಹಬ್’ (Coastal Data Centre Hub) ಆಗಿ ಹೊರಹೊಮ್ಮಿದೆ.

ಅಪ್ರತಿಮ ವಿದ್ಯುತ್ ಸಾಮರ್ಥ್ಯ: ಡೇಟಾ ಸೆಂಟರ್‌ಗಳ ಯಶಸ್ಸಿಗೆ ಮುಖ್ಯವಾಗಿ ಬೇಕಿರುವುದು ನಿರಂತರ ವಿದ್ಯುತ್ ಪೂರೈಕೆ. ಮಂಗಳೂರು ನಗರವು 98.56% ರಷ್ಟು ವಿದ್ಯುತ್ ವಿಶ್ವಾಸಾರ್ಹತೆ (Power Reliability) ಹೊಂದಿದ್ದು, ತಾಂತ್ರಿಕ ಉದ್ದಿಮೆಗಳಿಗೆ ಅತ್ಯಂತ ಸುರಕ್ಷಿತ ತಾಣವಾಗಿ ಮಾರ್ಪಟ್ಟಿದೆ.

ಕಡಿಮೆ ನಿರ್ವಹಣಾ ವೆಚ್ಚ: ಭಾರತದ ಇತರ ಪ್ರಮುಖ ಕರಾವಳಿ ನಗರಗಳಿಗೆ (ಮುಂಬೈ, ಚೆನ್ನೈ) ಹೋಲಿಸಿದರೆ, ಮಂಗಳೂರಿನಲ್ಲಿ ಡೇಟಾ ಸೆಂಟರ್ ಸ್ಥಾಪನೆ ಮತ್ತು ಕಾರ್ಯಾಚರಣೆಯ ವೆಚ್ಚ ಅತ್ಯಂತ ಕಡಿಮೆ ಎಂದು ಈ ಜಂಟಿ ಅಧ್ಯಯನವು ಖಚಿತಪಡಿಸಿದೆ.

ಅಂತರಾಷ್ಟ್ರೀಯ ಸಂಪರ್ಕ:
ಇಲ್ಲಿನ ಸಬ್‌ಮರೀನ್ ಕೇಬಲ್ ಲ್ಯಾಂಡಿಂಗ್ ಸ್ಟೇಷನ್‌ಗಳು (Submarine Cable Landing Stations) ಜಾಗತಿಕ ಮಟ್ಟದ ಅತಿವೇಗದ ಇಂಟರ್ನೆಟ್ ಸಂಪರ್ಕವನ್ನು ಒದಗಿಸುತ್ತಿದ್ದು, ಡೇಟಾ ಸಂಗ್ರಹಣೆ ಮತ್ತು ವರ್ಗಾವಣೆಗೆ ಪೂರಕವಾಗಿವೆ.

ಮಂಗಳೂರು ಯಾಕೆ ನೆಚ್ಚಿನ ಆಯ್ಕೆ?
ಕರ್ನಾಟಕ ಡಿಜಿಟಲ್ ಎಕಾನಮಿ ಮಿಷನ್ (KDEM) ಪ್ರಕಾರ, ಮಂಗಳೂರಿನಲ್ಲಿರುವ ಗುಣಮಟ್ಟದ ಶಿಕ್ಷಣ ಸಂಸ್ಥೆಗಳು ಮತ್ತು ಅಲ್ಲಿಂದ ಹೊರಬರುವ ನುರಿತ ತಾಂತ್ರಿಕ ಪದವೀಧರರು ಐಟಿ ಕಂಪನಿಗಳನ್ನು ಸೆಳೆಯಲು ಪ್ರಮುಖ ಕಾರಣವಾಗಿದೆ. ಅಲ್ಲದೆ, ಬೆಂಗಳೂರಿನ ಮೇಲಿನ ಒತ್ತಡವನ್ನು ಕಡಿಮೆ ಮಾಡಲು ಸರ್ಕಾರವು ‘ಬಿಯಾಂಡ್ ಬೆಂಗಳೂರು’ (Beyond Bengaluru) ಅಭಿಯಾನದಡಿ ಮಂಗಳೂರಿಗೆ ಹೆಚ್ಚಿನ ಆದ್ಯತೆ ನೀಡುತ್ತಿದೆ.

ಇದನ್ನೂ ಓದಿ: ಕೇರಳ ಲಾಟರಿ ಫಲಿತಾಂಶ ಪ್ರಕಟ: ಕಾರುಣ್ಯ KR-736 ಡ್ರಾದಲ್ಲಿ 1 ಕೋಟಿ ಗೆದ್ದ ಅದೃಷ್ಟಶಾಲಿ!

ಉದ್ಯೋಗಾವಕಾಶಗಳ ಸುರಿಮಳೆ?
ದೊಡ್ಡ ಮಟ್ಟದ ಡೇಟಾ ಸೆಂಟರ್‌ಗಳು ಇಲ್ಲಿ ಸ್ಥಾಪನೆಯಾಗುವುದರಿಂದ ಮುಂದಿನ ದಿನಗಳಲ್ಲಿ ಕರಾವಳಿ ಭಾಗದ ಸಾವಿರಾರು ಯುವಕ-ಯುವತಿಯರಿಗೆ ಸ್ಥಳೀಯವಾಗಿಯೇ ಉನ್ನತ ಮಟ್ಟದ ತಾಂತ್ರಿಕ ಉದ್ಯೋಗಗಳು ದೊರೆಯಲಿವೆ ಎಂಬ ನಿರೀಕ್ಷೆಯಿದೆ. ಇದು ದಕ್ಷಿಣ ಕನ್ನಡದ ಆರ್ಥಿಕ ಚಿತ್ರಣವನ್ನೇ ಬದಲಿಸಲಿ ಎಂಬ ಭರವಸೆ ಮೂಡಿಸಿದೆ.