Golden Chariot secret : ಸಮುದ್ರ ತೀರದಲ್ಲಿ ತೇಲಿ ಬಂತು ಚಿನ್ನದ ರಥ : ಕೊನೆಗೂ ಬಯಲಾಯ್ತು ಹಿಂದಿನ ಸತ್ಯ

ನವದೆಹಲಿ: ಕಳೆದೆರಡು ದಿನಗಳ ಹಿಂದೆಯಷ್ಟೇ ಆಂಧ್ರಪ್ರದೇಶದ ಶ್ರೀಕಾಕುಳಂ ಜಿಲ್ಲೆಯ ಸುನ್ನಪಲ್ಲಿಯ ಸಮುದ್ರ ಕಿನಾರೆಯಲ್ಲಿ ‘ಚಿನ್ನದ ರಥ’ ತೇಲಿ ಬಂದಿತ್ತು. ಸ್ಥಳೀಯರು ರಥವನ್ನು ದಡಕ್ಕೆ ಎಳೆದು ತಂದಿದ್ದರು. ನಂತರದಲ್ಲಿ ಚಿನ್ನದಿಂದಲೇ ಮಾಡಿದ ರಥವೆಂದು ಸುದ್ದಿಯಾಗಿತ್ತು. ಆದ್ರೀಗ ರಥದ ಹಿಂದಿನ ರಹಸ್ಯ (Golden Chariot secret ) ಬಯಲಾಗಿದೆ.

ಚಂಡ ಮಾರುತದ ಎಫೆಕ್ಟ್‌ ದೇಶದ ಹಲವು ರಾಜ್ಯಗಳಲ್ಲಿ ಸಮಸ್ಯೆ ಉಂಟಾಗಿತ್ತು. ಆದರೆ ಬಂಗಾಲಕೊಲ್ಲಿಯಲ್ಲಿ ತೇಲಿ ಬಂದ ಚಿನ್ನದ ರಥ ದೇಶದಾದ್ಯಂತ ಬಾರೀ ಸುದ್ದಿಯಾಗಿತ್ತು. ಆದ್ರೀಗ ಚಿನ್ನದ ರಥ ಭಾರತದ್ದು ಅಲ್ಲಾ ಅನ್ನೋ ಮಾಹಿತಿ ಲಭ್ಯವಾಗಿದೆ. ಥಾಯ್ಲೆಂಡ್, ಜಪಾನ್, ಕಾಂಬೋಡಿಯಾ, ಇಂಡೋನೇಷ್ಯಾ ಅಥವಾ ಮಲೇಷ್ಯಾದಿಂದ ಉಬ್ಬರವಿಳಿತದ ಅಲೆಗಳ ಕಾರಣ ರಥವು ದಡಕ್ಕೆ ಕೊಚ್ಚಿಹೋಗಿರಬಹುದು ಎನ್ನಲಾಗುತ್ತಿದೆ. ಅಲ್ಲದೇ ನೌಪಾದ ಪೊಲೀಸ್‌ ಅಧಿಕಾರಿಗಳು ಕೂಡ ರಥದ ಮೇಲಿನ ಅಕ್ಷರ ಮತ್ತು ಅದರ ರಚನೆಯನ್ನು ನೋಡಿದ್ರೆ ಅದು ಮ್ಯಾನ್ಮಾರ್‌ ಮೂಲದ್ದಾಗಿರಬಹುದು ಎಂದಿದ್ದಾರೆ.

ತೇಲುವ ಪೂಜಾ ಮಂದಿರದಂತೆ ಕಾಣುವ ರಥದ ಮೇಲೆ ದಿನಾಂಕ, 16-01-2022 ಎಂದೂ ಕೆತ್ತಲಾಗಿದೆ. “ಇದನ್ನು ಟಿನ್ ಶೀಟ್‌ನಿಂದ ಮಾಡಲಾಗಿದ್ದು, ಚಿನ್ನದ ಬಣ್ಣದ ಲೇಪನವನ್ನು ನೀಡಲಾಗಿದೆ. ಇದು ಚಕ್ರಗಳ ಮೇಲೆ ಪೂಜಾ ಮಂದಿರದಂತೆ ಕಾಣುತ್ತದೆ, ”ಎಂದು ಎಸ್‌ಐ ಹೇಳಿದರು, ರಥದಲ್ಲಿ ಯಾರೂ ಇರಲಿಲ್ಲ ಎಂದು ಎಸ್‌ಐ ಹೇಳಿದರು. ಆದಾಗ್ಯೂ, ವಿವರವಾದ ತಪಾಸಣೆಯ ನಂತರ, ಸ್ಥಳೀಯ ಅಧಿಕಾರಿಗಳು ರಥವು ಮ್ಯಾನ್ಮಾರ್‌ಗೆ ಸೇರಿದ್ದು ಎಂದು ಖಚಿತಪಡಿಸಿದರು.

Golden Chariot secret : ನಿಗೂಢ ರಥವನ್ನು ಚಿನ್ನದಿಂದಲೇ ನಿರ್ಮಿಸಲಾಗಿದೆಯೇ ?

ಸಾಮಾಜಿಕ ಜಾಲತಾಣದಲ್ಲಿ ನೆಟಿಜನ್‌ಗಳು ಸಾಗರದಲ್ಲಿ ಚಿನ್ನದ ರಥ ಪತ್ತೆಯಾಗಿದೆ ಎಂದು ಹೇಳಿಕೊಂಡಿದ್ದರು. ಆಂಧ್ರಪ್ರದೇಶದ ಶ್ರೀಕಾಕುಳಂ ಜಿಲ್ಲೆಯ ಕರಾವಳಿಗೆ ಚಿನ್ನದಿಂದ ಮಾಡಿದ ರಥವನ್ನು ಮುನ್ನಡೆಸಲಾಯಿತು. ರಥವು ಮಠದ ಆಕಾರದಲ್ಲಿದೆ. ಬಹುಶಃ ಅದು ಥಾಯ್ಲೆಂಡ್ ಅಥವಾ ಮ್ಯಾನ್ಮಾರ್‌ನಿಂದ ತೇಲುತ್ತಾ ಆಂಧ್ರಪ್ರದೇಶದ ಕರಾವಳಿಯನ್ನು ತಲುಪಿರಬಹುದು ಎಂದು ಸಾಮಾಜಿಕ ಮಾಧ್ಯಮ ಬಳಕೆದಾರರು ಚಿನ್ನದ ರಥದ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ.

ಶ್ರೀಕಾಕುಳಂ ಜಿಲ್ಲೆಯ ಕಲೆಕ್ಟರ್ ಐಎಎಸ್ ಅಧಿಕಾರಿ ಶ್ರೀಕೇಶ್ ಬಿ ಲಠಾಕರ್ ಅವರು ದಿ ಹಿಂದೂ ಪತ್ರಿಕೆಯೊಂದಿಗೆ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ರಥವು ಕೇವಲ ಚಿನ್ನದ ಬಣ್ಣದ್ದಾಗಿದೆ ಮತ್ತು ಚಿನ್ನದಿಂದ ಮಾಡಲಾಗಿಲ್ಲ ಎಂದು ಸ್ಪಷ್ಟಪಡಿಸಿದರು. “ಇದು ಕೇವಲ ಚಿನ್ನದ ಬಣ್ಣದ ರಥವಾಗಿತ್ತು. ಅದರ ರಚನೆಯು ಮರದಿಂದ ಮಾಡಲ್ಪಟ್ಟಿದ್ದರಿಂದ, ಇದು ಆಂಧ್ರಪ್ರದೇಶದ ಸಮುದ್ರ ತೀರದವರೆಗೆ ಸಾಗಿತು. ಮುಂದಿನ ಕ್ರಮಕ್ಕಾಗಿ ನಾವು ಅದನ್ನು ಸ್ಥಳೀಯ ಪೊಲೀಸರಿಗೆ ಹಸ್ತಾಂತರಿಸಿದ್ದೇವೆ ಎಂದು ಮೆರೈನ್ ಪೊಲೀಸ್ ವಿಭಾಗದ ಸರ್ಕಲ್ ಇನ್ಸ್‌ಪೆಕ್ಟರ್ ಜಿ. ದೇಮುಲ್ಲು ತಿಳಿಸಿದ್ದಾರೆ ಎಂದು ವರದಿ ಮಾಡಿದೆ.

#WATCH | Andhra Pradesh: A mysterious gold-coloured chariot washed ashore at Sunnapalli Sea Harbour in Srikakulam y'day, as the sea remained turbulent due to #CycloneAsani

SI Naupada says, "It might've come from another country. We've informed Intelligence & higher officials." pic.twitter.com/XunW5cNy6O

— ANI (@ANI) May 11, 2022

ಇದನ್ನೂ ಓದಿ : ಮದುವೆ ಮಂಟಪಕ್ಕೆ ಶೆರ್ವಾನಿ ಧರಿಸಿ ಬಂದ ವರ : ಕೋಪಗೊಂಡ ಕುಟುಂಬಸ್ಥರಿಂದ ಕಲ್ಲೆಸೆತ

ಇದನ್ನೂ ಓದಿ : ಮದುವೆ ಸಮಾರಂಭದ ವೇಳೆ ಕೈ ಕೊಟ್ಟ ಕರೆಂಟ್​: ವಧು – ವರರು ಅದಲುಬದಲು

Golden Chariot secret Truth Behind Chariot from Sea in Andhra Revealed