ಪಾಕ್, ಬಾಂಗ್ಲಾದೇಶಕ್ಕಿಂತ ಜಾಗತಿಕ ಹಸಿವಿನ ಪಟ್ಟಿಯಲ್ಲಿ ಹಿಂದುಳಿದ ಭಾರತ : ‘ಆತಂಕಕಾರಿʼ ವರದಿ

ನವದೆಹಲಿ : ಪ್ರತೀ ವರ್ಷದಂತೆ ಈ ವರ್ಷವು ಎಲ್ಲಾ ದೇಶಗಳ ನಡುವೆ ರಾಷ್ಟ್ರಗಳ ಜಾಗತಿಕ ಹಸಿವು ಸೂಚ್ಯಂಕ ಪಟ್ಟಿಯನ್ನು ರಚಿಸಲಾಗುತ್ತದೆ. ಇದರಲ್ಲಿ ಯಾವ ದೇಶದಲ್ಲಿ ಹೆಚ್ಚು ಹಸಿವಿನಿಂದ ಜನರು ನರಳುತ್ತಾರೆ ಎಂಬುದನ್ನು ಪತ್ತೆ ಹಚ್ಚಲು ಹಾಗೂ ಇದನ್ನು ಸರಿಪಡಿಸಲು ಈ ವರದಿ ಸಹಕಾರಿಯಾಗಿದೆ.

2021ರಲ್ಲಿ 116 ರಾಷ್ಟ್ರಗಳ ಜಾಗತಿಕ ಹಸಿವು ಸೂಚ್ಯಂಕದಲ್ಲಿ (GHI) ಭಾರತ 101ನೇ ಸ್ಥಾನಕ್ಕೆ ಇಳಿದಿದ್ದು, ಇದು ತಮ್ಮ ನೆರೆಯ ದೇಶಗಳಾದ (neighboring countries) ಪಾಕಿಸ್ತಾನ, ಬಾಂಗ್ಲಾದೇಶ ಮತ್ತು ನೇಪಾಳಕ್ಕಿಂತ ಹಿಂದುಳಿದಿದೆ.

ಇದನ್ನೂ ಓದಿ: Children- Covaxin : 2 -18 ವರ್ಷ ವಯಸ್ಸಿನ ಮಕ್ಕಳಿಗೆ ಲಸಿಕೆ : ಕೊವಾಕ್ಸಿನ್‌ ತುರ್ತು ಬಳಕೆಗೆ ಗ್ರೀನ್‌ ಸಿಗ್ನಲ್‌

2020ರಲ್ಲಿ ಭಾರತ 94ನೇ ಸ್ಥಾನದಲ್ಲಿತ್ತು. ಚೀನಾ, ಬ್ರೆಜಿಲ್ ಮತ್ತು ಕುವೈತ್ ಸೇರಿದಂತೆ ಹದಿನೆಂಟು ದೇಶಗಳು ಐದಕ್ಕಿಂತ ಕಡಿಮೆ ಜಿಐ ಸ್ಕೋರ್ ನೊಂದಿಗೆ ಅಗ್ರಸ್ಥಾನವನ್ನು ಹಂಚಿಕೊಂಡಿವೆ ಎಂದು ಹಸಿವು ಮತ್ತು ಅಪೌಷ್ಟಿಕತೆಯನ್ನು ಮೇಲ್ವಿಚಾರಣೆ ಮಾಡುವ ಜಾಗತಿಕ ಹಸಿವು ಸೂಚ್ಯಂಕ ವೆಬ್ ಸೈಟ್ (Global Hunger Index) ಗುರುವಾರ ವರದಿ ಮಾಡಿದೆ.

ಸಹಾಯ ಕಾರ್ಯಾಚರಣೆಗಳ ಬಗ್ಗೆ ಐರ್ಲೆಂಡ್ ನ ಸಂಸ್ಥೆ ಕನ್ಸರ್ನ್ ವರ್ಲ್ಡ್ ವೈಡ್ (Concern Worldwide) ಮತ್ತು ಜರ್ಮನ್ ಸಂಸ್ಥೆ ವೆಲ್ಟ್ ಹಂಗರ್ ಹಿಲ್ಫ್ ಜಂಟಿಯಾಗಿ ಸಿದ್ಧಪಡಿಸಿದ ವರದಿಯು ಭಾರತದಲ್ಲಿ ಹಸಿವಿನ ಮಟ್ಟವನ್ನು ‘ಆತಂಕಕಾರಿ’ ಎಂದು ವಿವರಿಸಿದೆ. 2020ರಲ್ಲಿ ಭಾರತ 107 ರಾಷ್ಟ್ರಗಳ ಪಟ್ಟಿಯಲ್ಲಿ 94ನೇ ಸ್ಥಾನದಲ್ಲಿತ್ತು. ಇದು ಈಗ 116 ದೇಶಗಳಲ್ಲಿ 101ನೇ ಸ್ಥಾನಕ್ಕೆ ಏರಿದೆ.

ಜಿಐ ಸ್ಕೋರ್ (GI Score) ಕೂಡ ಇಳಿಯಿತು : ಭಾರತದ ಜಿಎಚ್ ಐ ಸ್ಕೋರ್ ಕೂಡ ಕುಸಿದಿದೆ. ಇದು 20ರಲ್ಲಿ 38.8 ಆಗಿತ್ತು, ಇದು 2012 ಮತ್ತು 2021 ರ ನಡುವೆ 28.8 – 27.5ರ ನಡುವೆ ನಡೆಯಿತು. ಅಪೌಷ್ಟಿಕತೆ, ಮಕ್ಕಳ ಬೆಳವಣಿಗೆ ದರ ಮತ್ತು ಮಕ್ಕಳ ಮರಣ ಸೇರಿದಂತೆ ನಾಲ್ಕು ಸೂಚಕಗಳ ಮೇಲೆ ಜಿಎಚ್ ಐ ಸ್ಕೋರ್ ಅನ್ನು ಲೆಕ್ಕಹಾಕಲಾಗುತ್ತದೆ.

ವರದಿಯ ಪ್ರಕಾರ, ನೆರೆಯ ದೇಶಗಳಾದ ನೇಪಾಳ (76ನೇ ಸ್ಥಾನ), ಬಾಂಗ್ಲಾದೇಶ (76ನೇ ಸ್ಥಾನ), ಮ್ಯಾನ್ಮಾರ್ (71ನೇ ಸ್ಥಾನ) ಮತ್ತು ಪಾಕಿಸ್ತಾನ (92ನೇ ಸ್ಥಾನ) ಕೂಡ ಹಸಿವಿನಿಂದ ಗಂಭೀರ ಸ್ಥಿತಿಯಲ್ಲಿವೆ. ಈ ಎಲ್ಲಾ ದೇಶಗಳು ಭಾರತಕ್ಕಿಂತ ತಮ್ಮ ನಾಗರಿಕರಿಗೆ ಆಹಾರವನ್ನು ಒದಗಿಸಲು ಉತ್ತಮ ಪ್ರದರ್ಶನ ನೀಡಿವೆ.

ಜಾಗತಿಕ ಹಸಿವು ಸೂಚ್ಯಂಕದಲ್ಲಿ ದೇಶಕ್ಕೆ 101ನೇ ಸ್ಥಾನಕ್ಕೆ ಕುಸಿತ ಕಂಡಿದ್ದರ ಬಗ್ಗೆ ಇದಕ್ಕೆ ಕಾಂಗ್ರೆಸ್ ಹಾಗೂ ಬಿಜೆಪಿ ನಡುವೆ ಆರೋಪ – ಪ್ರತ್ಯಾರೋಪಗಳು ನಡೆದಿವೆ. ಕಾಂಗ್ರೆಸ್ ನಾಯಕ ಕಪಿಲ್ ಸಿಬಲ್ ಅವರು ನರೇಂದ್ರ ಮೋದಿ ವಿರುದ್ಧ ವ್ಯಂಗ್ವಾಡಿದ್ದಾರೆ.

ಇದನ್ನೂ ಓದಿ: Terrorist Arrest : ದೆಹಲಿಯಲ್ಲಿ ಪಾಕ್ ಉಗ್ರನ ಬಂಧನ

2020ರಲ್ಲಿ ಭಾರತ ಬಡತನ ಸೂಚ್ಯಂಕದಲ್ಲಿ 94ನೇ ಸ್ಥಾನದಲ್ಲಿದ್ದು, 2021ರಲ್ಲಿ 101ನೇ ಸ್ಥಾನಕ್ಕೆ ಕುಸಿದಿದೆ. ಅಷ್ಟೇ ಅಲ್ಲ ಪಾಕಿಸ್ತಾನ, ಬಾಂಗ್ಲಾದೇಶಕ್ಕಿಂತಲೂ ಭಾರತ ಹಸಿವು ಸೂಚ್ಯಂಕದಲ್ಲಿ ಕೆಳಕ್ಕೆ ಇಳಿದಿದೆ ಎಂದು ವರದಿ ತಿಳಿಸಿದೆ. ಜಾಗತಿಕ ಹಸಿವು ಸೂಚ್ಯಂಕದ ವರದಿ ಭಾರತಕ್ಕೆ ಎಚ್ಚರಿಕೆಯ ಗಂಟೆಯಾಗಿದೆ ಎಂದು ಹೇಳಿದ್ದಾರೆ.

ಜಾಗತಿಕ ಹಸಿವು ಸೂಚ್ಯಂಕದಲ್ಲಿ ಭಾರತ 101ನೇ ಸ್ಥಾನಕ್ಕೆ ಕುಸಿದಿದ್ದು, ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಬಡತನ, ಹಸಿವು ನಿರ್ಮೂಲನೆ ಮಾಡಬೇಕಿದೆ. ಭಾರತವನ್ನು ಜಾಗತಿಕ ಮಟ್ಟದಲ್ಲಿ ಶಕ್ತಿಶಾಲಿಯನ್ನಾಗಿ ಮಾಡುವುದಾಗಿ ಹೇಳಿತ್ತು ಎಂದು ಸಿಬಲ್ ಟ್ವೀಟ್ ಮಾಡಿದ್ದಾರೆ.

(India lags behind Pak, Bangladesh in global hunger list)