Provident Fund : ಪಿಎಫ್ ಖಾತೆಯ ಬ್ಯಾಲೆನ್ಸ್‌ನ್ನು ಚೆಕ್‌ ಮಾಡುವುದು ಹೇಗೆ : ಇಲ್ಲಿದೆ ಸಂಪೂರ್ಣ ಮಾಹಿತಿ

ನವದೆಹಲಿ : 2021-22ರ ಹಣಕಾಸು ವರ್ಷಕ್ಕೆ ಪ್ರಾವಿಡೆಂಟ್ ಫಂಡ್ (Provident Fund) ಚಂದಾದಾರರು ತಮ್ಮ ಖಾತೆಯಲ್ಲಿ ಬಡ್ಡಿ ಜಮಾ ಆಗಿರುವುದನ್ನು ಕಾಣಬಹುದು. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ ( EPFO) ಕಳೆದ ತಿಂಗಳು ಬಡ್ಡಿಯನ್ನು ಜಮಾ ಮಾಡಲು ಪ್ರಾರಂಭಿಸಿದೆ. 2021-22 ರ ಹಣಕಾಸು ವರ್ಷದಲ್ಲಿ ಪಿಎಫ್ ಖಾತೆಯ ಹೂಡಿಕೆಯ ಮೇಲಿನ ಬಡ್ಡಿ ದರವು ಶೇಕಡಾ 8.1 ಆಗಿದೆ. ಮಾರ್ಚ್‌ನಲ್ಲಿ EPFO ​​ಶೇಕಡಾ 8.1 ರ ಬಡ್ಡಿದರವನ್ನು ಘೋಷಿಸಿತು. ಇದು ಕಳೆದ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ನಾಲ್ಕು ದಶಕಗಳಲ್ಲಿ ಕಡಿಮೆಯಾಗಿದೆ.

ಇಪಿಎಫ್‌ಒದ ಕೇಂದ್ರೀಯ ಟ್ರಸ್ಟಿಗಳ ಮಂಡಳಿ (ಸಿಬಿಟಿ) ಹಣಕಾಸು ಸಚಿವಾಲಯದೊಂದಿಗಿನ ಮಾತುಕತೆಯ ನಂತರ ಪ್ರತಿ ವರ್ಷದ ಬಡ್ಡಿದರವನ್ನು ನಿರ್ಧರಿಸುತ್ತದೆ. ಈ ವರ್ಷದ ಜೂನ್‌ನಲ್ಲಿ ನಡೆದ ಹಣಕಾಸು ಸಚಿವಾಲಯವು ಬಡ್ಡಿದರವನ್ನು ನಂತರ ಅನುಮೋದಿಸುತ್ತದೆ. ಒಮ್ಮೆ ಬಡ್ಡಿಯನ್ನು ಕ್ರೆಡಿಟ್ ಮಾಡಿದ ನಂತರ ಅದು ವ್ಯಕ್ತಿಯ ಪಿಎಫ್ ಖಾತೆಯಲ್ಲಿ ಕಾಣಿಸುತ್ತದೆ. ಪಿಎಫ್ (PF) ಖಾತೆದಾರರು ಸಂದೇಶ (SMS), ಮಿಸ್ಡ್ ಕಾಲ್, UMANG ಅಪ್ಲಿಕೇಶನ್ ಮತ್ತು EPFO ​​ವೆಬ್‌ಸೈಟ್ ಸೇರಿದಂತೆ ಹಲವಾರು ವಿಧಾನಗಳ ಮೂಲಕ ಖಾತೆಯ ಬ್ಯಾಲೆನ್ಸ್ ಅನ್ನು ಪರಿಶೀಲಿಸಬಹುದು.

SMS ಸೌಲಭ್ಯ :
ಮೊದಲನೆಯದಾಗಿ, ‘EPFOHO UAN ENG’ ಎಂಬ ಪಠ್ಯ ಸಂದೇಶವನ್ನು 7738299899 ಗೆ ಕಳುಹಿಸಬೇಕು. ಪಠ್ಯ ಸಂದೇಶದ ಕೊನೆಯ ಮೂರು ಅಕ್ಷರಗಳು ಸಂದೇಶವನ್ನು ಸ್ವೀಕರಿಸಲು ಆಯ್ಕೆಮಾಡಿದ ಭಾಷೆಯನ್ನು ಉಲ್ಲೇಖಿಸುತ್ತದೆ. ಈ ಸಂದೇಶವನ್ನು ಕಳುಹಿಸುವಾಗ ENG ಎಂದರೆ ಇಂಗ್ಲಿಷ್. ಪಿಎಫ್ ಖಾತೆದಾರರು ಒಟ್ಟು 10 ಭಾಷೆಗಳಾದ ಇಂಗ್ಲೀಷ್, ಹಿಂದಿ, ತಮಿಳು, ಮರಾಠಿ, ಬೆಂಗಾಲಿ, ಕನ್ನಡ, ಪಂಜಾಬಿ, ತೆಲುಗು, ಮಲಯಾಳಂ ಮತ್ತು ಗುಜರಾತಿಯಿಂದ ಆಯ್ಕೆ ಮಾಡಬಹುದು. ಮುಂದೆ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಯುನಿವರ್ಸಲ್ ಅಕೌಂಟ್ ನಂಬರ್ (UAN) ನೊಂದಿಗೆ ನೋಂದಾಯಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಬೇಕು. EPFO ನಿಮ್ಮ ಕೊನೆಯ PF ಕೊಡುಗೆ, ಬ್ಯಾಲೆನ್ಸ್ ವಿವರಗಳು ಮತ್ತು ಲಭ್ಯವಿರುವ ಕೆವೈಸಿ (Know Your Customer) ಮಾಹಿತಿಯನ್ನು ನಿಮ್ಮ ಮೊಬೈಲ್ ಸಂಖ್ಯೆಗೆ SMS (Short Message/Messaging Service) ಮೂಲಕ ಕಳುಹಿಸುತ್ತದೆ.

ಮಿಸ್ಡ್ ಕಾಲ್ :
ಯುಎಎನ್ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 011-22901406 ಗೆ ಮಿಸ್ಡ್ ಕಾಲ್ ನೀಡುವ ಮೂಲಕ ನೀವು ಪಿಎಫ್ ಬ್ಯಾಲೆನ್ಸ್ ಅನ್ನು ಪರಿಶೀಲಿಸಬಹುದು. ಮಿಸ್ಡ್‌ಕಾಲ್‌ ಬಳಿಕ ಬ್ಯಾಲೆನ್ಸ್ ವಿವರಗಳನ್ನು ಹೊಂದಿರುವ ಸಂದೇಶವನ್ನು ಖಾತೆದಾರರು ಪಡೆಯಬಹುದಾಗಿದೆ.

UMANG ಅಪ್ಲಿಕೇಶನ್ :
ಇದಕ್ಕಾಗಿ ನೀವು Google PlayStore ಅಥವಾ App Store ನಿಂದ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಬೇಕಾಗುತ್ತದೆ. ಹಾಗೆ ನಿಮ್ಮ UAN ಮತ್ತು OTP ಬಳಸಿ ಲಾಗ್ ಇನ್ ಆಗಬೇಕು. ಮೊಬೈಲ್ ಪರದೆಯಲ್ಲಿ ಪ್ರದರ್ಶಿಸಲಾದ ಖಾತೆ ವಿವರಗಳನ್ನು ನೀವು ಸುಲಭವಾಗಿ ಪರಿಶೀಲಿಸಬಹುದು.

ಇದನ್ನೂ ಓದಿ : EPFO Nomination Filing : ಇಪಿಎಫ್​​ಓ ಇ ಫೈಲಿಂಗ್​​ ಕೊನೆಯ ದಿನದ ಗಡುವು ವಿಸ್ತರಣೆ

ಇದನ್ನೂ ಓದಿ : EPF Interest Rate : EPF ಬಡ್ಡಿ ದರ ಇಂದು ಜಮಾ ಆಗುವ ಸಾಧ್ಯತೆ : ನಿಮ್ಮ ಮೊತ್ತವನ್ನು ಪರಿಶೀಲಿಸಿ

EPFO ವೆಬ್‌ಸೈಟ್ :
ಮೊದಲು ಅಧಿಕೃತ EPFO ​​ವೆಬ್‌ಸೈಟ್‌ಗೆ ಭೇಟಿ ನೀಡಬೇಕು. ನಂತರ ‘ನಮ್ಮ ಸೇವೆಗಳ ಟ್ಯಾಬ್’ ಆಯ್ಕೆಮಾಡಬೇಕು. ಇಲ್ಲಿ ನೀವು ‘ಉದ್ಯೋಗಿಗಳಿಗಾಗಿ’ ಕ್ಲಿಕ್ ಮಾಡಬೇಕಾಗುತ್ತದೆ. ನಂತರ ‘ಸದಸ್ಯ ಪಾಸ್‌ಬುಕ್’ ಆಯ್ಕೆಮಾಡಬೇಕು. ನಿಮ್ಮ PF ಖಾತೆಯ ಬ್ಯಾಲೆನ್ಸ್ ಪರಿಶೀಲಿಸಲು ನಿಮ್ಮ UAN ಮತ್ತು ಪಾಸ್‌ವರ್ಡ್ ಅನ್ನು ನಮೂದಿಸಬೇಕು. ಒಂದಕ್ಕಿಂತ ಹೆಚ್ಚು ಸಂಸ್ಥೆಗಳಲ್ಲಿ ಉದ್ಯೋಗದಲ್ಲಿರುವವರು ವಿವಿಧ ಸದಸ್ಯ ಐಡಿಗಳ ಮೂಲಕ ತಮ್ಮ ಪಿಎಫ್ ಬ್ಯಾಲೆನ್ಸ್ ಅನ್ನು ಪರಿಶೀಲಿಸಬೇಕಾಗುತ್ತದೆ ಎನ್ನುವುದನ್ನು ಗಮನಿಸಬೇಕಾಗಿದೆ.‌

Provident Fund : How to Check PF Account Balance : Here is complete information