Dandeli Tour Package : ದಾಂಡೇಲಿಗೆ ಪ್ರವಾಸಕ್ಕೆ ತೆರಳಿದವರು ತಪ್ಪದೇ ಗೋಕರ್ಣಕ್ಕೂ ಭೇಟಿ ನೀಡಿ

ಕರ್ನಾಟಕದಲ್ಲಿ ಗೋಕರ್ಣವು ಪ್ರಸಿದ್ಧ ಯಾತ್ರಾ ಸ್ಥಳಗಳಲ್ಲಿ ಒಂದಾಗಿದೆ. ಅದರಲ್ಲೂ ಪ್ರವಾಸಿಗರು ಕರ್ನಾಟಕದ ಪ್ಯಾಕೇಜ್‌ಗಳಲ್ಲಿ ಭೇಟಿ ನೀಡುವ (Dandeli Tour Package) ಸ್ಥಳಗಳಲ್ಲಿ ಈ ಸ್ಥಳವನ್ನು ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ರಾಜ್ಯದ ರಾಜಧಾನಿಯಿಂದ ಬರುವ ಪ್ರವಾಸಿಗರಿಗೆ ಗೋಕರ್ಣವು 514 ಕಿ.ಮೀ. ದೂರದಲ್ಲಿ ಇರುತ್ತದೆ.

ಆತ್ಮಲಿಂಗವನ್ನು ಹೊಂದಿರುವ ಶ್ರೀ ಮಹಾಬಲೇಶ್ವರ ದೇವಾಲಯವು ಗೋಕರ್ಣದ ರಜಾದಿನಗಳ ಪ್ಯಾಕೇಜ್‌ಗಳ ಭಾಗವಾಗಿ ಭೇಟಿ ನೀಡಲೇಬೇಕಾದ ಸ್ಥಳಗಳಲ್ಲಿ ಒಂದಾಗಿದೆ. ಅಷ್ಟೇ ಅಲ್ಲದೇ ಗೋಕರ್ಣವು ಹಿಂದೂ ಸಂಪ್ರದಾಯದ ಪ್ರಕಾರ ಸತ್ತವರಿಗೆ ಮುಕ್ತಿ ನೀಡುವ ಸ್ಥಳವೆಂದು ಕೂಡ ಪರಿಗಣಿಸಲಾಗುತ್ತದೆ. ಹಿಂದೂಗಳ ಅಂತ್ಯಕ್ರಿಯೆಯ ವಿಧಿ ವಿಧಾನಗಳನ್ನು ಅಂದರೆ ಮರಣ ಹೊಂದಿವರಿಗೆ ಮೋಕ್ಷ ನೀಡಲು ಗೋಕರ್ಣಕ್ಕೆ ಭೇಟಿ ನೀಡುತ್ತಾರೆ. ಗೋಕರ್ಣವು ಓಂ ಬೀಚ್, ಕುಡ್ಲೆ ಬೀಚ್, ಗೋಕರ್ಣ ಬೀಚ್ ಸೇರಿದಂತೆ ಕರ್ನಾಟಕದ ಕೆಲವು ಪ್ರಮುಖ ಬೀಚ್‌ ತಾಣಗಳಿಗೆ ಪ್ರಸಿದ್ಧಿಯಾಗಿದೆ.

ಇನ್ನು ಪ್ರವಾಸಿಗರು ಗೋಕರ್ಣದ ಕಡಲತೀರಗಳಲ್ಲಿ, ಸರ್ಫರ್‌ಗಳಲ್ಲಿ ಓಂ ಬೀಚ್‌ ಅತ್ಯಂತ ಜನಪ್ರಿಯವಾಗಿದ್ದು, ಪವಿತ್ರ ಓಂ ಚಿಹ್ನೆಯ ನೈಸರ್ಗಿಕ ರಚನೆಯಿಂದಾಗಿ ಬೀಚ್‌ ತನ್ನ ಹೆಸರನ್ನು ಪಡೆದುಕೊಂಡಿದೆ. ಇನ್ನು ಇಲ್ಲಿಗೆ ಬರುವ ಯಾತ್ರಾತಿಗಳಿಗೆ ದಾಂಡೇಲಿ ಪ್ರವಾಸದ ಪ್ಯಾಕೇಜ್‌ಗಳೊಂದಿಗೆ ಗೋಕರ್ಣಕ್ಕೂ ಭೇಟಿ ನೀಡಬಹುದು ಅಥವಾ ಗೋಕರ್ಣಕ್ಕೆ ಹೋಗುವಾಗ ದಾಂಡೇಲಿಗೂ ಭೇಟಿ ನೀಡಬಹುದಾಗಿದೆ.

ದಾಂಡೇಲಿ ಪ್ರವಾಸ :
ಕಾಳಿ ನದಿಯ ದಡದಲ್ಲಿರುವ ದಾಂಡೇಲಿಯ ಸುಂದರವಾದ ಪಟ್ಟಣವು ಕರ್ನಾಟಕದ ಪ್ರಮುಖ ಪ್ರವಾಸಿ ಸ್ಥಳಗಳಲ್ಲಿ ಒಂದಾಗಿದೆ. ಇದು ಗೋವಾದಿಂದ ಸುಮಾರು 130 ಕಿಮೀ ಮತ್ತು ಬೆಂಗಳೂರಿನಿಂದ 462 ಕಿಮೀ ದೂರದಲ್ಲಿದೆ. ದಾಂಡೇಲಿಯು ತನ್ನ ಬಹುಕಾಂತೀಯ ನೈಸರ್ಗಿಕ ಹಿನ್ನೆಲೆ, ವನ್ಯಜೀವಿ ಮತ್ತು ಸಾಹಸ ಚಟುವಟಿಕೆಗಳಿಗೆ ಸಾಕಷ್ಟು ಪ್ರಸಿದ್ಧವಾಗಿದ್ದು, ಇದನ್ನು ದಾಂಡೇಲಿ ಪ್ರವಾಸದ ಪ್ಯಾಕೇಜ್‌ಗಳ ಭಾಗವಾಗಿ ಅನುಭವಿಸಬಹುದು.

ಇದನ್ನೂ ಓದಿ : Mangalore best tourist places : ಮಂಗಳೂರು ಪ್ರವಾಸಕ್ಕೆ ಹೋದ್ರೆ ಈ ಸ್ಥಳಗಳಿಗೆ ತಪ್ಪದೇ ಭೇಟಿ ನೀಡಿ

ದಾಂಡೇಲಿ ವನ್ಯಜೀವಿ ಅಭಯಾರಣ್ಯವು ಕರ್ನಾಟಕದ ಎರಡನೇ ಅತಿದೊಡ್ಡ ವನ್ಯಜೀವಿ ಅಭಯಾರಣ್ಯವಾಗಿದೆ. ದಾಂಡೇಲಿಯು ಭಾರತದ ಅಗ್ರ ವೈಟ್ ವಾಟರ್ ರಾಫ್ಟಿಂಗ್ ತಾಣಗಳಲ್ಲಿ ಒಂದಾಗಿದೆ. ಕಯಾಕಿಂಗ್, ವಾಟರ್ ರಾಫ್ಟಿಂಗ್ ಮತ್ತು ಕಾಳಿ ನದಿಯಲ್ಲಿ ಕ್ಯಾನೋಯಿಂಗ್ ಟ್ರಿಪ್‌ಗಳು ದಾಂಡೇಲಿಯಲ್ಲಿ ಪಾಲ್ಗೊಳ್ಳುವ ಕೆಲವು ವಿಷಯಗಳಾಗಿವೆ. ಸಾಥೋಡಿ ಜಲಪಾತ, ಸಿಂಥೇರಿ ಬಂಡೆಗಳು ಮತ್ತು ಕವಲ ಗುಹೆಗಳು ದಾಂಡೇಲಿಯಲ್ಲಿ ಭೇಟಿ ನೀಡಬೇಕಾದ ಇತರ ಪ್ರಮುಖ ಸ್ಥಳಗಳಾಗಿವೆ.

Dandeli Tour Package: Those who have gone on a trip to Dandeli must visit Gokarna