skin in summer : ಬೇಸಿಗೆ ಕಾಲದಲ್ಲಿ ಹೀಗಿರಲಿ ನಿಮ್ಮ ತ್ವಚೆಯ ಆರೈಕೆ
skin in summer : ಈಗಂತೂ ಬೇಸಿಗೆ ಕಾಲ. ಬೇಸಿಗೆ ರಜೆಗಳು ಕೂಡ ಆರಂಭವಾಗಿರೋದ್ರಿಂದ ಟ್ರಿಪ್ಗಳ ಬಗ್ಗೆ ಪ್ಲಾನ್ಗಳು ನಡೆಯುತ್ತಲೇ ಇರುತ್ತದೆ. ಅಲ್ಲದೇ ಈ ಸಮಯದಲ್ಲಿ ಮದುವೆ ಮುಂಜಿಗಳಂತಹ ಕಾರ್ಯಕ್ರಮಗಳೂ ಹೆಚ್ಚು. ಆದರೆ ಬೇಸಿಗೆ ಕಾಲದಲ್ಲಿ ಅತಿಯಾದ ಸುತ್ತಾಟ ನಿಮ್ಮ ತ್ವಚೆಯ ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮವನ್ನುಂಟು ಮಾಡುತ್ತದೆ. ಬಿಸಿಲಿನ ಶಾಖ, ಮಾಲಿನ್ಯಗಳಿಂದಾಗಿ ನಿಮ್ಮ ತ್ವಚೆಯ ನೈಸರ್ಗಿಕ ಕಾಂತಿ ಹಾಳಾಗಿ ಬಿಡುತ್ತದೆ.
ತಜ್ಞರ ಸಲಹೆ :ಈ ಸಮಯದಲ್ಲಿ ವಿಟಾಮಿನ್ ಸಿ ಸೆರಮ್ಗಳನ್ನು ಹೆಚ್ಚಾಗಿ ಬಳಕೆ ಮಾಡಬೇಕೆಂದು ತಜ್ಞರು ಸಲಹೆ ನೀಡುತ್ತಾರೆ. ಇದರಲ್ಲಿರುವ ಆಂಟಿ ಆಕ್ಸಿಡಂಟ್ಗಳು ನಿಮ್ಮ ತ್ವಚೆಯನ್ನು ಹೈಡ್ರೇಟ್ ಮಾಡುತ್ತವೇ. ಅಲ್ಲದೇ ಇವು ತ್ವಚೆ ಹಾಳಾಗುವುದರಿಂದಲೂ ತಡೆಯುತ್ತವೆ. ಅಲ್ಲದೇ ಊಟದಲ್ಲಿ ಹೆಚ್ಚೆಚ್ಚು ತರಕಾರಿ ಹಾಗೂ ಹಣ್ಣಗಳನ್ನು ಸೇರಿಸಿಕೊಳ್ಳುವುದರಿಂದಲೂ ನಿಮ್ಮ ತ್ವಚೆಯ ಆರೋಗ್ಯವನ್ನು ಕಾಪಾಡಿಕೊಳ್ಳಬಹುದಾಗಿದೆ.
ಹೆಚ್ಚು ನೀರು ಸೇವಿಸಿ : ನಿಮ್ಮ ತ್ವಚೆಯು ನೈಸರ್ಗಿಕವಾಗಿ ಹೊಳೆಯಬೇಕು ಅಂದರೆ ನೀವು ನೀರನ್ನು ಹೆಚ್ಚಾಗಿ ಕುಡಿಯಬೇಕು. ಇದರಿಂದ ನಿಮ್ಮ ದೇಹದಲ್ಲಿರುವ ವಿಷಕಾರಿ ಅಂಶಗಳು ದೇಹದಿಂದ ವಿಸರ್ಜಿಸಲ್ಪಡುತ್ತವೆ . ಅಲ್ಲದೇ ಇದು ಬೇಸಿಗೆ ಸಾಮಾನ್ಯವಾಗಿ ಕಾಡುವ ತುರಿಕೆ, ಮೊಡವೆ ಸೇರಿದಂತೆ ಎಲ್ಲಾ ಸಮಸ್ಯೆಗಳಿಗೆ ಸಿಂಪಲ್ ಪರಿಹಾರವಾಗಿದೆ.
ಫೇಸ್ ಟೋನರ್ : ಬೇಸಿಗೆಯಲ್ಲಿ ನಿಮಗೆ ಸಮಯ ಸಿಕ್ಕಾಗಲೆಲ್ಲ ಮುಖ ತೊಳೆದುಕೊಳ್ಳುತ್ತಿರುವುದನ್ನು ಮರೆಯುವಂತಿಲ್ಲ. ಇದರ ಜೊತೆಯಲ್ಲಿ ಟೋನರ್ ಬಳಕೆ ಮಾಡುವುದನ್ನು ರೂಢಿ ಮಾಡಿಕೊಳ್ಳಿ. ಟೋನರ್ಗಳು ನಿಮ್ಮ ಮುಖದಲ್ಲಿನ ಎಲ್ಲಾ ಡೆಡ್ ಸ್ಕಿನ್ ಸೆಲ್ಗಳನ್ನು ತೆಗೆದು ಹಾಕುತ್ತವೆ. ಹೀಗಾಗಿ ಯಾವಾಗಲು ಮುಖ ತೊಳೆದ ಬಳಿಕ ಟೋನರ್ ಬಳಕೆ ಮರೆಯಬೇಡಿ.
ಮಾಯ್ಶ್ಚೂರೈಸರ್ ಬಳಕೆ : ಬೇಸಿಗೆಯಲ್ಲಿ ನಿಮ್ಮ ತ್ವಚೆಯನ್ನು ಎಷ್ಟು ಹೈಡ್ರೇಟ್ ಮಾಡಿದರೂ ಸಹ ಅದು ಕಡಿಮೆಯೇ. ಹೀಗಾಗಿ ನೀವು ಈ ಅವಧಿಯಲ್ಲಿ ಮಾಯ್ಶ್ಚೂರೈಸರ್ ಹಾಗೂ ಸೆರಂಗಳನ್ನು ಹೆಚ್ಚಾಗಿ ಬಳಕೆ ಮಾಡಬೇಕು. ಇದರಿಂದ ನಿಮ್ಮ ತ್ವಚೆಗೆ ನೈಸರ್ಗಿಕ ಕಾಂತಿ ಸಿಗಲಿದೆ.
ಸನ್ಸ್ಕ್ರೀನ್ ಮರೆಯಲೇಬೇಡಿ : ಬೇಸಿಗೆಯಲ್ಲಿ ನೀವು ಸನ್ಸ್ಕ್ರೀನ್ಗಳನ್ನು ಮರೆಯುವಂತೆಯೇ ಇಲ್ಲ. ಈ ಸಮಯದಲ್ಲಿ ಉಂಟಾಗುವ ಸುಕ್ಕುಗಟ್ಟುವಿಕೆ, ಕಲೆಗಳು, ಸೂರ್ಯನಿಂದ ಸುಟ್ಟ ಕಲೆಗಳು ಸೇರಿದಂತೆ ಎಲ್ಲಾ ಸಮಸ್ಯೆಗಳನ್ನು ದೂರ ಮಾಡಲು ಸನ್ಸ್ಕ್ರೀನ್ ಬಳಕೆ ಅತ್ಯಗತ್ಯ, ಇವು ಸೂರ್ಯನ ನೇರಳಾತೀತ ಕಿರಣಗಳಿಂದ ನಿಮ್ಮ ತ್ವಚೆಯನ್ನು ಕಾಪಾಡಿತ್ತವೆ.
ಮನೆ ಮದ್ದುಗಳು : ತ್ವಚೆಯ ಆರೋಗ್ಯವನ್ನು ಕಾಪಾಡಿಕೊಳ್ಳಲು ನೀವು ಮನೆಯಲ್ಲಿಯೇ ಸಾಕಷ್ಟು ಮನೆಮದ್ದುಗಳನ್ನು ಮಾಡಬಹುದಾಗಿದೆ. ಮನೆಯಲ್ಲಿಯೇ ತಯಾರಿಸಿದ ಫೇಸ್ ಪ್ಯಾಕ್ಗಳು ನಿಮ್ಮ ತ್ವಚೆಯ ಆರೋಗ್ಯವನ್ನು ಹೆಚ್ಚಿಸುತ್ತದೆ ಮಾತ್ರವಲ್ಲದೇ ಇದರಿಂದ ಯಾವುದೇ ಅಡ್ಡ ಪರಿಣಾಮ ಇರೋದಿಲ್ಲ. ಹೀಗಾಗಿ ಟೊಮ್ಯಾಟೋ. ಆಲೋವೇರಾ, ನಿಂಬು, ಐಸ್ ಕ್ಯೂಬ್ಗಳನ್ನು ನೀವು ನಿಮ್ಮ ತ್ವಚೆಗೆ ಬಳಕೆ ಮಾಡಬಹುದಾಗಿದೆ.
ಇದನ್ನು ಓದಿ : Vastu Tips: ದಂಪತಿಯ ನಡುವಿನ ಭಿನ್ನಾಭಿಪ್ರಾಯಗಳನ್ನು ದೂರಮಾಡಲು ಮನೆಯಲ್ಲಿರಲಿ ಈ ವಸ್ತು
ಇದನ್ನೂ ಓದಿ : Shah Rukh Khan: ಶಾರುಖ್ ಖಾನ್ ಮತ್ತೊಂದು ಬಿಗ್ ಬಜೆಟ್ ಸಿನಿಮಾ!
How to care for your skin in summer
Comments are closed.