IND vs WI ODI: ಟೀಂ ಇಂಡಿಯಾಗೆ ದೊಡ್ಡ ಹೊಡೆತ; ರವೀಂದ್ರ ಜಡೇಜಾ ಗಾಯ

ಆರಂಭಿಕ ಆಟಗಾರ ಕೆಎಲ್ ರಾಹುಲ್ ಕೋವಿಡ್ -19 ಪಾಸಿಟಿವ್ ಆಗಿದ್ದು, ಶುಕ್ರವಾರದಿಂದ ಪ್ರಾರಂಭವಾಗುವ ವೆಸ್ಟ್ ಇಂಡೀಸ್ ವಿರುದ್ಧದ ಏಕದಿನ ಸರಣಿಯಲ್ಲಿ ಆಲ್ ರೌಂಡರ್ ರವೀಂದ್ರ ಜಡೇಜಾ ಕೂಡ ಆಡುವುದು ಸಂದೇಹವಿದ್ದು ಟೀಮ್ ಇಂಡಿಯಾಗೆ ಮತ್ತೊಂದು ಹೊಡೆತ ಬಿದ್ದಿದೆ. ಮೂರು ಪಂದ್ಯಗಳ ಏಕದಿನ ಸರಣಿಗೆ ಉಪನಾಯಕರಾಗಿ ನೇಮಕಗೊಂಡಿರುವ ಜಡೇಜಾ ಅವರ ಮೊಣಕಾಲಿನ ಮೇಲೆ ನಿಗ್ಗಲ್ಸ್ ಕಾಣಿಸಿಕೊಂಡಿದ್ದು, ಅವರ ಗಾಯದ ತೀವ್ರತೆಯನ್ನು ನಿರ್ಧರಿಸಲು ವೈದ್ಯಕೀಯ ಸಲಹೆಯನ್ನು ಪಡೆಯಲಾಗುತ್ತಿದೆ ಎಂದು ತಿಳಿದು ಬಂದಿದೆ. ಎಡ ಮೊಣಕಾಲಿನ ಮೇಲಿರುವ ಗಾಯವನ್ನು ಉಲ್ಬಣಗೊಳಿಸದಂತೆ ಮುನ್ನೆಚ್ಚರಿಕೆಯಾಗಿ 33 ವರ್ಷ ವಯಸ್ಸಿನ ಜಡೇಜಾಗೆ ಈ ಓಡಿಐ ಸರಣಿಗೆ ಸಂಪೂರ್ಣ ವಿಶ್ರಾಂತಿ ನೀಡಬಹುದು ಎಂದು ತಿಳಿಯಲಾಗಿದೆ. ಟ್ರಿನಿಡಾಡ್‌ನ ಪೋರ್ಟ್ ಆಫ್ ಸ್ಪೇನ್‌ನಲ್ಲಿರುವ ಕ್ವೀನ್ಸ್ ಪಾರ್ಕ್ ಓವಲ್‌ನಲ್ಲಿ ಎಲ್ಲಾ ಓಡಿಐ ಪಂದ್ಯಗಳನ್ನು ಜುಲೈ 22, 24 ಮತ್ತು 27 ರಂದು ನಿಗದಿಪಡಿಸಲಾಗಿದೆ(IND vs WI ODI).

ಈ ಬೆಳವಣಿಗೆಯು ರಾಷ್ಟ್ರೀಯ ಆಯ್ಕೆದಾರರು ಮತ್ತು ತಂಡದ ಮ್ಯಾನೇಜ್‌ಮೆಂಟ್‌ಗೆ ಅವರು ಉಪನಾಯಕನನ್ನು ಹೆಸರಿಸಬೇಕೇ ಎಂದು ಯೋಚಿಸುವಂತೆ ಮಾಡಿದೆ. ಉಪನಾಯಕನ ಘೋಷಣೆಯಾಗದಿರುವ ಸಾಧ್ಯತೆಯಿದೆ ಮತ್ತು ಉಪನಾಯಕತ್ವದ ನಿರ್ಧಾರವನ್ನು ಕೋಚ್ ರಾಹುಲ್ ದ್ರಾವಿಡ್ ಸ್ಥಳದಲ್ಲೇ ನಿರ್ಧರಿಸಲು ಬಿಡಬಹುದು. ಏಕದಿನ ತಂಡದಲ್ಲಿರುವ ಇತರ ಹಿರಿಯರೆಂದರೆ ಶಾರ್ದೂಲ್ ಠಾಕೂರ್ ಮತ್ತು ಯುಜ್ವೇಂದ್ರ ಚಾಹಲ್.

ವೆಸ್ಟ್ ಇಂಡೀಸ್ ವಿರುದ್ಧ ಇರುವ 3 ಏಕದಿನ ತಂಡಗಳು ಮತ್ತು 2 ಟಿಟ್ವೆಂಟಿ ತಂಡಗಳು ಈ ಕೆಳಗಿನವು:

ಏಕದಿನ ತಂಡ: ಶಿಖರ್ ಧವನ್ (ನಾಯಕ), ರುತುರಾಜ್ ಗಾಯಕ್ವಾಡ್, ಶುಭಮನ್ ಗಿಲ್, ದೀಪಕ್ ಹೂಡಾ, ಸೂರ್ಯಕುಮಾರ್ ಯಾದವ್, ಶ್ರೇಯಸ್ ಅಯ್ಯರ್, ಇಶಾನ್ ಕಿಶನ್ (WK), ಸಂಜು ಸ್ಯಾಮ್ಸನ್ (WK), ರವೀಂದ್ರ ಜಡೇಜಾ (ಉಪನಾಯಕ), ಶಾರ್ದೂಲ್ ಠಾಕೂರ್, ಯುಜ್ವೇಂದ್ರ ಚಾಹಲ್ ಅಕ್ಷರ್ ಪಟೇಲ್, ಅವೇಶ್ ಖಾನ್, ಪ್ರಸಿದ್ಧ್ ಕೃಷ್ಣ, ಮೊಹಮ್ಮದ್ ಸಿರಾಜ್, ಅರ್ಷದೀಪ್ ಸಿಂಗ್.

ಟಿಟ್ವೆಂಟಿ ತಂಡ: ರೋಹಿತ್ ಶರ್ಮಾ (ನಾಯಕ), ಇಶಾನ್ ಕಿಶನ್, ಕೆಎಲ್ ರಾಹುಲ್, ಸೂರ್ಯಕುಮಾರ್ ಯಾದವ್, ದೀಪಕ್ ಹೂಡಾ, ಶ್ರೇಯಸ್ ಅಯ್ಯರ್, ದಿನೇಶ್ ಕಾರ್ತಿಕ್, ರಿಷಭ್ ಪಂತ್, ಹಾರ್ದಿಕ್ ಪಾಂಡ್ಯ, ರವೀಂದ್ರ ಜಡೇಜಾ, ಅಕ್ಷರ್ ಪಟೇಲ್, ಆರ್ ಅಶ್ವಿನ್, ರವಿ ಬಿಷ್ಣೋಯ್, ಕುಲದೀಪ್ ಯಾದವ್, ಭುವನೇಶ್ವರ್ ಕುಮಾರ್, ಅವೇಶ್ ಖಾನ್, ಹರ್ಷಲ್ ಪಟೇಲ್, ಅರ್ಷದೀಪ್ ಸಿಂಗ್.

ಇದನ್ನೂ ಓದಿ : Nithya Menon Marriage:ಶೀಘ್ರದಲ್ಲೇ ಮಲಯಾಳಂ ನಟನೊಂದಿಗೆ ವಿವಾಹವಾಗಲಿದ್ದಾರಾ ನಿತ್ಯಾ ಮೆನೆನ್ ?

(IND vs WI ODI Jadeja injured )