16 ವರ್ಷದೊಳಗಿನ ಮಕ್ಕಳಿಗೆ ಸೋಶಿಯಲ್ ಮೀಡಿಯಾ ಬ್ಯಾನ್; ಬಾಲ ಸ್ಟಾರ್ಗಳ ಗತಿಯೇನು!?
Social Media Ban under 16 year kids: ರಾಜ್ಯದ 2026-27ನೇ ಸಾಲಿನ ಬಜೆಟ್ನಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯನವರು ಒಂದು ಐತಿಹಾಸಿಕ ಮತ್ತು ಕಟ್ಟುನಿಟ್ಟಿನ ನಿರ್ಧಾರವನ್ನು ಪ್ರಕಟಿಸಿದ್ದಾರೆ. ಹದಿಹರೆಯದವರ ಮಾನಸಿಕ ಆರೋಗ್ಯ ಮತ್ತು ಸೈಬರ್ ಸುರಕ್ಷತೆಯನ್ನು ಕಾಪಾಡುವ ಉದ್ದೇಶದಿಂದ 16 ವರ್ಷದೊಳಗಿನ ಮಕ್ಕಳಿಗೆ ಸಾಮಾಜಿಕ ಜಾಲತಾಣಗಳ (Social Media) ಬಳಕೆಯನ್ನು ರಾಜ್ಯದಲ್ಲಿ ಸಂಪೂರ್ಣವಾಗಿ ನಿಷೇಧಿಸಲಾಗಿದೆ. ಈ ನಿಯಮ ಜಾರಿಗೆ ಬಂದ ಬೆನ್ನಲ್ಲೇ, ಸಾಮಾಜಿಕ ಜಾಲತಾಣಗಳಲ್ಲಿ ಲಕ್ಷಾಂತರ ಫಾಲೋವರ್ಸ್ ಹೊಂದಿರುವ ಕರ್ನಾಟಕದ ಬಾಲ ಪ್ರತಿಭೆಗಳ ಖಾತೆಗಳ ಸ್ಥಿತಿ ಏನಾಗಲಿದೆ ಎಂಬ ಚರ್ಚೆ ಶುರುವಾಗಿದೆ.
ಸರ್ಕಾರವು ಈ ನಿಷೇಧವನ್ನು ಜಾರಿಗೊಳಿಸಲು ಕೆಲವು ಕಟ್ಟುನಿಟ್ಟಿನ ಮಾರ್ಗಸೂಚಿಗಳನ್ನು ಸಿದ್ಧಪಡಿಸಿದೆ:
-
ಕಡ್ಡಾಯ ವಯಸ್ಸಿನ ದೃಢೀಕರಣ: ಇನ್ಸ್ಟಾಗ್ರಾಂ, ಫೇಸ್ಬುಕ್ ಮತ್ತು ಎಕ್ಸ್ (X) ನಂತಹ ಕಂಪನಿಗಳು ಕರ್ನಾಟಕದ ಬಳಕೆದಾರರಿಗೆ ‘Age Verification’ ಪ್ರಕ್ರಿಯೆಯನ್ನು ಕಡ್ಡಾಯಗೊಳಿಸಬೇಕು.
-
ಪೋಷಕರ ಮೇಲಿನ ಜವಾಬ್ದಾರಿ: ಒಂದು ವೇಳೆ 16 ವರ್ಷದೊಳಗಿನ ಮಕ್ಕಳು ಗುಟ್ಟಾಗಿ ಖಾತೆ ನಿರ್ವಹಿಸಿದರೆ ಅಥವಾ ಪೋಷಕರು ಅವರಿಗೆ ಅವಕಾಶ ಮಾಡಿಕೊಟ್ಟರೆ, ಅಂತಹ ಪೋಷಕರ ಮೇಲೆ ದಂಡ ವಿಧಿಸುವ ಪ್ರಸ್ತಾವನೆ ಇದೆ.
-
ವಾಣಿಜ್ಯ ಉದ್ದೇಶದ ಬಳಕೆಗೆ ತಡೆ: ಅನೇಕ ಮಕ್ಕಳು ರೀಲ್ಸ್ ಮೂಲಕ ಹಣ ಗಳಿಸುತ್ತಿದ್ದಾರೆ (Influencers). ಹೊಸ ನಿಯಮದ ಪ್ರಕಾರ, 16 ವರ್ಷದೊಳಗಿನ ಮಕ್ಕಳನ್ನು ಬಳಸಿ ವಾಣಿಜ್ಯ ಲಾಭ ಪಡೆಯುವುದು ಕಾನೂನುಬಾಹಿರವಾಗುವ ಸಾಧ್ಯತೆಯಿದೆ.
‘ಬುಮ್ರಾ ಕೂಡ ಮನುಷ್ಯನೇ’ – ಭಾರತಕ್ಕೆ ನ್ಯೂಜಿಲೆಂಡ್ ಆಟಗಾರ ಗ್ಲೆನ್ ಫಿಲಿಪ್ಸ್ ಎಚ್ಚರಿಕೆ!
ತಜ್ಞರ ಮತ್ತು ಪೋಷಕರ ಆತಂಕ:
ಪ್ರತಿಭೆಗಳ ಖಾತೆಗಳನ್ನು ಅವರ ಪೋಷಕರೇ ನಿರ್ವಹಿಸುತ್ತಿದ್ದಾರೆ (Managed by Parents). ಆದರೆ, ಬಜೆಟ್ನಲ್ಲಿ ಘೋಷಿಸಲಾದ ಹೊಸ ನಿಯಮವು “ಪೋಷಕರ ನಿರ್ವಹಣೆ”ಯಡಿ ಇರುವ ಖಾತೆಗಳಿಗೂ ಅನ್ವಯಿಸುತ್ತದೆಯೇ ಅಥವಾ ಬಾಲ ಕಲಾವಿದರಿಗೆ ವಿನಾಯಿತಿ ನೀಡಲಾಗುತ್ತದೆಯೇ ಎಂಬ ಬಗ್ಗೆ ಸರ್ಕಾರಿ ಆದೇಶದ ಪ್ರತಿ ಬಂದ ನಂತರವಷ್ಟೇ ಸ್ಪಷ್ಟವಾಗಲಿದೆ.
ಸರ್ಕಾರದ ಈ ನಡೆ ಮಕ್ಕಳನ್ನು ‘ಡಿಜಿಟಲ್ ಅಡಿಕ್ಷನ್’ನಿಂದ ದೂರವಿಡಲು ಪೂರಕವಾಗಿದ್ದರೂ, ಸಣ್ಣ ವಯಸ್ಸಿನಲ್ಲೇ ಸೋಶಿಯಲ್ ಮೀಡಿಯಾ ಮೂಲಕ ಸಾಧನೆ ಮಾಡುತ್ತಿರುವ ಪ್ರತಿಭೆಗಳಿಗೆ ಇದು ದೊಡ್ಡ ಹಿನ್ನಡೆಯಾಗಲಿದೆ.
