Rain alert monsoon Kerala : ಕೇರಳದಲ್ಲಿ ಮುಂಗಾರು ವಿಳಂಬ, 5 ದಿನ ಗುಡುಗು, ಸಿಡಿಲು ಸಹಿತ ಮಳೆ

ಕೇರಳ : ಜೂನ್‌ ಆರಂಭದಲ್ಲೇ ಕೇರಳಕ್ಕೆ ಮುಂಗಾರು ಮಳೆ (Rain alert monsoon Kerala) ಆಗಮನವಾಗುವುದು ವಾಡಿಕೆ. ಆದರೆ ಈ ಬಾರಿಯ ಮುಂಗಾರು ಕೇರಳ ತಲುಪುವುದು ತಡವಾಗಲಿದೆ. ಮುಂಗಾರು ಮಳೆ ಜೂನ್‌ 4 ರಂದು ಕೇರಳ ಪ್ರವೇಶಿಸುತ್ತದೆ ಎಂದು ಅಂದಾಜಿಸಲಾಗಿತ್ತು. ನಿನ್ನೆ ಮಧ್ಯಾಹ್ನದ ವೇಳೆಗೆ ಆಗ್ನೇಯ ಅರಬ್ಬಿ ಸಮುದ್ರದಲ್ಲಿ ಚಂಡಮಾರುತ ರೂಪುಗೊಳ್ಳುವ ಸಾಧ್ಯತೆಯಿತ್ತು. ಆದರೆ ಅರಬ್ಬಿ ಸಮುದ್ರ ಪ್ರದೇಶವನ್ನು ತಲುಪಿರುವ ಮುಂಗಾರು ಚುರುಕಾಗುತ್ತಿದೆಯಾದರೂ ಬಲಗೊಳ್ಳುತ್ತಿಲ್ಲ ಎಂದು ಕೇಂದ್ರ ಹವಾಮಾನ ವೀಕ್ಷಣಾಲಯ ಮಾಹಿತಿ ನೀಡಿದೆ. ಮುಂಗಾರು ಲಕ್ಷದ್ವೀಪದ ಕರಾವಳಿಯನ್ನು ತಲುಪಿದರೆ ಮಾತ್ರವೇ ಕೇರಳದಲ್ಲಿ ಭಾರೀ ಮಳೆ ಸುರಿಯಲಿದೆ ಎಂದು ಹವಮಾನ ಇಲಾಖೆ ಹೇಳಿದೆ.

ಇಂದು ಅರಬ್ಬಿ ಸಮುದ್ರದಲ್ಲಿ ರೂಪುಗೊಂಡಿರುವ ಸೈಕ್ಲೋನಿಕ್ ಗೈರ್ ಮುಂದಿನ 48 ಗಂಟೆಗಳಲ್ಲಿ ಕಡಿಮೆ ಒತ್ತಡವಾಗಿ ಬದಲಾಗಬಹುದು ಎಂದು ಅಂದಾಜಿಸಲಾಗಿದೆ. ಕೇರಳದಲ್ಲಿ ಮಾನ್ಸೂನ್ ಅನ್ನು ಈ ಕಡಿಮೆ ಒತ್ತಡದಿಂದ ನಿರ್ಧರಿಸಲಾಗುತ್ತದೆ. ಕಡಿಮೆ ಒತ್ತಡದ ಬಲವರ್ಧನೆ ಗಮನಿಸಿ ಮುಂಗಾರು ಯಾವಾಗ ಆಗಲಿದೆ ಎಂದು ಅಂದಾಜಿಸಲಾಗುತ್ತದೆ. ಕೇರಳದಲ್ಲಿ ನಿನ್ನೆ ಮಳೆ ಸುರಿಯದ ಹಿನ್ನೆಲೆಯಲ್ಲಿ ಇಂದಿನಿಂದ ಮಳೆಯನ್ನು ನಿರೀಕ್ಷಿಸಲಾಗುತ್ತಿದೆ.

ಇದನ್ನೂ ಓದಿ : Monsoon rain in Karnataka : ಹವಾಮಾನ ವರದಿ : ಮುಂಗಾರು ಮಳೆ, ಕರಾವಳಿ ಸೇರಿ ರಾಜ್ಯದ ಹಲವೆಡೆ ಜೂನ್‌ 9 ರ ವರೆಗೆ ಭಾರೀ ಮಳೆ ಸಾಧ್ಯತೆ

ಕೇಂದ್ರ ಹವಾಮಾನ ಇಲಾಖೆಯ ಮಾಹಿತಿಯ ಪ್ರಕಾರ ಮುಂದಿನ ಐದು ದಿನಗಳ ಕಾಲ ಕೇರಳದಲ್ಲಿ ವ್ಯಾಪಕ ಮಳೆ, ಗುಡುಗು, ಸಿಡಿಲು, ಗಾಳಿ ಬೀಸುವ ಸಾಧ್ಯತೆ ಇದೆ. ಜೂನ್ 5 ರಂದು ಪ್ರತ್ಯೇಕ ಸ್ಥಳಗಳಲ್ಲಿ ಭಾರೀ ಮಳೆಯಾಗುವ ಸಾಧ್ಯತೆಯಿದೆ ಎಂದು ಕೇಂದ್ರ ಹವಾಮಾನ ಇಲಾಖೆ ತಿಳಿಸಿದೆ.

Rain alert monsoon Kerala : Monsoon delayed in Kerala, 5 days of thunder and lightning