Aadhaar-Voter Id Link : ವೋಟರ್‌ ಐಡಿ ಮತ್ತು ಆಧಾರ್‌ ಅನ್ನು ಆನ್‌ಲೈನ್‌ನಲ್ಲಿ ನೀವೇ ಸುಲಭವಾಗಿ ಲಿಂಕ್ ಮಾಡಬಹುದು! ಹೇಗೆ ಅಂತೀರಾ…

ಸೋಮವಾರ (Monday) ದಿಂದ ಮತದಾರರ ಪಟ್ಟಿಯಲ್ಲಿ ಹೆಸರಿರುವವರು ನಿಮ್ಮ ಆಧಾರ್ (Aadhaar) ಸಂಖ್ಯೆಯನ್ನು ಆನ್‌ಲೈನ್‌ನಲ್ಲಿ ಲಿಂಕ್‌ ಮಾಡಿಕೊಳ್ಳಬಹುದು (Aadhaar-Voter Id Link) . ಲಿಂಕ್ ಮಾಡಲು ಹೊಸ ನಮೂನೆ 6B (Form-6B) ಅನ್ನು ಭರ್ತಿ ಮಾಡುವ ಮೂಲಕ ಸುಲಭವಾಗಿ ನೀವೇ ಮಾಡಿಕೊಳ್ಳಬಹುದು ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಚುನಾವಣಾ ಆಯೋಗವು ಹೊಸ ನಮೂನೆಯನ್ನು ಪರಿಚಯಿಸಿದೆ. ಅದೇ ಫಾರ್ಮ್ 6B. ಮತದಾರರ ಪಟ್ಟಿಯೊಂದಿಗೆ ತಮ್ಮ ಆಧಾರ್ ಸಂಖ್ಯೆಯನ್ನು ಲಿಂಕ್ ಮಾಡಲು ಸಿದ್ಧರಿರುವ ಜನರು ಅದನ್ನು ತಾವೇ ಮಾಡಬಹುದಾಗಿದೆ. ಆದರೆ ಆಧಾರ್ ಸಂಖ್ಯೆಯನ್ನು ಒದಗಿಸುವುದು ಸಂಪೂರ್ಣವಾಗಿ ಸ್ವಯಂಪ್ರೇರಿತವಾಗಿದೆ ಎಂದು ಎಲೆಕ್ಷನ್‌ ಕಮೀಷನ್‌ ಹೇಳಿದೆ. ಹೇಳುತ್ತದೆ.

ಆಗಸ್ಟ್ 1 ರಿಂದ ಜಾರಿಗೆ ಬರುವಂತೆ ಹೊಸ ನಮೂನೆಯನ್ನು ಪರಿಚಯಿಸಲಾಗಿದೆ. ಮತದಾರರ ಪಟ್ಟಿಯಲ್ಲಿನ ನಮೂದುಗಳನ್ನು ದೃಢೀಕರಿಸಲು ಅಸ್ತಿತ್ವದಲ್ಲಿರುವ ಮತದಾರರ ಆಧಾರ್ ಸಂಖ್ಯೆಯನ್ನು ಸಂಗ್ರಹಿಸಲು ಮತ್ತು ಇದರಿಂದಾಗಿ ಅದನ್ನು ಸಂಪೂರ್ಣವಾಗಿ ದೋಷಮುಕ್ತಗೊಳಿಸಲಾಗಿದೆ ಎಂದು ದೆಹಲಿಯ ಮುಖ್ಯ ಚುನಾವಣಾ ಅಧಿಕಾರಿ (ಸಿಇಒ) ತಿಳಿಸಿದ್ದಾರೆ.

ಆನ್‌ಲೈನ್ ಮತ್ತು ಆಫ್‌ಲೈನ್ ಎರಡೂ ವಿಧಾನಗಳ ಮೂಲಕ ಮತದಾರರು ತಮ್ಮ ಆಧಾರ್ ಸಂಖ್ಯೆಯನ್ನು ಸಲ್ಲಿಸಬಹುದು. ಮತದಾರರ ಪಟ್ಟಿಯಲ್ಲಿ ಹೆಸರು ಪಟ್ಟಿ ಮಾಡಲಾದ ಪ್ರತಿಯೊಬ್ಬ ವ್ಯಕ್ತಿಯೂ ತನ್ನ ಆಧಾರ್ ಸಂಖ್ಯೆಯನ್ನು ಚುನಾವಣಾ ನೋಂದಣಿ ಅಧಿಕಾರಿಗೆ ನಮೂನೆ 6B ಯಲ್ಲಿ ತಿಳಿಸಬಹುದು.

ಈ ಸಂದರ್ಭದಲ್ಲಿ, ವೋಟರ್‌ ಐಡಿಯೊಂದಿಗೆ ನಿಮ್ಮ ಆಧಾರ್ ಅನ್ನು ಲಿಂಕ್ ಮಾಡಲು ಆನ್‌ಲೈನ್ ಪ್ರಕ್ರಿಯೆಯನ್ನು ಸಹ ಅನುಸರಿಸಬಹುದು. ಹಾಗಾದ್ರೆ, ಆನ್‌ಲೈನ್‌ನಲ್ಲಿ ವೋಟರ್ ಐಡಿಯೊಂದಿಗೆ ಆಧಾರ್ ಅನ್ನು ಹೇಗೆ ಲಿಂಕ್ ಮಾಡುವುದು ಎಂಬುದರ ಕುರಿತು ಹಂತ ಹಂತದ ಪ್ರಕ್ರಿಯೆ ಇಲ್ಲಿದೆ.

ಇದನ್ನೂ ಓದಿ : Airtel 5G : ಆಗಸ್ಟ್​ ಅಂತ್ಯದಿಂದ ದೇಶದಲ್ಲಿ ಏರ್​ಟೆಲ್​ನಿಂದ 5ಜಿ ನೆಟವರ್ಕ್​ ಸೇವೆ : ಇಲ್ಲಿದೆ ಹೆಚ್ಚಿನ ಮಾಹಿತಿ

ಆನ್‌ಲೈನ್‌ನಲ್ಲಿ ವೋಟರ್ ಐಡಿಯೊಂದಿಗೆ ಆಧಾರ್ ಅನ್ನು ಹೇಗೆ ಲಿಂಕ್ ಮಾಡುವುದು ಲ್ಲಿದೆ

• ಮೊದಲು ಚುನಾವಣಾ ಆಯೋಗದ ವೆಬ್‌ಸೈಟ್‌ https://voterportal.eci.gov.in/ ಭೇಟಿ ನೀಡಿ.
• ಪೋರ್ಟಲ್‌ಗೆ ಲಾಗಿನ್ ಮಾಡಿ. ನಿಮ್ಮ ಮೊಬೈಲ್ ಸಂಖ್ಯೆ, ಇಮೇಲ್ ಐಡಿ, ವೋಟರ್ ಐಡಿ ಸಂಖ್ಯೆಯನ್ನು ಬಳಸಿ ಲಾಗ್ ಇನ್ ಆಗಿ.
• ನಿಮ್ಮ ರಾಜ್ಯ, ಜಿಲ್ಲೆ ಮತ್ತು ಇತರ ವೈಯಕ್ತಿಕ ವಿವರಗಳನ್ನು ಒದಗಿಸುವ ಅಗತ್ಯವಿದೆ- ಹೆಸರು, ಹುಟ್ಟಿದ ದಿನಾಂಕ ಮತ್ತು ತಂದೆಯ ಹೆಸರು ನಮೂದಿಸಿ.

• ಅಲ್ಲಿ ಸರ್ಚ್‌ ಬಟನ್‌ ಕ್ಲಿಕ್ ಮಾಡಿ.

• ಸರಿಯಾಗಿ ನಮೂದಿಸಿದರೆ, ನಿಮ್ಮ ವಿವರಗಳು ಸರ್ಕಾರದ ಡೇಟಾಬೇಸ್‌ಗೆ ಹೊಂದಿಕೆಯಾಗುತ್ತದೆ ಮತ್ತು ಅವೆಲ್ಲವೂ ಪರದೆಯ ಮೇಲೆ ಡಿಸ್ಪ್ಲೇ ಆಗುತ್ತದೆ.
• ವಿಂಡೋದ ಎಡಭಾಗದಲ್ಲಿರುವ ‘ಫೀಡ್ ಆಧಾರ್ ಸಂಖ್ಯೆ’ ಆಯ್ಕೆಯನ್ನು ಕ್ಲಿಕ್ ಮಾಡಿ,
• ಒಂದು ಪಾಪ್-ಅಪ್ ಪೇಜ್‌ ಕಾಣಿಸುತ್ತದೆ.
• ನಿಮ್ಮ ಆಧಾರ್ ಕಾರ್ಡ್, ಆಧಾರ್ ಸಂಖ್ಯೆ, ಮತದಾರರ ID ಸಂಖ್ಯೆ, ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು/ಅಥವಾ ನೋಂದಾಯಿತ ಇಮೇಲ್ ವಿಳಾಸದಲ್ಲಿ ಕಾಣಿಸಿಕೊಳ್ಳುವ ಹೆಸರನ್ನು ಭರ್ತಿ ಮಾಡಲು ನಿಮ್ಮನ್ನು ಕೇಳುತ್ತದೆ. ಮತ್ತು ಅವೆಲ್ಲವನ್ನು ಸರಿಯಾಗಿ ನಮೂದಿಸಿ.
• ಸಬ್‌ಮಿಟ್ ಬಟನ್ ಒತ್ತಿರಿ. ಅಲ್ಲದೆ, ನೀವು ಒದಗಿಸಿದ ವಿವರಗಳನ್ನು ಕ್ರಾಸ್ ಚೆಕ್ ಮಾಡಲು ಮರೆಯಬೇಡಿ.
• ಈಗ, ಸ್ಕ್ರೀನ್‌ ಮೇಲೆ ಅಪ್ಲಿಕೇಶನ್ ಅನ್ನು ಯಶಸ್ವಿಯಾಗಿ ನೋಂದಾಯಿಸಲಾಗಿದೆ ಎಂದು ಹೇಳುವ ಸಂದೇಶವು ಕಾಣಿಸುತ್ತದೆ.

ಇದನ್ನೂ ಓದಿ : RBI hikes rates : ಆರ್​ಬಿಐನಿಂದ ರೆಪೋ ದರ ಏರಿಕೆ : ಸಾಲದ ಮೇಲಿನ ಬಡ್ಡಿದರ ಹೆಚ್ಚಳಕ್ಕೂ ರೆಪೋಗೂ ಇರುವ ಸಂಬಂಧವೇನು : ಇಲ್ಲಿದೆ ಮಾಹಿತಿ

(Aadhaar-Voter Id Link how to link on online)