ಪ್ರೀXiaomi 18 Pro Max : ಪ್ರೀಮಿಯಂ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ಶಿಯೋಮಿ (Xiaomi) ಕಂಪನಿ, ಇದೀಗ ತನ್ನ ಮುಂದಿನ ಫ್ಲ್ಯಾಗ್‌ಶಿಪ್ ಸರಣಿಯ ಮೂಲಕ ತಂತ್ರಜ್ಞಾನ ಲೋಕದಲ್ಲಿ ಹೊಸ ಸಂಚಲನ ಸೃಷ್ಟಿಸಲು ಸಜ್ಜಾಗಿದೆ. ಮುಂಬರುವ ‘ಶಿಯೋಮಿ 18’ ಸರಣಿಯ ಬಗ್ಗೆ ಇಂಟರ್ನೆಟ್‌ನಲ್ಲಿ ಭಾರಿ ಚರ್ಚೆಗಳು ನಡೆಯುತ್ತಿದ್ದು, ವಿಶೇಷವಾಗಿ Xiaomi 18 Pro Max ಮಾದರಿಯು ಸ್ಮಾರ್ಟ್‌ಫೋನ್ ಪ್ರಿಯರ ನಿದ್ದೆಗೆಡಿಸಿದೆ.

200 ಮೆಗಾಪಿಕ್ಸೆಲ್ ರಿಯರ್ ಕ್ಯಾಮೆರಾ

ಚೀನಾದ ಜನಪ್ರಿಯ ಟಿಪ್‌ಸ್ಟರ್ ‘ಡಿಜಿಟಲ್ ಚಾಟ್ ಸ್ಟೇಷನ್’ ಹಂಚಿಕೊಂಡಿರುವ ಮಾಹಿತಿಯ ಪ್ರಕಾರ, ಶಿಯೋಮಿ 18 ಪ್ರೊ ಮ್ಯಾಕ್ಸ್ ಫೋನ್‌ನಲ್ಲಿ ಈವರೆಗೂ ಕಂಡಿರದ ರೀತಿಯ ಕ್ಯಾಮೆರಾ ಸೆಟಪ್ ಇರಲಿದೆ. ಈ ಫೋನ್‌ನಲ್ಲಿ ಡ್ಯುಯಲ್ 200 ಮೆಗಾಪಿಕ್ಸೆಲ್ ರಿಯರ್ ಕ್ಯಾಮೆರಾ ವ್ಯವಸ್ಥೆ ಇರಲಿದೆ ಎನ್ನಲಾಗಿದೆ.

ಇದರ ಮುಖ್ಯ ಸೆನ್ಸರ್ 1/1.28 ಇಂಚಿನ ದೊಡ್ಡ ಗಾತ್ರವನ್ನು ಹೊಂದಿರಲಿದ್ದು, ಇದು ಅತ್ಯಂತ ಕಡಿಮೆ ಬೆಳಕಿನಲ್ಲಿಯೂ (Low-light) ಅತ್ಯುತ್ತಮ ಗುಣಮಟ್ಟದ ಚಿತ್ರಗಳನ್ನು ಸೆರೆಹಿಡಿಯಲು ಶಕ್ತವಾಗಿದೆ. ಇದರೊಂದಿಗೆ ಮುಂದಿನ ಪೀಳಿಗೆಯ LOFIC HDR 3.0 ತಂತ್ರಜ್ಞಾನವನ್ನು ಬಳಸಲಾಗುತ್ತಿದ್ದು, ಇದು ಫೋಟೋಗಳ ಡೈನಾಮಿಕ್ ರೇಂಜ್ ಅನ್ನು ಹೆಚ್ಚಿಸಲಿದೆ. ಅಂದರೆ, ಅತಿಯಾದ ಬೆಳಕು ಅಥವಾ ಕತ್ತಲೆ ಇರುವ ಸಂದರ್ಭದಲ್ಲೂ ಫೋಟೋಗಳು ನೈಸರ್ಗಿಕವಾಗಿ ಮೂಡಿಬರಲಿವೆ.

ಇದನ್ನೂ ಓದಿ : Vivo X300s Launch: 7100mAh ಬ್ಯಾಟರಿ, 200MP ಕ್ಯಾಮೆರಾ! ವಿವೋನ ಈ ಹೊಸ ಫೋನ್ ವೈಶಿಷ್ಟ್ಯ ಕೇಳಿದರೆ ಬೆರಗಾಗ್ತೀರಾ

ಪೆರಿಸ್ಕೋಪ್ ಟೆಲಿಫೋಟೋ ಮತ್ತು ಮ್ಯಾಕ್ರೋ ಶೂಟಿಂಗ್

ಫೋಟೋಗ್ರಫಿ ಆಸಕ್ತರಿಗಾಗಿ ಈ ಫೋನ್‌ನಲ್ಲಿ ಪ್ರತ್ಯೇಕ ಪೆರಿಸ್ಕೋಪ್ ಟೆಲಿಫೋಟೋ ಲೆನ್ಸ್ ನೀಡಲಾಗುತ್ತಿದೆ. ಇದು ದೂರದ ವಸ್ತುಗಳನ್ನು ಹತ್ತಿರ ತರುವುದಲ್ಲದೆ, ಸೂಕ್ಷ್ಮವಾದ ಮ್ಯಾಕ್ರೋ ಚಿತ್ರಗಳನ್ನು ಕೂಡ ವೃತ್ತಿಪರ ಕ್ಯಾಮೆರಾದಂತೆ ಸೆರೆಹಿಡಿಯಲು ಅನುವು ಮಾಡಿಕೊಡುತ್ತದೆ. ಗ್ಲಾಸ್-ಪ್ಲಾಸ್ಟಿಕ್ ಹೈಬ್ರಿಡ್ ಲೆನ್ಸ್‌ಗಳ ಬಳಕೆ ಮಾಡುವುದರಿಂದ ಚಿತ್ರಗಳ ಸ್ಪಷ್ಟತೆ (Clarity) ಮತ್ತಷ್ಟು ಸುಧಾರಿಸಲಿದೆ.

ಸೂಪರ್ ಫಾಸ್ಟ್ ಪರ್ಫಾರ್ಮೆನ್ಸ್

ಕೇವಲ ಕ್ಯಾಮೆರಾ ಮಾತ್ರವಲ್ಲದೆ, ವೇಗದಲ್ಲೂ ಈ ಫೋನ್ ಹೊಸ ದಾಖಲೆ ಬರೆಯಲಿದೆ. ಶಿಯೋಮಿ 18 ಸರಣಿಯು ಕ್ವಾಲ್ಕಾಮ್‌ನ ಅತ್ಯಂತ ಶಕ್ತಿಶಾಲಿ Snapdragon 8 Elite Gen 6 ಚಿಪ್‌ಸೆಟ್ ಅನ್ನು ಹೊಂದಿರುವ ಸಾಧ್ಯತೆಯಿದೆ. ಈ ಪ್ರೊಸೆಸರ್ ಕೃತಕ ಬುದ್ಧಿಮತ್ತೆ (AI) ಕಾರ್ಯಗಳಿಗೆ ಹೆಚ್ಚಿನ ಒತ್ತು ನೀಡಲಿದ್ದು, ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್ ಸಮಯದಲ್ಲಿ ಫೋನ್ ಹ್ಯಾಂಗ್ ಆಗದಂತೆ ನೋಡಿಕೊಳ್ಳುತ್ತದೆ.

ಇದನ್ನೂ ಓದಿ : Samsung vs OnePlus vs Vivo : ಈ ಮೂರು ಸ್ಮಾರ್ಟ್‌ಫೋನ್‌ಗಳಲ್ಲಿ ಯಾವುದನ್ನು ಖರೀದಿಸುವುದು ಬೆಸ್ಟ್ ? ಇಲ್ಲಿದೆ ಕಂಪ್ಲೀಟ್ ಡಿಟೇಲ್ಸ್

ವಿಶಿಷ್ಟ ವಿನ್ಯಾಸ ಮತ್ತು ಡಿಸ್‌ಪ್ಲೇ

ಮತ್ತೊಂದು ಕುತೂಹಲಕಾರಿ ಸಂಗತಿಯೆಂದರೆ, ಶಿಯೋಮಿ ತನ್ನ ಪ್ರೊ ಮಾದರಿಗಳ ಹಿಂಭಾಗದಲ್ಲಿ ಸೆಕೆಂಡರಿ ಡಿಸ್‌ಪ್ಲೇ (Secondary Display) ನೀಡಲು ಚಿಂತನೆ ನಡೆಸಿದೆ. ಇದು ಫೋನ್ ಉಲ್ಟಾ ಇದ್ದಾಗಲೂ ನೋಟಿಫಿಕೇಶನ್‌ಗಳನ್ನು ನೋಡಲು ಮತ್ತು ಸೆಲ್ಫಿ ತೆಗೆದುಕೊಳ್ಳುವಾಗ ಪ್ರಿವ್ಯೂ ನೋಡಲು ಸಹಕಾರಿಯಾಗಲಿದೆ. ಶಿಯೋಮಿ 17 ಸರಣಿಗೆ ಹೋಲಿಸಿದರೆ ಇದರ ಡಿಸ್‌ಪ್ಲೇ ರೆಸಲ್ಯೂಶನ್ ಮತ್ತು ರಿಫ್ರೆಶ್ ರೇಟ್‌ನಲ್ಲಿ ಗಮನಾರ್ಹ ಸುಧಾರಣೆ ಇರಲಿದೆ.

Xiaomi 18 Pro Max ಬಿಡುಗಡೆ ಯಾವಾಗ ?

ವರದಿಗಳ ಪ್ರಕಾರ, ಕ್ವಾಲ್ಕಾಮ್ ತನ್ನ ಹೊಸ ಚಿಪ್‌ಸೆಟ್ ಅನ್ನು ಸೆಪ್ಟೆಂಬರ್ 2026 ರಲ್ಲಿ ಅನಾವರಣಗೊಳಿಸಲಿದ್ದು, ಅದರ ಬೆನ್ನಲ್ಲೇ ಅಂದರೆ ಅಕ್ಟೋಬರ್ ಅಥವಾ ನವೆಂಬರ್ ವೇಳೆಗೆ ಶಿಯೋಮಿ 18 ಸರಣಿಯು ಜಾಗತಿಕ ಮಾರುಕಟ್ಟೆಗೆ ಲಗ್ಗೆ ಇಡಬಹುದು. ಒಂದು ವೇಳೆ ಈ ಲೀಕ್ ಸುದ್ದಿಗಳು ನಿಜವಾದರೆ, ಐಫೋನ್ ಮತ್ತು ಸ್ಯಾಮ್‌ಸಂಗ್ ಫ್ಲ್ಯಾಗ್‌ಶಿಪ್ ಫೋನ್‌ಗಳಿಗೆ ಶಿಯೋಮಿ ಪ್ರಬಲ ಪೈಪೋಟಿ ನೀಡುವುದು ಖಚಿತ.

Google Pixel 11 Pro Leak Hints at Compact Design and Next Gen Tensor Power