ಮೊಟೊರೊಲಾ (Motorola) ಭಾರತದಲ್ಲಿ ಮೋಟೋ G62 (Moto G62) ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಆಗಸ್ಟ್‌ 11 ರಂದು ಮೊಟೊರೊಲಾದ ಮೂರನೇ 5ಜಿ ಹ್ಯಾಂಡ್ಸೆಟ್ (Handset) ಜಿ62 ಅನ್ನು ಬಿಡುಗಡೆ ಮಾಡಲಾಗುವುದು ಎಂದು ಕಂಪನಿ ಖಚಿತಪಡಿಸಿದೆ. ಇದು G ಸರಣಿಯಲ್ಲಿ G71 ಮತ್ತು G82 ನಂತರದ ಹ್ಯಾಂಡ್ಸೆಟ್ ಆಗಿದೆ. ಜಾಗತಿಕವಾಗಿ ಲಭ್ಯವಿರುವ ಅಗ್ಗದ 5ಜಿ ಸ್ಮಾರ್ಟ್‌ಫೋನ್‌ಗಳಲ್ಲಿ ಇದು ಒಂದಾಗಿದೆ. ಇದು ಸ್ನಾಪ್ಡ್ರಾಗನ್ 695 ಚಿಪ್‌ಸೆಟ್‌ ಅನ್ನ ಬೆಂಬಲಿಸುತ್ತದೆ. ಅಂದರೆ ಯುರೋಪಿಯನ್‌ ಸ್ನಾಪ್ಡ್ರಾಗನ್ 480+ ಚಿಪ್‌ಸೆಟ್‌ ಆವೃತ್ತಿಗಿಂತ ಭಿನ್ನವಾಗಿದೆ. ಈ ಸ್ಮಾರ್ಟ್‌ಫೋನ್‌ ಫ್ಲಿಪ್‌ಕಾರ್ಟ್‌ನಲ್ಲಿ ಮೂಲಕ ಖರೀದಿಗೆ ಲಭ್ಯವಿರುತ್ತದೆ.
ಮೋಟೋ G62 ಡಿಸ್ಪ್ಲೇ:
ಈ ಹ್ಯಾಂಡ್ಸೆಟ್ 120Hz ಗಳೊಂದಿಗೆ ಪೂರ್ಣಪ್ರಮಾಣದ HD+ ಡಿಸ್ಪ್ಲೇ ನೀಡುತ್ತದೆ. Moto G62 ಬೆಜೆಲ್‌ಗಳೊಂದಿಗೆ ಪಂಚ್-ಹೋಲ್ ಕಟ್-ಔಟ್ ಅನ್ನು ಕೇಂದ್ರೀಯವಾಗಿ ಜೋಡಿಸಿದ್ದನ್ನು ಗಮನಿಸಬಹುದಾಗಿದೆ. ಮತ್ತು ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ರೀಡರ್ ಅನ್ನು ಒಳಗೊಂಡಿದೆ. ಹಿಂಭಾಗದಲ್ಲಿ, ಲಂಬವಾಗಿ ಜೋಡಿಸಲಾದ ಕ್ಯಾಮೆರಾ ಘಟಕವನ್ನು ಹೊಂದಿದೆ.
ಈ ಹ್ಯಾಂಡ್ಸೆಟ್ 6.5-ಇಂಚಿನ ಪೂರ್ಣ ಪ್ರಮಾಣದ HD+ (1080×2400 ಪಿಕ್ಸೆಲ್‌ಗಳು) IPS LCD ಪ್ಯಾನೆಲ್ ಅನ್ನು 120Hz ರಿಫ್ರೆಶ್ ರೇಟ್‌ ಮತ್ತು 405ppi ಪಿಕ್ಸೆಲ್ ಸಾಂದ್ರತೆಯನ್ನು ಹೊಂದಿದೆ.
ಕ್ಯಾಮೆರಾ:
ಮೋಟೋ G62 ಸ್ಮಾರ್ಟ್‌ಫೋನ್‌, ಟ್ರಿಪಲ್ ಹಿಂಬದಿಯ ಕ್ಯಾಮೆರಾ ಘಟಕದಲ್ಲಿ 50MP ಮುಖ್ಯ ಕ್ಯಾಮೆರಾವನ್ನು ಹೊಂದಿದೆ. ನಂತರ ಎರಡು ಲೆನ್ಸ್‌ಗಳು 8MP ಅಲ್ಟ್ರಾ-ವೈಡ್ ಲೆನ್ಸ್ ಮತ್ತು 2MP ಮ್ಯಾಕ್ರೋ ಲೆನ್ಸ್ ಅನ್ನು ಒಳಗೊಂಡಿರುತ್ತದೆ. ಮುಂಭಾಗದಲ್ಲಿ, 16MP ಸೆಲ್ಫಿ ಸ್ನ್ಯಾಪರ್ ಅನ್ನು ಹೊಂದಿದೆ.
Introducing the all-new #motog62 for the #UnstoppableYou! Experience super connectivity with 12 5G Bands, blazing fast performance with Snapdragon 695 & brilliant display experience with 120Hz FHD+ display. Launching 11th Aug on @Flipkart. Stay tuned for more details!
— Motorola India (@motorolaindia) August 5, 2022
ಮೋಟೋ G62 ವಿನ್ಯಾಸ:
ಭಾರತದಲ್ಲಿ ಬಿಡುಗಡೆಯಾಗುತ್ತಿರುವ ಮೋಟೋ G62 ರೂಪಾಂತರವು ಸ್ನಾಪ್ಡ್ರಾಗನ್ 695 ಚಿಪ್‌ಸೆಟ್‌ ಅನ್ನು ಹೊಂದಿದೆ. ಮೋಟೋ G62 ಸ್ನಾಪ್ಡ್ರಾಗನ್ 695 SoC ನಿಂದ ಚಾಲಿತವಾಗಲಿದ್ದು, 4GB RAM ಮತ್ತು 128GB ಆಂತರಿಕ ಸಂಗ್ರಹಣೆಯೊಂದಿಗೆ ಸಂಯೋಜಿಸಲ್ಪಡುವ ಸಾಧ್ಯತೆಯಿದೆ. ಇದು ಆಂಡ್ರಾಯ್ಡ್ 12-ಆಧಾರಿತ MyUX ಅನ್ನು ಬೂಟ್ ಮಾಡುತ್ತದೆ ಮತ್ತು 15W ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಹೊಂದಿದೆ.
ಇನ್ನು ಸೌಂಡ್‌ಗಾಗಿ ಈ ಸ್ಮಾರ್ಟ್‌ಫೋನ್‌ ಡೋಲ್ಬೇ ಅಟ್ಮೋಸ್‌ ಬೆಂಬಲಿಸುವ ಸ್ಟೀರಿಯೋ ಸ್ಪೀಕರ್‌ಗಳನ್ನು ಸಹ ಹೊಂದಿದೆ. ಡ್ಯುಯಲ್‌ ಬ್ಯಾಂಡ್‌ ವೈ–ಫೈ, ಬ್ಲೂಟೂತ್‌ 5.1, 5G ಮತ್ತು NFC ಇದರ ಕನೆಕ್ಟಿವಿಟಿ ಆಯ್ಕೆಯಾಗಿದೆ.
ಮೋಟೋ G62 ಬೆಲೆ ಮತ್ತು ಲಭ್ಯತೆ :
ಭಾರತದಲ್ಲಿ ಮೋಟೋ G62 ನ ಅಧಿಕೃತ ಬೆಲೆ ಮತ್ತು ಲಭ್ಯತೆಯ ವಿವರಗಳನ್ನು ಅದರ ಬಿಡುಗಡೆಯ ಸಮಯದಲ್ಲಿ ಘೋಷಿಸಲಾಗುತ್ತದೆ. ಇದು ಫ್ಲಿಪ್‌ಕಾರ್ಟ್ ಮೂಲಕ ಖರೀದಿಗೆ ಲಭ್ಯವಿರುತ್ತದೆ. ಭಾರತದಲ್ಲಿ ಇದರ ಬೆಲೆ 20,000 ರೂ. ಇರಬಹುದೆಂದು ನಾವು ನಿರೀಕ್ಷಿಸಬಹುದಾಗಿದೆ.
ಇದನ್ನೂ ಓದಿ : Hyundai Alcazar : ಅತಿ ಕಡಿಮೆ ಬೆಲೆಯ ಪ್ರೆಸ್ಟೀಜ್‌ ಎಕ್ಸಿಕ್ಯುಟಿವ್‌ ಬಿಡುಗಡೆ ಮಾಡಿದ ಹುಂಡೈ! ಇದರ ವಿಶೇಷತೆ ಮತ್ತು ಬೆಲೆ ಹೀಗಿದೆ…
ಇದನ್ನೂ ಓದಿ : Samsung Galaxy M Series: ಸ್ಯಾಮಸಂಗ್ ನಿಂದ ಎಂ ಸಿರೀಸ್ ಫೋನ್ ಬಿಡುಗಡೆ; ಈ ಫೋನಿನ ವೈಶಿಷ್ಟ್ಯಗಳೇನು ಗೊತ್ತಾ!
(Moto G62’s India launch date on August 11, is affordable smartphone)