ಗೂಗಲ್ ಕ್ರೋಮ್ ಬಳಸುತ್ತಿದ್ದೀರಾ? ಕೇಂದ್ರ ಸರ್ಕಾರದಿಂದ ನಿಮಗೆ ಎಚ್ಚರಿಕೆ

Google Chrome Security Risk Warning: ನೀವು ಇಂಟರ್ನೆಟ್ ಬಳಸಲು ಗೂಗಲ್ ಕ್ರೋಮ್ ಬ್ರೌಸರ್ ಉಪಯೋಗಿಸುತ್ತಿದ್ದರೆ ಎಚ್ಚರದಿಂದಿರಿ. ಕ್ರೋಮ್ ಬ್ರೌಸರ್‌ನಲ್ಲಿ ಗಂಭೀರವಾದ ಭದ್ರತಾ ಲೋಪವಿರುವುದನ್ನು ಭಾರತ ಸರ್ಕಾರದ CERT-In ಸಂಸ್ಥೆ ಪತ್ತೆಹಚ್ಚಿದೆ. ಹ್ಯಾಕರ್ಸ್‌ಗಳು ನಿಮ್ಮ ಕಂಪ್ಯೂಟರ್ ಅಥವಾ ಲ್ಯಾಪ್‌ಟಾಪ್‌ನ ನಿಯಂತ್ರಣವನ್ನು ಸುಲಭವಾಗಿ ಪಡೆದುಕೊಳ್ಳಲು ಈ ಲೋಪವು ದಾರಿ ಮಾಡಿಕೊಡುತ್ತದೆ ಎಂದು ಸಂಸ್ಥೆ ಎಚ್ಚರಿಸಿದೆ.

ಏನಿದು ಅಪಾಯ?
CERT-In ಬಿಡುಗಡೆ ಮಾಡಿರುವ ಬುಲೆಟಿನ್ ಪ್ರಕಾರ, ಕ್ರೋಮ್‌ನ ‘ವೆಬ್‌ವ್ಯೂ’ (WebView) ಟ್ಯಾಗ್‌ನಲ್ಲಿ ನೀತಿ ಜಾರಿಯ ಕೊರತೆಯಿಂದಾಗಿ ಈ ಭದ್ರತಾ ಬಿಕ್ಕಟ್ಟು ಉಂಟಾಗಿದೆ. ಇದನ್ನು ಬಳಸಿಕೊಂಡು ಹ್ಯಾಕರ್ಸ್‌ಗಳು ನಿಮ್ಮ ಸಿಸ್ಟಂನ ಭದ್ರತಾ ನಿರ್ಬಂಧಗಳನ್ನು ಮೀರಿ (Security Bypass), ನಿಮ್ಮ ಖಾಸಗಿ ಡೇಟಾ ಮತ್ತು ಪ್ರಮುಖ ಫೈಲ್‌ಗಳನ್ನು ಕದಿಯುವ ಸಾಧ್ಯತೆಯಿದೆ. ವಿಂಡೋಸ್ (Windows), ಮ್ಯಾಕ್ (Mac) ಮತ್ತು ಲಿನಕ್ಸ್ (Linux) ಎಂಬ ಮೂರೂ ಮಾದರಿಯ ಆಪರೇಟಿಂಗ್ ಸಿಸ್ಟಂ ಬಳಸುವ ಕ್ರೋಮ್ ಬಳಕೆದಾರರು ಈ ಅಪಾಯಕ್ಕೆ ಸಿಲುಕುವ ಸಾಧ್ಯತೆಯಿದೆ.

ಯಾರು ಅಪಾಯದಲ್ಲಿದ್ದಾರೆ? ಈ ಕೆಳಗಿನ ಆವೃತ್ತಿಗಳಿಗಿಂತ ಹಳೆಯದಾದ ಕ್ರೋಮ್ ಬಳಸುತ್ತಿರುವವರು ತಕ್ಷಣ ಅಪ್‌ಡೇಟ್ ಮಾಡಿಕೊಳ್ಳಬೇಕು:

• ಲಿನಕ್ಸ್ ಬಳಕೆದಾರರು: 143.0.7499.192 ಗಿಂತ ಹಳೆಯ ವರ್ಷನ್.
• ಮ್ಯಾಕ್ ಮತ್ತು ವಿಂಡೋಸ್ ಬಳಕೆದಾರರು: 143.0.7499.192/.193 ಗಿಂತ ಹಳೆಯ ವರ್ಷನ್.

ಸುರಕ್ಷಿತವಾಗಿರುವುದು ಹೇಗೆ?
ಗೂಗಲ್ ಈಗಾಗಲೇ ಈ ಭದ್ರತಾ ಲೋಪವನ್ನು ಸರಿಪಡಿಸಲು ಹೊಸ ಅಪ್‌ಡೇಟ್ ಬಿಡುಗಡೆ ಮಾಡಿದೆ. ನಿಮ್ಮ ಬ್ರೌಸರ್ ಅನ್ನು ಸುರಕ್ಷಿತವಾಗಿರಿಸಲು ಈ ಹಂತಗಳನ್ನು ಅನುಸರಿಸಿ:

1. ಗೂಗಲ್ ಕ್ರೋಮ್ ಓಪನ್ ಮಾಡಿ.
2. ಬಲ ಮೂಲೆಯಲ್ಲಿರುವ ಮೂರು ಚುಕ್ಕೆಗಳ ಮೇಲೆ (Menu) ಕ್ಲಿಕ್ ಮಾಡಿ.
3. Settings ಆಯ್ಕೆಯನ್ನು ಆರಿಸಿ.
4. ಎಡಭಾಗದಲ್ಲಿರುವ About Chrome ಮೇಲೆ ಕ್ಲಿಕ್ ಮಾಡಿ.
5. ಅಲ್ಲಿ ಬ್ರೌಸರ್ ತಾನಾಗಿಯೇ ಅಪ್‌ಡೇಟ್ ಆಗಲು ಶುರುವಾಗುತ್ತದೆ. ಅಪ್‌ಡೇಟ್ ಆದ ನಂತರ Relaunch ಬಟನ್ ಕ್ಲಿಕ್ ಮಾಡಿ.
   
   ‘ಭಾಗ್ಯಲಕ್ಷ್ಮಿ’ ಸುಷ್ಮಾ ರಾವ್ ರಹಸ್ಯ ಬಯಲು! ಪತಿ ಮತ್ತು ಮಗನನ್ನು ನೋಡಿ ಅಭಿಮಾನಿಗಳು ಅಚ್ಚರಿ

ಕ್ರೋಮ್ ಈಗ ಜೆಮಿನಿ (Gemini) ನಂತಹ ಎಐ ತಂತ್ರಜ್ಞಾನಗಳನ್ನು ಒಳಗೊಂಡಿರುವುದರಿಂದ, ಬ್ರೌಸರ್‌ನಲ್ಲಿನ ಸಣ್ಣ ಭದ್ರತಾ ಲೋಪವೂ ನಿಮ್ಮ ಇಡೀ ಡಿಜಿಟಲ್ ಮಾಹಿತಿಯನ್ನು ಅಪಾಯಕ್ಕೆ ತಳ್ಳಬಹುದು. ಹಾಗಾಗಿ, ವಿಳಂಬ ಮಾಡದೆ ನಿಮ್ಮ ಬ್ರೌಸರ್ ಅಪ್‌ಡೇಟ್ ಮಾಡಿಕೊಳ್ಳುವುದು ಸೂಕ್ತ.