5 ನಾರುಯುಕ್ತ ಆಹಾರಗಳನ್ನು ತಿಂದ್ರೆ ಜೀರ್ಣಕ್ರಿಯೆ, ಮೆದುಳಿನ ಆರೋಗ್ಯಕ್ಕೆ ಬೆಸ್ಟ್!

ನಮ್ಮ ದೇಹದ ಕರುಳು ಮತ್ತು ಮೆದುಳಿನ ನಡುವೆ ಅವಿನಾಭಾವ ಸಂಬಂಧವಿದೆ. ನಾವು ಸೇವಿಸುವ ಆಹಾರ ಕೇವಲ ಹೊಟ್ಟೆಯನ್ನಷ್ಟೇ ಅಲ್ಲ, ನಮ್ಮ ಮನಸ್ಥಿತಿ (Mood) ಮತ್ತು ಮೆದುಳಿನ ಕಾರ್ಯಕ್ಷಮತೆಯನ್ನೂ ನಿರ್ಧರಿಸುತ್ತದೆ ಎಂದು (Fiber Food) ವೈದ್ಯಕೀಯ ತಜ್ಞರು ತಿಳಿಸಿದ್ದಾರೆ.

ಕರುಳು ಮತ್ತು ಮೆದುಳಿನ ಸಂಬಂಧ (Gut-Brain Axis):

ನಮ್ಮ ದೇಹದ ಶೇ. 90 ರಷ್ಟು ಸೆರೊಟೋನಿನ್ (ಸಂತೋಷ ನೀಡುವ ಹಾರ್ಮೋನ್) ಕರುಳಿನಲ್ಲಿ ಉತ್ಪತ್ತಿಯಾಗುತ್ತದೆ. ನಾರುಯುಕ್ತ ಆಹಾರದ ಕೊರತೆಯಾದರೆ ಕರುಳಿನ ಬ್ಯಾಕ್ಟೀರಿಯಾಗಳ ಸಮತೋಲನ ತಪ್ಪುತ್ತದೆ. ಇದರಿಂದ ಮಾನಸಿಕ ಒತ್ತಡ, ಆತಂಕ (Anxiety), ಖಿನ್ನತೆ ಮತ್ತು ನಿದ್ರಾಹೀನತೆಯಂತಹ ಸಮಸ್ಯೆಗಳು ಎದುರಾಗಬಹುದು.

ಆರೋಗ್ಯ ರಕ್ಷಿಸುವ 5 ಪ್ರಮುಖ ಆಹಾರಗಳು:

1. ರಾಸ್ಪ್ಬೆರಿ (Raspberries): ಇವುಗಳಲ್ಲಿ ‘ಪೆಕ್ಟಿನ್’ ಎಂಬ ಅಂಶವಿದ್ದು, ಇದು ಕರುಳಿನ ಒಳ್ಳೆಯ ಬ್ಯಾಕ್ಟೀರಿಯಾಗಳಿಗೆ ಆಹಾರವಾಗಿ ಕೆಲಸ ಮಾಡುತ್ತದೆ.

2. ಸೀಬೆಹಣ್ಣು (Guava): ಇದು ಜೀರ್ಣಕ್ರಿಯೆಯನ್ನು ಸುಗಮಗೊಳಿಸುತ್ತದೆ ಮತ್ತು ಮಲಬದ್ಧತೆಯನ್ನು ನಿವಾರಿಸಲು ರಾಮಬಾಣ.

3. ಆರ್ಟಿಚೋಕ್ಸ್ (Artichokes): ಇದರಲ್ಲಿರುವ ಇನ್ಯುಲಿನ್ ಎಂಬ ಪ್ರೀಬಯೋಟಿಕ್ ಅಂಶವು ಕರುಳಿನ ಆರೋಗ್ಯವನ್ನು ಸಮತೋಲನದಲ್ಲಿಡುತ್ತದೆ.

4. ಗೆಣಸು (Sweet Potatoes): ಸಿಪ್ಪೆ ಸಮೇತ ಸೇವಿಸುವ ಗೆಣಸು ಕರುಳಿನಲ್ಲಿ ಉರಿಯೂತವನ್ನು (Inflammation) ಕಡಿಮೆ ಮಾಡುತ್ತದೆ.

5. ಧಾನ್ಯಗಳು ಮತ್ತು ಬೀಜಗಳು: ಇವುಗಳು ರಕ್ತದಲ್ಲಿನ ಸಕ್ಕರೆ ಅಂಶವನ್ನು ನಿಯಂತ್ರಿಸುವುದಲ್ಲದೆ, ಮೆದುಳು ಚುರುಕಾಗಿರುವಂತೆ ನೋಡಿಕೊಳ್ಳುತ್ತವೆ.

   ಹೆಸರಿಗೆ ಮಾತ್ರ ಪಾಕಿಸ್ತಾನ ಆಟಗಾರ, ಹಣ ಮಾತ್ರ ಭಾರತೀಯ ಮಾಲೀಕರಿಂದ! ಇದು ‘ಟಿ20 ಲೀಗ್’ ಮಾಯೆ!
   
   ವೈದ್ಯರ ಸಲಹೆ:

   ಪುಣೆ ಸಹ್ಯಾದ್ರಿ ಆಸ್ಪತ್ರೆಯ ಡಾ. ಶೀತಲ್ ಮಹಾಜನಿ ಅವರ ಪ್ರಕಾರ, “ಒಬ್ಬ ವಯಸ್ಕ ವ್ಯಕ್ತಿಗೆ ದಿನಕ್ಕೆ ಕನಿಷ್ಠ 25 ರಿಂದ 35 ಗ್ರಾಂ ನಾರು (Fibre) ಮತ್ತು ಸಾಕಷ್ಟು ನೀರಿನ ಅವಶ್ಯಕತೆ ಇರುತ್ತದೆ. ಸಣ್ಣ ಆಹಾರ ಬದಲಾವಣೆಗಳು ನಿಮ್ಮ ಮಾನಸಿಕ ಆರೋಗ್ಯವನ್ನು ಸುಧಾರಿಸಬಲ್ಲವು.”

[youtube https://www.youtube.com/watch?v=ApMaJ-7pro4]