ಹೆಸರಿಗೆ ಮಾತ್ರ ಪಾಕಿಸ್ತಾನ ಆಟಗಾರ, ಹಣ ಮಾತ್ರ ಭಾರತೀಯ ಮಾಲೀಕರಿಂದ! ಇದು ‘ಟಿ20 ಲೀಗ್’ ಮಾಯೆ!

ರಾಜತಾಂತ್ರಿಕ ಕಾರಣಗಳಿಂದಾಗಿ ಭಾರತ ಮತ್ತು ಪಾಕಿಸ್ತಾನದ (India vs Pakistan) ನಡುವೆ ಕ್ರಿಕೆಟ್ ಸಂಬಂಧ ಅಷ್ಟೇನೂ ಉತ್ತಮವಾಗಿಲ್ಲದಿದ್ದರೂ, ವಿದೇಶಿ ಟಿ20 ಲೀಗ್‌ಗಳಲ್ಲಿ (T20 Franchises) ಭಾರತೀಯ ಮೂಲದ ಮಾಲೀಕತ್ವದ ತಂಡಗಳು ಪಾಕಿಸ್ತಾನಿ ಆಟಗಾರರನ್ನು ಖರೀದಿಸುತ್ತಿರುವುದು ಈಗ ಭಾರಿ ಚರ್ಚೆಗೆ ಕಾರಣವಾಗಿದೆ. ಇತ್ತೀಚೆಗೆ ನಡೆದ ‘ದಿ ಹಂಡ್ರೆಡ್’ (The Hundred) ಟೂರ್ನಿಯ ಹರಾಜಿನಲ್ಲಿ ಪಾಕಿಸ್ತಾನದ ಸ್ಪಿನ್ನರ್ ಅಬ್ರಾರ್ ಅಹ್ಮದ್ (Abrar Ahmed) ಅವರನ್ನು ಸನ್ ರೈಸರ್ಸ್ ಲೀಡ್ಸ್ (Sunrisers Leeds) ತಂಡ ಬರೋಬ್ಬರಿ 2.34 ಕೋಟಿ ರೂಪಾಯಿಗೆ (190,000 ಪೌಂಡ್ಸ್) ಖರೀದಿಸಿದೆ. ವಿಶೇಷವೆಂದರೆ, ಈ ತಂಡದ ಮಾಲೀಕತ್ವವನ್ನು ಐಪಿಎಲ್‌ನ ಸನ್ ರೈಸರ್ಸ್ ಹೈದರಾಬಾದ್ ತಂಡದ ಮಾಲೀಕರಾದ ‘ಸನ್ ಗ್ರೂಪ್’ ಹೊಂದಿದೆ.

ಭಾರತೀಯ ಮಾಲೀಕತ್ವದ ತಂಡಗಳಲ್ಲಿರುವ ಇತರ ಪಾಕ್ ಆಟಗಾರರು:

ಕೇವಲ ಅಬ್ರಾರ್ ಅಹ್ಮದ್ ಮಾತ್ರವಲ್ಲದೆ, ಇನ್ನೂ ಹಲವು ಪಾಕಿಸ್ತಾನಿ ಆಟಗಾರರು ಭಾರತೀಯ ಉದ್ಯಮಿಗಳ ಮಾಲೀಕತ್ವದ ವಿವಿಧ ಅಂತರಾಷ್ಟ್ರೀಯ ಲೀಗ್‌ ತಂಡಗಳಲ್ಲಿ ಆಡುತ್ತಿದ್ದಾರೆ:

• ಮೊಹಮ್ಮದ್ ಅಮೀರ್ ಮತ್ತು ಉಸ್ಮಾನ್ ತಾರಿಕ್: ಇವರು ಶಾರುಖ್ ಖಾನ್ ಮಾಲೀಕತ್ವದ (KKR ಗ್ರೂಪ್) ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡದ ಪರ ಆಡುತ್ತಿದ್ದಾರೆ.

• ಇಮಾದ್ ವಾಸಿಂ: ಇವರು ದೆಹಲಿ ಕ್ಯಾಪಿಟಲ್ಸ್ ಸಹ-ಮಾಲೀಕತ್ವದ (GMR ಗ್ರೂಪ್) ಸಿಯಾಟಲ್ ಓರ್ಕಾಸ್ (MLC) ಮತ್ತು ಕೆಕೆಆರ್ ಒಡೆತನದ ಅಬುಧಾಬಿ ತಂಡದಲ್ಲಿ ಆಡಿದ್ದಾರೆ.

• ಉಸ್ಮಾನ್ ಖಾನ್: ಮುಂಬೈ ಇಂಡಿಯನ್ಸ್ ಮಾಲೀಕತ್ವದ ಎಂಐ ಎಮಿರೇಟ್ಸ್ (ILT20) ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ.

  LPG ಅಭಾವದ ವದಂತಿ: ಸಿಲಿಂಡರ್ ದಾಸ್ತಾನಿನ ಬಗ್ಗೆ ಕೇಂದ್ರ ಸರ್ಕಾರದಿಂದ ಮಹತ್ವದ ಮಾಹಿತಿ

ತೀವ್ರ ವಿರೋಧವೇಕೆ?

ಭಾರತ ಮತ್ತು ಪಾಕಿಸ್ತಾನದ ನಡುವಿನ ರಾಜಕೀಯ ಉದ್ವಿಗ್ನತೆಯಿಂದಾಗಿ ಐಪಿಎಲ್‌ನಲ್ಲಿ ಪಾಕಿಸ್ತಾನಿ ಆಟಗಾರರಿಗೆ ನಿಷೇಧವಿದೆ. ಇಂತಹ ಸಂದರ್ಭದಲ್ಲಿ ಸನ್ ರೈಸರ್ಸ್‌ನಂತಹ ಭಾರತೀಯ ಮೂಲದ ಸಂಸ್ಥೆಯು ವಿದೇಶಿ ಲೀಗ್‌ನಲ್ಲಿ ಪಾಕ್ ಆಟಗಾರನನ್ನು ದೊಡ್ಡ ಮೊತ್ತಕ್ಕೆ ಖರೀದಿಸಿರುವುದು ಸಾಮಾಜಿಕ ಜಾಲತಾಣಗಳಲ್ಲಿ ಪರ-ವಿರೋಧದ ಚರ್ಚೆ ಹುಟ್ಟುಹಾಕಿದೆ.

[youtube https://www.youtube.com/watch?v=nCMSZDdXGYY]