vastu tips : ವೃತ್ತಿ ಅಥವಾ ಉದ್ಯೋಗಕ್ಕೆ ಸಂಬಂಧಿಸಿದ ಕ್ಷೇತ್ರಗಳಲ್ಲಿ ನೀವು ವಾಸ್ತು ಶಾಸ್ತ್ರದ ಕಡೆಗೆ ಸೂಕ್ತ ಪ್ರಾಮುಖ್ಯತೆಯನ್ನು ನೀಡದೇ ಇದ್ದಲ್ಲಿ ಮುಂದಿನ ದಿನಗಳಲ್ಲಿ ನಿಮಗೆ ಅದು ಕೆಟ್ಟ ಫಲಿತಾಂಶಗಳನ್ನು ನೀಡುವ ಎಲ್ಲಾ ರೀತಿಯ ಸಾಧ್ಯತೆಗಳು ಇರುತ್ತದೆ, ಹೀಗಾಗಿ ಕಚೇರಿ ಸ್ಥಳದಲ್ಲಿ ಯಾವುದೇ ರೀತಿಯ ಅಡಚಣೆಗಳು ಬಾರದಂತೆ ಯಾವ ರೀತಿ ಕಚೇರಿಯಲ್ಲಿ ಇರಬೇಕು ಎಂಬುದಕ್ಕೆ ವಾಸ್ತು ಶಾಸ್ತ್ರದಲ್ಲಿ ಕೆಲವು ಪ್ರಮುಖ ಸಲಹೆಗಳಿವೆ.
ಲ್ಯಾಪ್ಟಾಪ್ ಅಥವಾ ಸ್ಮಾರ್ಟ್ ಫೋನ್ಗಳಂತಹ ಎಲೆಕ್ಟ್ರಾನಿಕ್ ಗ್ಯಾಜೆಟ್ಗಳನ್ನು ನೀವು ಆಗ್ನೇಯ ದಿಕ್ಕಿನಲ್ಲಿ ಇರಿಸುವುದು ಉತ್ತಮ ಎಂದು ವಾಸ್ತು ಶಾಸ್ತ್ರ ಹೇಳಿದೆ. ಆಗ್ನೇಯ ದಿಕ್ಕು ವೃತ್ತಿಯಲ್ಲಿ ಬೆಳವಣಿಗೆಗೆ ಸೂಕ್ತವಾದ ದಿಕ್ಕಾಗಿದೆ. ಕೇಬಲ್ಗಳು ಸಿಕ್ಕಿ ಹಾಕಿಕೊಳ್ಳದಂತೆ ನೋಡಿಕೊಳ್ಳಿ.
ನೀವೂ ಕೆಲಸ ಮಾಡುವ ಸಮಯದಲ್ಲಿ ಕುರ್ಚಿಯ ಮೇಲೆ ಕಾಲು ಮೇಲೆ ಕಾಲು ಹಾಕಿ ಕುಳಿತುಕೊಳ್ಳುವವರಾದರೆ, ನಿಮ್ಮ ಈ ಅಭ್ಯಾಸವನ್ನು ತಕ್ಷಣವೇ ಬದಲಿಸಿಕೊಳ್ಳಿ. ವೃತ್ತಿಯಲ್ಲಿ ಪ್ರಗತಿಗೆ ಅಡ್ಡಿಯಾಗುತ್ತದೆ. ಕಚೇರಿಯಲ್ಲಿ ಹೈ ಬ್ಯಾಕ್ ಕುರ್ಚಿಯ ಮೇಲೆ ಕುಳಿತುಕೊಳ್ಳುವುದು ವೃತ್ತಿಜೀವನಕ್ಕೆ ತುಂಬಾ ಒಳ್ಳೆಯದು. ಈ ನಿಯಮವು ಮನೆಯಿಂದ ಕೆಲಸ ಮಾಡುವವರಿಗೆ ಸಮಾನವಾಗಿ ಅನ್ವಯಿಸುತ್ತದೆ.
ವರ್ಕ್ ಫ್ರಾಮ್ ಹೋಮ್ನಲ್ಲಿ ಇರುವವರೂ ಕೂಡ ಕೆಲವು ವಿಚಾರಗಳ ಕಡೆಗೆ ಗಮನ ಕೊಡಲೇಬೇಕು. ನಿಮ್ಮ ಕೆಲಸದ ಸ್ಥಳವು ಮಲಗುವ ಕೋಣೆಯ ಪಕ್ಕದಲ್ಲಿ ಇರಬಾರದು.ಕೆಲಸ ಮಾಡಲು ಆಯಾತಾಕಾರದ ಮೇಜುಗಳನ್ನೇ ಬಳಸಿ. ರೌಂಡ್ ಟೇಬಲ್ಗಳ ಮೇಲೆ ಕಚೇರಿ ಕೆಲಸ ಮಾಡಿದರೆ ಒಳಿತಿಲ್ಲ.
ಶಕ್ತಿಯುತ ಸ್ಫಟಿಕಗಳನ್ನು ಬಳಸುವುದರಿಂದ, ಶಕ್ತಿಯ ಮಟ್ಟವು ಹೆಚ್ಚಾಗುತ್ತದೆ ಮತ್ತು ಕೆಲಸದ ದಕ್ಷತೆಯು ಹೆಚ್ಚಾಗುತ್ತದೆ. ಕಚೇರಿಯ ಮೇಜಿನ ಮೇಲೆ ಸ್ಫಟಿಕ ಶಿಲೆಯ ಹರಳುಗಳನ್ನು ಇಟ್ಟುಕೊಳ್ಳುವುದು ಉತ್ತಮ ಅವಕಾಶಗಳನ್ನು ಪಡೆಯುವ ಸಾಧ್ಯತೆಗಳನ್ನು ಹೆಚ್ಚಿಸುತ್ತದೆ. ಇದಲ್ಲದೆ, ಬಿದಿರಿನ ಗಿಡವನ್ನು ಮೇಜಿನ ಮೇಲೆ ಇಡುವುದು ವೃತ್ತಿಜೀವನಕ್ಕೆ ತುಂಬಾ ಮಂಗಳಕರವೆಂದು ಪರಿಗಣಿಸಲಾಗಿದೆ.
ವಾಸ್ತು ಪ್ರಕಾರ ಮಲಗುವಾಗ ಪೂರ್ವ ದಿಕ್ಕಿಗೆ ತಲೆ ಇಡುವುದು ವೃತ್ತಿ ಬೆಳವಣಿಗೆಗೂ ಒಳ್ಳೆಯದು. ಇದರಿಂದ ಏಕಾಗ್ರತೆ ಹೆಚ್ಚುವುದಲ್ಲದೆ, ಮಾನಸಿಕ ಶಕ್ತಿಯೂ ಬೆಳೆಯುತ್ತದೆ. ಜನರು ಯಾವಾಗಲೂ ಉತ್ತರ ದಿಕ್ಕಿನಲ್ಲಿ ಕುಳಿತು ಕೆಲಸ ಮಾಡಬೇಕು. ಕೆಲಸ ಮಾಡುವಾಗ ನಿಮ್ಮ ಹಿಂದೆ ಬಲವಾದ ಗೋಡೆ ಇರಬೇಕು. ಹಿಂಭಾಗದ ಗೋಡೆಯ ಮೇಲೆ ಯಾವುದೇ ಕಿಟಕಿ ಇಲ್ಲ ಎಂದು ಖಚಿತಪಡಿಸಿಕೊಳ್ಳಿ.
vastu tips for instant career growth and these mistakes can spoil your job