Honda CB500X Price Dropped : ಬೈಕ್ ಪ್ರಿಯರಿಗೆ ಬಂಪರ್; ಈ ಬೈಕ್ ಖರೀದಿಸಿದರೆ 1 ಲಕ್ಷದಷ್ಟು ಕಡಿಮೆ ಬೆಲೆಗೆ ಸಿಗುತ್ತೆ!

ಹೋಂಡಾ ಮೋಟಾರ್‌ಸೈಕಲ್ ಮತ್ತು ಸ್ಕೂಟರ್ (HMSI) ತನ್ನ CB500X ಅಡ್ವೆಂಚರ್ ಮೋಟಾರ್‌ಸೈಕಲ್‌ನ ಬೆಲೆ ಇಳಿಕೆ ಮಾಡಿರುವುದಾಗಿ ಘೋಷಿಸಿದೆ. ಮಿಡ್-ಸೆಗ್ಮೆಂಟ್ ಅಡ್ವೆಂಚರ್ ಟೂರಿಂಗ್ ಮೋಟಾರ್‌ಸೈಕಲ್ ಆಗಿರುವ ಹೋಂಡಾ CB500X ಸುಮಾರು ₹1 ಲಕ್ಷದವರೆಗೆ ಬೆಲೆ ಇಳಿಕೆ ಮಾಡಲಾಗಿದೆ. ಇತ್ತೀಚಿನ ಬೆಲೆ ಪರಿಷ್ಕರಣೆಯ (Honda CB500X Price Dropped) ಪ್ರಕಾರ ಹೋಂಡಾ CB500X ಈಗ ₹5.88 ಲಕ್ಷಕ್ಕೆ (ಎಕ್ಸ್ ಶೋ ರೂಂ) ಗ್ರಾಹಕರ ಕೈಗೆಟುಕಲಿದೆ.

CB500X ಅನ್ನು ಮೂಲತಃ ಭಾರತೀಯ ಮಾರುಕಟ್ಟೆಯಲ್ಲಿ ಮೇ 2021 ರಲ್ಲಿ ₹6.86 ಲಕ್ಷಕ್ಕೆ (ಎಕ್ಸ್ ಶೋ ರೂಂ) ಬಿಡುಗಡೆ ಮಾಡಲಾಗಿತ್ತು. ಇದು ಇತ್ತೀಚೆಗೆ ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಹಗುರವಾದ ಮುಂಭಾಗದ ಚಕ್ರ ಮತ್ತು ಸ್ವಿಂಗರ್ಮ್ ಜೊತೆಗೆ ಹೊಸ ಪೇಂಟ್ ಸ್ಕೀಮ್‌ನೊಂದಿಗೆ ನವೀಕರಿಸಲ್ಪಟ್ಟಿದೆ. ಅಡ್ವೆಂಚರ್ ಬೈಕ್‌ನ ಹೊಸ ನವೀಕರಿಸಿದ ಆವೃತ್ತಿಯು ಎರಡು ಡಿಸ್ಕ್‌ಗಳನ್ನು ಹೊಂದಿದ್ದು ಪ್ರತಿಯೊಂದೂ 296mm ವಿಸ್ತೀರ್ಣ ಹೊಂದಿವೆ. ಈ ಹಿಂದಿನ ಆವೃತ್ತಿಯಲ್ಲಿ ಇವುಗಳ ವಿಸ್ತೀರ್ಣ ಸಿಂಗಲ್ 310mm ಡಿಸ್ಕ್‌ ಇದ್ದು ಇದೀಗ ಹೆಚ್ಚಿಸಲಾಗಿದೆ. ಡ್ಯುಯಲ್-ಚಾನೆಲ್ ಎಬಿಎಸ್‌ನ ಸುರಕ್ಷತಾ ನಿವ್ವಳದೊಂದಿಗೆ ಬ್ರೇಕ್‌ಗಳನ್ನು ಸಹ ನೀಡಲಾಗುತ್ತದೆ.

ಇದನ್ನೂ ಓದಿ: China: ಚೀನಾ ಹೆದರುವುದು ಈ ಎರಡು ವಿಷಯಕ್ಕೆ ಮಾತ್ರ!

2022 ಕ್ಕೆ, ಹೋಂಡಾ CB500X ಕಪ್ಪು ಬಣ್ಣದೊಂದಿಗೆ ಪರ್ಲ್ ಆರ್ಗ್ಯಾನಿಕ್ ಗ್ರೀನ್ ಎಂಬ ನವೀಕರಿಸಿದ ಪೇಂಟ್ ಸ್ಕೀಮ್ ಜೊತೆಗೆ ಮಾರುಕಟ್ಟೆಗೆ ಲಗ್ಗೆಯಿಡಲಿದೆ ಎಂದು ಹೇಳಲಾಗಿದೆ. ಈ ನವೀಕರಣಗಳನ್ನು ಹೊರತುಪಡಿಸಿ, ಉಳಿದ ಫೀಚರ್‌ಗಳೆಲ್ಲ ಹಾಗೆಯೇ ಇರುತ್ತವೆ. ಬೈಕ್ ತನ್ನ 471cc, ಪ್ಯಾರಲಲ್-ಟ್ವಿನ್, ಲಿಕ್ವಿಡ್-ಕೂಲ್ಡ್ ಎಂಜಿನ್ ಜೊತೆಗೆ 8,600rpm ನಲ್ಲಿ 46.9bhp ಪವರ್ ಮತ್ತು 6,500rpm ನಲ್ಲಿ 43Nm ಪೀಕ್ ಟಾರ್ಕ್ ಅನ್ನು ನೀಡುವುದರಿಂದ ಪವರ್‌ಟ್ರೇನ್ ಅನ್ನು ಉಳಿಸಿಕೊಳ್ಳಲಾಗಿದೆ. ಟ್ರಾನ್ಸ್ಮಿಷನ್ ಆರು-ವೇಗದ ಗೇರ್ ಬಾಕ್ಸ್ ಆಗಿದೆ. ಅಲ್ಲದೆ, ಶಿಫ್ಟ್ ಅಪ್ ಮತ್ತು ಗೇರ್ ಪೊಸಿಷನ್ ಕಾರ್ಯದೊಂದಿಗೆ ಬರುವ ಮೋಟಾರ್‌ಸೈಕಲ್‌ನ ಡಿಜಿಟಲ್ ಇನ್ಸ್ಟ್ರುಮೆಂಟ್ ಕ್ಲಸ್ಟರ್‌ನಲ್ಲಿ ಯಾವುದೇ ಬದಲಾವಣೆಗಳನ್ನು ಮಾಡಲಾಗಿಲ್ಲ.

ಇದನ್ನೂ ಓದಿ: Term Life Insurance Plans: ಟರ್ಮ್ ಇನ್ಶೂರೆನ್ಸ್ ಯೋಜನೆ ಪ್ರಾರಂಭಿಸಲು ನೀವು ತಿಳಿದಿರಬೇಕಾದ ಅತ್ಯಗತ್ಯ ಮಾಹಿತಿಗಳು: ಭಾಗ 1

( Honda CB500X Price Dropped by 1 lakh)