IMPS ಹಣ ವರ್ಗಾವಣೆ : ಇಂದಿನಿಂದ (ಫೆಬ್ರವರಿ 1) ಜಾರಿಯಾಗಲಿದೆ ಹೊಸ ರೂಲ್ಸ್‌

IMPS Money Transfer New Rules : ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಐಎಂಪಿಎಸ್‌ (IMPS) ವ್ಯವಸ್ಥೆಗೆ ಸಂಬಂಧಿಸಿದಂತೆ ಹೊಸ ನಿಯಮ ಜಾರಿಗೆ ತರುತ್ತಿದೆ. ಇನ್ಮುಂದೆ ಹಣ ವರ್ಗಾವಣೆ ಮಾಡುವ ವೇಳೆಯಲ್ಲಿ ಈ ನಿಯಮವನ್ನು ಅರಿತುಕೊಳ್ಳುವುದು ಮುಖ್ಯ. ಐಎಂಪಿಎಸ್‌ ಹೊಸ ರೂಲ್ಸ್‌ ಇಂದಿನಿಂದಲೇ ಜಾರಿಗೆ ಬರುತ್ತಿದೆ.

ತಕ್ಷಣದ ಪಾವತಿ ಸೇವೆ (IMPS) ವ್ಯವಸ್ಥೆಗೆ ಸಂಬಂಧಿಸಿದಂತೆ ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ ಹೊಸ ನಿಯಮ ಜಾರಿಗೊಳಿಸಿದೆ. ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮವು IMPS ವ್ಯವಸ್ಥೆಯಲ್ಲಿನ ಬದಲಾವಣೆಯನ್ನು ಇಂದಿನಿಂದಲೇ ಜಾರಿಗೆ ತಂದಿದೆ. ಹೊಸ ನಿಯಮದ ಪ್ರಕಾರ ಐಎಂಪಿಎಸ್‌ ಮೂಲಕ 5 ಲಕ್ಷದವರೆಗೆ ಹಣ ವರ್ಗಾವಣೆ ಮಾಡಬಹುದು.

ಏಕೀಕೃತ ಪಾವತಿಗಳ ಇಂಟರ್ಫೇಸ್ (UPI), ರಾಷ್ಟ್ರೀಯ ಎಲೆಕ್ಟ್ರಾನಿಕ್ ನಿಧಿಗಳ ವರ್ಗಾವಣೆ (NEFT), IMPS ಮತ್ತು ಇತರ ಹಲವು ವಿಧಾನಗಳು ದೇಶದಲ್ಲಿ ತ್ವರಿತ ಹಣ ವರ್ಗಾವಣೆಗೆ ಲಭ್ಯವಿದೆ. UPI ಮೂಲಕ ಸಣ್ಣ ಮೊತ್ತದ ಹಣವನ್ನು ತಕ್ಷಣವೇ ಕಳುಹಿಸಬಹುದು. ಒಂದೊಮ್ಮೆ ದೊಡ್ಡ ಮೊತ್ತದ ಹಣವನ್ನು ವರ್ಗಾವಣೆ ಮಾಡಲು NEFT, ರಿಯಲ್-ಟೈಮ್ ಗ್ರಾಸ್ ಸೆಟಲ್ಮೆಂಟ್ (RTGS) ಮತ್ತು IMPS ಮೋಡ್ ಅನಿವಾರ್ಯವಾಗಿದೆ.

ಇದನ್ನೂ ಓದಿ : NPS, SBI, FASTag, FD, Home Loan : ಫೆಬ್ರವರಿ 1 ರಿಂದ ಈ 6 ಪ್ರಮುಖ ನಿಯಮಗಳಲ್ಲಿ ಬಾರೀ ಬದಲಾವಣೆ

IMPS ಮೂಲಕ ಹಣ ರವಾನೆಯನ್ನು ತ್ವರಿತವಾಗಿ ಮಾಡಬಹುದಾಗಿದೆ. ಅಲ್ಲದೇ NEFT ಮತ್ತು RTGS ಮೂಲಕ ಹಣ ರವಾನೆ ಕೆಲವು ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ. ಈ ಮೂರು ವಿಧಾನಗಳ ಮೂಲಕ ನೀವು ಹಣವನ್ನು ಕಳುಹಿಸಬೇಕಾಗಿದ್ದರೂ, ನೀವು ಫಲಾನುಭವಿಯ ವಿವರಗಳನ್ನು ನಮೂದಿಸಬೇಕು. ಆಗ ಮಾತ್ರ ಹಣವನ್ನು ರವಾನೆ ಮಾಡಬಹುದು.

ಮೊದಲ 24 ಗಂಟೆಗಳ ಅವಧಿಯಲ್ಲಿ ದೊಡ್ಡ ಮೊತ್ತದ ಹಣವನ್ನು ಕಳುಹಿಸಲು ಸಾಧ್ಯವಿಲ್ಲ. ಆದರೆ ಹೊಸ ನಿಯಮದ ಪ್ರಕಾರ ಹಲವು ಬದಲಾವಣೆ ಗಳನ್ನು ಜಾರಿಗೊಳಿಸಲಾಗಿದೆ. ತಕ್ಷಣದ ಪಾವತಿ ಸೇವೆ (IMPS) ವಿಧಾನದಲ್ಲಿ ಅಳವಡಿಸಲಾಗುವುದು. ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೊರೇಷನ್ ಆಫ್ ಇಂಡಿಯಾ (NPCI) ಈ IMPS ವ್ಯವಸ್ಥೆಯಲ್ಲಿ ಬದಲಾವಣೆ ತರುತ್ತಿದೆ.

ಪ್ರಸ್ತುತ ಹಣವನ್ನು ಕಳುಹಿಸುತ್ತಿರುವ ವ್ಯಕ್ತಿಯ ಹೆಸರು, ಬ್ಯಾಂಕ್ ಖಾತೆ ಸಂಖ್ಯೆ, IFSC ಕೋಡ್ ಇತ್ಯಾದಿಗಳನ್ನು NEFT ಮತ್ತು IMPS ನಲ್ಲಿ ನಮೂದಿಸ ಬೇಕು. ಹೊಸ ನಿಯಮದ ಪ್ರಕಾರ ಬ್ಯಾಂಕ್ ಖಾತೆ ಸಂಖ್ಯೆ ಮತ್ತು ಐಎಫ್ ಎಸ್ ಸಿ ಕೋಡ್ ನಮೂದಿಸುವ ಅಗತ್ಯವಿಲ್ಲ. ಫಲಾನುಭವಿಯ ಹೆಸರನ್ನು ಸೇರಿಸುವ ಅಗತ್ಯವಿಲ್ಲ. ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ಸ್ವೀಕರಿಸುವವರ ಬ್ಯಾಂಕ್ ಹೆಸರನ್ನು ನಮೂದಿಸಿ.

ಇದನ್ನೂ ಓದಿ : ಪ್ರಧಾನ ಮಂತ್ರಿ ಶ್ರಮ ಯೋಗಿ ಮನ್-ಧನ್ ಯೋಜನೆ : ದಿನಕ್ಕೆ ರೂ 2 ಉಳಿಸಿದ್ರೆ, ಪ್ರತೀ ವರ್ಷ ಸಿಗುತ್ತೆ ರೂ 36,000

ಹಣವನ್ನು ತಕ್ಷಣವೇ ವರ್ಗಾಯಿಸಬಹುದು. ಈ ಮೂಲಕ ರೂ.5 ಲಕ್ಷದವರೆಗೆ ಹಣ ವರ್ಗಾವಣೆ ಮಾಡಬಹುದು. ಈ ಹೊಸ ನಿಯಮ ಫೆಬ್ರವರಿ 1 ರಿಂದ ಅನ್ವಯವಾಗಲಿದೆ.

ತಕ್ಷಣದ ಪಾವತಿ ಸೇವೆ (IMPS) ಎಂದರೇನು?

ಹಣ ವರ್ಗಾವಣೆಯ ಅತ್ಯಂತ ಸಾಮಾನ್ಯ ವಿಧಾನ ಎಂದರೆ ‘ತತ್‌ಕ್ಷಣ ಪಾವತಿ ಸೇವೆ’ (IMPS), ಇದು ಇಂಟರ್ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಅಪ್ಲಿಕೇಶನ್‌ಗಳು, ಬ್ಯಾಂಕ್ ಶಾಖೆಗಳು, ಎಟಿಎಂಗಳು, SMS ಮತ್ತು IVRS ನಂತಹ ವಿವಿಧ ಚಾನಲ್‌ಗಳ ಮೂಲಕ ಹಣವನ್ನು ವರ್ಗಾಯಿಸುತ್ತದೆ.

ಒಂದೇ ಮೊಬೈಲ್ ಸಂಖ್ಯೆಯನ್ನು ಬಹು ಖಾತೆಗಳಿಗೆ ಲಿಂಕ್ ಮಾಡಿದರೆ ಏನು?
ಒಂದೇ ಮೊಬೈಲ್ ಸಂಖ್ಯೆಯನ್ನು ಬಹು ಖಾತೆಗಳಿಗೆ ಲಿಂಕ್ ಮಾಡಿದರೆ, ಹಣವು ಫಲಾನುಭವಿಯ ಪ್ರಾಥಮಿಕ/ಡೀಫಾಲ್ಟ್ ಬ್ಯಾಂಕ್ ಖಾತೆಗೆ ಹೋಗುತ್ತದೆ. ಗ್ರಾಹಕರ ಒಪ್ಪಿಗೆಯನ್ನು ಬಳಸಿಕೊಂಡು ಇದನ್ನು ಗುರುತಿಸಲಾಗುತ್ತದೆ. ಗ್ರಾಹಕರ ಒಪ್ಪಿಗೆಯನ್ನು ಒದಗಿಸದಿದ್ದರೆ, ಬ್ಯಾಂಕ್ ವಹಿವಾಟನ್ನು ನಿರಾಕರಿಸುತ್ತದೆ.

IMPS ಮೂಲಕ ಹಣ ವರ್ಗಾವಣೆ ಮಾಡುವುದು ಹೇಗೆ ?

• ನಿಮ್ಮ ಮೊಬೈಲ್ ಬ್ಯಾಂಕಿಂಗ್ ಅಪ್ಲಿಕೇಶನ್ ತೆರೆಯಿರಿ
• ‘ಹಣ ವರ್ಗಾವಣೆ’ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ
• ‘IMPS’ ಆಯ್ಕೆಯನ್ನು ಆರಿಸಿ
• ಫಲಾನುಭವಿಯ MMID (MMID – ಮೊಬೈಲ್ ಮನಿ ಐಡೆಂಟಿಫಯರ್) ಮತ್ತು ನಿಮ್ಮ MPIN (MPIN – ಮೊಬೈಲ್ ವೈಯಕ್ತಿಕ ಗುರುತಿನ ಸಂಖ್ಯೆ) ನಮೂದಿಸಿ
• ನೀವು ವರ್ಗಾಯಿಸಲು ಬಯಸುವ ಮೊತ್ತವನ್ನು ನಮೂದಿಸಿ
• ಮುಂದುವರಿಸಲು ‘ದೃಢೀಕರಿಸಿ’ ಕ್ಲಿಕ್ ಮಾಡಿ
• ನಿಮ್ಮ ಮೊಬೈಲ್ ಸಂಖ್ಯೆಗೆ  OTP ಅನ್ನು ಸ್ವೀಕರಿಸುತ್ತೀರಿ.
• OTP ಅನ್ನು ನಮೂದಿಸಿ ಮತ್ತು ವಹಿವಾಟನ್ನು ಪೂರ್ಣಗೊಳಿಸಿ.

IMPS Money Transfer : New Rules will be implemented from today February 1