ಕೆಜಿಎಫ್-2 ಚಿತ್ರತಂಡಕ್ಕೆ ಎದುರಾಯ್ತು ಸಂಕಷ್ಟ…! ದಾಖಲೆ ನಿರ್ಮಿಸಿದ ಟೀಸರ್ ಗೆ ಬೀಳುತ್ತಾ ಕತ್ತರಿ…?!

ಯೂಟ್ಯೂಬ್ ಸೇರಿದಂತೆ ಎಲ್ಲ ಸೋಷಿಯಲ್ ಮೀಡಿಯಾದಲ್ಲಿ ಹೊಸ ದಾಖಲೆ‌ ನಿರ್ಮಿಸುತ್ತ ಸಾಗುತ್ತಿರುವ ಬಹುನೀರಿಕ್ಷಿತ ಕೆಜಿಎಫ್-೨ ಟೀಸರ್ ಗೆ ಕಂಟಕವೊಂದು ಎದುರಾಗಿದೆ.

ಕೆಜಿಎಫ್-೨ ಟೀಸರ್ ರಿಲೀಸ್ ಆದ ಕೂಡಲೇ ಸಿನಿಪ್ರಿಯರ ಮನಸೆಳೆದ ಗನ್ ನಿಂದ ಸಿಗರೇಟ್ ಹೊತ್ತಿಸಿಕೊಳ್ಳುವ ಸೀನ್ ಗೆ ಕತ್ತರಿ‌ಬೀಳುವ ಸ್ಥಿತಿ ಎದುರಾಗಿದ್ದು, ಚಿತ್ರತಂಡ ಆತಂಕದಲ್ಲಿದೆ.

ಕಳೆದ ಗುರುವಾರ ರಾತ್ರಿ ಅಂದ್ರೇ ಜ.7 ರಂದು ರಿಲೀಸ್ ಆದ ಕೆಜಿಎಫ್-೨ ಟೀಸರ್ ಯೂಟ್ಯೂಬ್ ನಲ್ಲಿ 125 ಮಿಲಿಯನ್ ವೀಕ್ಷಣೆ ಕಂಡಿದ್ದು ಹೊಸ ವಿಶ್ವದಾಖಲೆ ನಿರ್ಮಿಸಿದೆ.

ಆದರೆ ಈ ದಾಖಲೆಗಳ ಮಧ್ಯೆ ಕೆಜಿಎಫ್-೨ ಟೀಸರ್ ಗೆ ನಿಯಮ ಉಲ್ಲಂಘನೆ ಕಳಂಕ ಎದುರಾಗಿದ್ದು ರಾಜ್ಯ ಆರೋಗ್ಯ ಇಲಾಖೆ ನೊಟೀಸ್ ಜಾರಿ ಮಾಡಿದೆ.

ಕೆಜಿಎಫ್-೨ ಟೀಸರ್ ನಲ್ಲಿ ನಾಯಕ ಯಶ್ ರೈಫಲ್ ನಿಂದ. ಸಿಗರೇಟ್ ಹೊತ್ತಿಸಿಕೊಳ್ಳುವ ದೃಶ್ಯವಿದೆ. ಈ ದೃಶ್ಯದಲ್ಲಿ ನಿಯಮದಂತೆ “ಧೂಮಪಾನ ಆರೋಗ್ಯಕ್ಕೆ ಹಾನಿಕರ” ಎಂಬ ಸೂಚನೆ ಪ್ರಕಟಿಸಿಲ್ಲ.

ಹೀಗಾಗಿ ಇದು ತಂಬಾಕು ಉತ್ಪನ್ನ ಕಾಯಿದೆ 2003 ರ ಸೆಕ್ಷನ್ 5 ಪ್ರಕಾರ ಅಪರಾಧವಾಗಿದೆ. ಈ ಹಿನ್ನೆಲೆಯಲ್ಲಿ ಅರೋಗ್ಯ ಇಲಾಖೆ ಚಿತ್ರತಂಡ ಕ್ಕೆ ನೊಟೀಸ್ ಜಾರಿ‌ಮಾಡಿದೆ.ದೃಶ್ಯವನ್ನು ಕೈಬಿಡುವಂತೆ ನಾಯಕ ಯಶ್ ಹಾಗೂ ಚಿತ್ರತಂಡ ಕ್ಕೆ ಆರೋಗ್ಯ ಇಲಾಖೆ ಸೂಚಿಸಿದೆ.

ಹೀಗಾಗಿ ಚಿತ್ರತಂಡ ಸಂದಿಗ್ಧಕ್ಕೆ ಸಿಲುಕಿದ್ದು ಟೀಸರ್ ಎಡಿಟ್ ಮಾಡಿ ಬಿಡುಗಡೆ ಮಾಡೋ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.