ಚಿನ್ನದ ದರ ಸ್ಥಿರ; ಬೆಳ್ಳಿ ಬೆಲೆಯಲ್ಲಿ ದಿಢೀರ್ ಏರಿಕೆ! ಇಂದಿನ ಬದಲಾವಣೆ ತಿಳಿಯಿರಿ

ಬೆಂಗಳೂರು: ರಾಜಧಾನಿ ಬೆಂಗಳೂರಿನಲ್ಲಿ ಇಂದು ಚಿನ್ನ ಪ್ರಿಯರಿಗೆ ಸಲ್ಪ ಸಮಾಧಾನದ ಸುದ್ದಿ ಸಿಕ್ಕಿದೆ. ಕಳೆದ ಕೆಲವು ದಿನಗಳಿಂದ ಸತತವಾಗಿ ಏರಿಳಿತ ಕಾಣುತ್ತಿದ್ದ ಚಿನ್ನದ ದರವು ಇಂದು (Gold Silver Price Today) ಸ್ಥಿರವಾಗಿದೆ. ಆದರೆ, ಬೆಳ್ಳಿ ಖರೀದಿಸುವವರಿಗೆ ಬೆಲೆ ಏರಿಕೆಯ ಬಿಸಿ ತಟ್ಟಿದೆ.

ಇಂದಿನ ಚಿನ್ನದ ದರ (Gold Rate Today):
ಬೆಂಗಳೂರಿನಲ್ಲಿ ಇಂದು 22 ಕ್ಯಾರೆಟ್ ಮತ್ತು 24 ಕ್ಯಾರೆಟ್ ಚಿನ್ನದ ಬೆಲೆಯಲ್ಲಿ ಯಾವುದೇ ಬದಲಾವಣೆ ಕಂಡುಬಂದಿಲ್ಲ.

22 ಕ್ಯಾರೆಟ್ (ಆಭರಣ ಚಿನ್ನ): ಪ್ರತಿ 10 ಗ್ರಾಂಗೆ ₹1,23,000 ರಷ್ಟಿದೆ. (1 ಗ್ರಾಂಗೆ ₹12,300).

24 ಕ್ಯಾರೆಟ್ (ಅಪರಂಜಿ ಚಿನ್ನ): ಪ್ರತಿ 10 ಗ್ರಾಂಗೆ ₹1,34,180 ರಷ್ಟಿದೆ. (1 ಗ್ರಾಂಗೆ ₹13,418).

18 ಕ್ಯಾರೆಟ್ ಚಿನ್ನ: ಪ್ರತಿ 10 ಗ್ರಾಂಗೆ ₹1,00,640 ರಷ್ಟಿದೆ.

ಬೆಳ್ಳಿ ಬೆಲೆಯಲ್ಲಿ ಭಾರಿ ಜಿಗಿತ (Silver Rate Today):
ಚಿನ್ನದ ಬೆಲೆ ಸ್ಥಿರವಾಗಿದ್ದರೂ, ಬೆಳ್ಳಿಯ ದರವು ಇಂದು ಕೆಜಿಗೆ ₹5,000 ರಷ್ಟು ಏರಿಕೆಯಾಗಿದೆ.

ಇಂದಿನ ಬೆಲೆ: ಪ್ರತಿ 1 ಕೆಜಿ ಬೆಳ್ಳಿಗೆ ₹2,14,000 ತಲುಪಿದೆ. (ನಿನ್ನೆ ಇದು ₹2,09,000 ಇತ್ತು).

ಪ್ರತಿ ಗ್ರಾಂ ಬೆಳ್ಳಿ: ₹214 ಆಗಿದೆ.

ಬೆಲೆ ಏರಿಳಿತಕ್ಕೆ ಕಾರಣವೇನು?
ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಡಾಲರ್ ಮೌಲ್ಯದ ಸ್ಥಿರತೆ ಮತ್ತು ಹೂಡಿಕೆದಾರರ ಒಲವು ಚಿನ್ನದ ಬೆಲೆಯನ್ನು ಸ್ಥಿರವಾಗಿರಿಸಿದೆ. ಆದರೆ, ಕೈಗಾರಿಕಾ ವಲಯದಲ್ಲಿ ಬೆಳ್ಳಿಯ ಬೇಡಿಕೆ ಹೆಚ್ಚಾಗಿರುವುದು ಮತ್ತು ಜಾಗತಿಕ ಮಾರುಕಟ್ಟೆಯ ಪೂರೈಕೆ ವ್ಯತ್ಯಯದಿಂದಾಗಿ ಬೆಳ್ಳಿ ಬೆಲೆಯಲ್ಲಿ ಏರಿಕೆ ಕಂಡುಬಂದಿದೆ ಎಂದು ಮಾರುಕಟ್ಟೆ ತಜ್ಞರು ವಿಶ್ಲೇಷಿಸಿದ್ದಾರೆ.

ಇದನ್ನೂ ಓದಿ: ಕೊಲ್ಲೂರು ದೇಗುಲದಲ್ಲಿ ಆನುವಂಶಿಕವಲ್ಲದ ಅರ್ಚಕರಿಗೆ ಹೋಮ ನಡೆಸಲು ಅವಕಾಶ : ಕೋರ್ಟ್ ಮೇಟ್ಟಿಲೇರಿದ ತಂತ್ರಿಗಳು

ಗಮನಿಸಿ: ಇಲ್ಲಿ ನೀಡಲಾಗಿರುವ ದರಗಳು ಮಾರುಕಟ್ಟೆಯ ಮೂಲ ಬೆಲೆಗಳಾಗಿವೆ. ಆಭರಣ ಮಳಿಗೆಗಳಲ್ಲಿ ಖರೀದಿಸುವಾಗ ಇದರ ಮೇಲೆ 3% ಜಿಎಸ್‌ಟಿ (GST) ಮತ್ತು ಅಕ್ಕಸಾಲಿಗರ ಮಜೂರಿ (Making Charges) ಹೆಚ್ಚುವರಿಯಾಗಿ ಸೇರ್ಪಡೆಯಾಗುತ್ತದೆ. ಹೀಗಾಗಿ ಅಂತಿಮ ಬೆಲೆಯಲ್ಲಿ ವ್ಯತ್ಯಾಸವಿರಬಹುದು.