ನಿಮ್ಮ ಆಧಾರ್‌ ಕಾರ್ಡ್‌ ಪೋಟೋ ಬದಲಾಯಿಸಬೇಕಾ ? ಹಾಗಾದ್ರೆ ಇಲ್ಲಿ ಕ್ಲಿಕ್ ಮಾಡಿ

ನವದೆಹಲಿ: ಆಧಾರ್ ಕಾರ್ಡ್, ಭಾರತ ಸರಕಾರವು ಪ್ರತಿಯೊಬ್ಬ ನಾಗರಿಕರಿಗೆ ನೀಡಿದ 12 ಅಂಕಿಯ ವಿಶಿಷ್ಟ ಗುರುತಿನ ಸಂಖ್ಯೆ, ಪ್ರಮುಖ ಗುರುತಿನ ದಾಖಲೆಗಳಲ್ಲಿ ಒಂದಾಗಿದೆ. ಬ್ಯಾಂಕಿಂಗ್ ಕಾರ್ಯಾಚರಣೆಗಳಿಂದ ಪ್ರಾರಂಭಿಸಿ ಆನ್‌ಲೈನ್ ವಹಿವಾಟಿನವರೆಗೆ ಆಧಾರ್ ಕಾರ್ಡ್ (Aadhaar Card Photo) ಪ್ರತಿಯೊಂದು ಅಧಿಕೃತ ಕೆಲಸಕ್ಕೂ ಅತ್ಯಂತ ಅಗತ್ಯವಾದ ದಾಖಲೆಗಳಲ್ಲಿ ಒಂದಾಗಿದೆ. ಆಧಾರ್ ಕಾರ್ಡ್ ಜನಸಂಖ್ಯಾ ಮತ್ತು ಬಯೋಮೆಟ್ರಿಕ್ ಡೇಟಾವನ್ನು ಒಳಗೊಂಡಿದೆ. ಹಾಗೆಯೇ ಸರಕಾರಿ ಪ್ರಯೋಜನಗಳನ್ನು ಮತ್ತು ಇತರ ಅಧಿಕೃತ ಕೆಲಸಗಳನ್ನು ಪಡೆಯಲು ಇದು ಅವಶ್ಯಕವಾಗಿದೆ.

12 ಅಂಕಿಯ ವಿಶಿಷ್ಟ ಗುರುತಿನ ಸಂಖ್ಯೆ ಹೊಂದಿರುವವರ ಸಾಮಾನ್ಯ ದೂರುಗಳಲ್ಲಿ ಒಂದು ಎಂದರೆ ಆಧಾರ್ ಕಾರ್ಡ್‌ನಲ್ಲಿ ಇರುವ ಭಾವಚಿತ್ರ. ಯಾಕೆಂದರೆ ಇದರಲ್ಲಿ ಬರುವ ಪೋಟೋದಿಂದಾಗಿ ಹೆಚ್ಚಿನ ಆಧಾರ್‌ ಕಾರ್ಡ್‌ ಬಳಕೆದಾರರಿಗೆ ಅದರ ಬಗ್ಗೆ ಅತೃಪ್ತಿ ಇದೆ. ಹೀಗಾಗಿ UIDAIನಿಂದ ಆಧಾರ್ ಕಾರ್ಡ್ ಹೊಂದಿರುವವರು ತಮ್ಮ ಹತ್ತಿರದ ಆಧಾರ್ ನೋಂದಣಿ ಕೇಂದ್ರಕ್ಕೆ ಭೇಟಿ ನೀಡುವ ಮೂಲಕ ತಮ್ಮ ಆಧಾರ್ ಕಾರ್ಡ್ ಫೋಟೋ ಬದಲಾವಣೆ ಸೇವೆಯನ್ನು ಬಳಸಿಕೊಂಡು ಅದರಲ್ಲಿ ಇರುವ ಪೋಟೋವನ್ನು ಬದಲಾಯಿಸಬಹುದಾಗಿದೆ.

ಅದಕ್ಕಾಗಿ ನೀವು ಮಾಡಬೇಕಾಗಿರುವುದು ಆಧಾರ್ ನೋಂದಣಿ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಅದನ್ನು ಹತ್ತಿರದ ಆಧಾರ್ ನೋಂದಣಿ ಕೇಂದ್ರಕ್ಕೆ ಸಲ್ಲಿಸಬೇಕಾಗಿದೆ.ಈ ಸುದ್ದಿಯಲ್ಲಿ, ಆಧಾರ್ ಕಾರ್ಡ್‌ನಲ್ಲಿ ನಿಮ್ಮ ಆಧಾರ್ ಕಾರ್ಡ್ ಫೋಟೋವನ್ನು ಬದಲಾಯಿಸಲು ಅಥವಾ ಅಪ್‌ಡೇಟ್ ಮಾಡಲು ನೀವು ಈ ಕೆಳಗೆ ತಿಳಿಸಲಾದ ಸುಲಭವಾದ ಹಂತಗಳನ್ನು ತಿಳಿದುಕೊಳ್ಳಬೇಕಾಗಿದೆ.

ನಿಮ್ಮ ಆಧಾರ್ ಕಾರ್ಡ್‌ನಲ್ಲಿ ಫೋಟೋವನ್ನು ಬದಲಾಯಿಸಲು ಹಂತ ಹಂತದ ಮಾರ್ಗದರ್ಶಿ ವಿವರ :
ಹಂತ 1: ಮೊದಲು UIDAI ನ ಅಧಿಕೃತ ವೆಬ್‌ಸೈಟ್ ಆದ uidai.gov.in ಗೆ ಭೇಟಿ ನೀಡಬೇಕು. ಅಥವಾ ನೀವು Google chrome ನಲ್ಲಿ ಈ ಲಿಂಕ್ https://uidai.gov.in/ ಅನ್ನು ಸರಳವಾಗಿ ಬಳಸಿಕೊಂಡು ಆಧಾರ್‌ ಕಾರ್ಡ್‌ ಪೋಟೋವನ್ನು ಬದಲಾಯಿಸಬಹುದು.
ಹಂತ 2: ಈಗ ‘ಅಪ್‌ಡೇಟ್ ಆಧಾರ್’ ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು.
ಹಂತ 3: ಆಧಾರ್ ನೋಂದಣಿ ಫಾರ್ಮ್ ಅನ್ನು ಡೌನ್‌ಲೋಡ್ ಮಾಡಿ ಮತ್ತು ಅಗತ್ಯವಿರುವ ವಿವರಗಳನ್ನು ಭರ್ತಿ ಮಾಡಬೇಕು.
ಹಂತ 4: ಹತ್ತಿರದ ಆಧಾರ್ ನೋಂದಣಿ ಕೇಂದ್ರದಲ್ಲಿ ಫಾರ್ಮ್ ಅನ್ನು ಸಲ್ಲಿಸಬೇಕು.
ಹಂತ 5 : ಪ್ರಸ್ತುತ ಇರುವ ಆಧಾರ್ ಕಾರ್ಯನಿರ್ವಾಹಕರು ಬಯೋಮೆಟ್ರಿಕ್ ಪರಿಶೀಲನೆಯ ಮೂಲಕ ಎಲ್ಲಾ ವಿವರಗಳನ್ನು ಖಚಿತಪಡಿಸಿಕೊಳ್ಳಬೇಕು.
ಹಂತ 6: ಮುಂದೆ, ಕಾರ್ಯನಿರ್ವಾಹಕರು ನಿಮ್ಮ ವಿಶಿಷ್ಟ ಗುರುತಿನ ಸಂಖ್ಯೆ ಆಧಾರ್ ಕಾರ್ಡ್‌ನಲ್ಲಿ ನವೀಕರಿಸಲಾಗುವ ಹೊಸ ಪೋಟೋದ ಮೇಲೆ ಕ್ಲಿಕ್ ಮಾಡುತ್ತಾರೆ.
ಹಂತ 6: ನಂತರ ಇದಕ್ಕಾಗಿ ರೂ 100 ಮತ್ತು GST ಶುಲ್ಕವನ್ನು ಪಾವತಿಸಲು ನಿಮ್ಮನ್ನು ಕೇಳಲಾಗುತ್ತದೆ.
ಹಂತ 7: ಆಧಾರ್ ಕಾರ್ಯನಿರ್ವಾಹಕರು ನಿಮಗೆ ಸ್ವೀಕೃತಿ ಸ್ಲಿಪ್ ಮತ್ತು ನವೀಕರಣ ವಿನಂತಿ ಸಂಖ್ಯೆ (URN) ನೀಡುತ್ತಾರೆ.
ಹಂತ 8: ವಿವರಗಳನ್ನು 90 ದಿನಗಳಲ್ಲಿ ನವೀಕರಿಸಲಾಗುತ್ತದೆ.

ಇದನ್ನೂ ಓದಿ : LIC WhatsApp Services : ವಾಟ್ಸಾಪ್‌ ಮೂಲಕ ಎಲ್‌ಐಸಿ ಸೇವೆ : ಪಾಲಿಸಿ ಸ್ಥಿತಿ, ಪ್ರೀಮಿಯಂ ವಿವರಕ್ಕಾಗಿ ಇಲ್ಲಿ ಕ್ಲಿಕ್ಕಿಸಿ

ಇದನ್ನೂ ಓದಿ : ಹೆಲ್ತ್ ಇನ್ಸ್ಯೂರೆನ್ಸ್ ಪಡೆಯಲು ಯಾವುದು ಸೂಕ್ತ : ಯಾವ ಪಾಲಿಸಿಯಿಂದ ಏನು ಲಾಭ ? ಇಲ್ಲಿದೆ ಸಂಪೂರ್ಣ ಮಾಹಿತಿ

ಇದನ್ನೂ ಓದಿ : Adani Group : ಗೌತಮ್‌ ಅದಾನಿ ಗ್ರೂಪ್‌ ಷೇರು ಕುಸಿತ : ಹಿಂಡನ್‌ ಬರ್ಗ್‌ ವರದಿ ವಿರುದ್ದ ಅದಾನಿ ಗ್ರೂಪ್‌ ಕಿಡಿ

UIDAI ನ ಅಧಿಕೃತ ವೆಬ್‌ಸೈಟ್‌ನಲ್ಲಿ URN ಸಂಖ್ಯೆಯನ್ನು ಬಳಸಿಕೊಂಡು ನಿಮ್ಮ ಇತ್ತೀಚಿನ ಆಧಾರ್ ಕಾರ್ಡ್‌ನ ಸ್ಥಿತಿಯನ್ನು ಸಹ ನೀವು ಟ್ರ್ಯಾಕ್ ಮಾಡಬಹುದು. ಆಧಾರ್ ಪೋರ್ಟಲ್‌ನಲ್ಲಿ ವಿವರಗಳನ್ನು ನವೀಕರಿಸಲು 90 ದಿನಗಳನ್ನು ತೆಗೆದುಕೊಳ್ಳುತ್ತದೆ. ನವೀಕರಿಸಿದ ನಂತರ, ಬಳಕೆದಾರರು ಹೊಸ ನಕಲನ್ನು ಪೋರ್ಟಲ್‌ನಿಂದ ಡೌನ್‌ಲೋಡ್ ಮಾಡಬಹುದು ಮತ್ತು ಭವಿಷ್ಯದ ಬಳಕೆಗಾಗಿ ಅದನ್ನು ಪ್ರಿಂಟ್‌ ಔಟ್‌ನ್ನು ತೆಗೆದುಕೊಳ್ಳಬಹುದು.

ಸೂಚನೆ: ನಿಮ್ಮ ಆಧಾರ್ ಕಾರ್ಡ್‌ನಲ್ಲಿರುವ ಫೋಟೋವನ್ನು ಆನ್‌ಲೈನ್‌ನಲ್ಲಿ ನವೀಕರಿಸಲು ನಿಮಗೆ ಸಾಧ್ಯವಿಲ್ಲ ಎಂಬುದು ಗಮನಿಸಬೇಕಾದ ಸಂಗತಿಯಾಗಿದೆ.

Need to change your Aadhaar card photo? Then click here