ಸಾರ್ವಜನಿಕ ಭವಿಷ್ಯ ನಿಧಿ, ಸುಕನ್ಯಾ ಸಮೃದ್ಧಿ ಯೋಜನೆ : ಬಡ್ಡಿದರದಲ್ಲಿ ಬದಲಾವಣೆ ಇಲ್ಲ

ನವದೆಹಲಿ : ತಮ್ಮ ಮುಂದಿನ ಭವಿಷ್ಯಕ್ಕಾಗಿ ಜನರು ವಿವಿಧ ಸಾರ್ವಜನಿಕ ಹೂಡಿಕೆಯಲ್ಲಿ ಹಣವನ್ನು ವಿನಿಯೋಗಿಸುತ್ತಾರೆ. ಇದೀಗ ಸಾರ್ವಜನಿಕ ಹೂಡಿಕೆಯಲ್ಲಿ ಪ್ರಚಲಿತದಲ್ಲಿರುವ ಸಾರ್ವಜನಿಕ ಭವಿಷ್ಯ ನಿಧಿ (PPF) ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಹೂಡಿಕೆ (PPF – Sukanya Samriddhi Yojana) ಮಾಡಿದವರು, ನಿಮಗಾಗಿ ಒಂದು ದೊಡ್ಡ ಅಪ್‌ಡೇಟ್ ನ್ಯೂಸ್‌ ಇಲ್ಲಿದೆ. ವರದಿಗಳ ಪ್ರಕಾರ, ಕೇಂದ್ರ ಸರಕಾರವು ಏಪ್ರಿಲ್‌ ನಿಂದ ಜೂನ್ ವರೆಗಗಿನ ಹಣಕಾಸು ವರ್ಷ -24 ತ್ರೈಮಾಸಿಕಕ್ಕೆ ಯಾವುದೇ ರೀತಿಯ ಬಡ್ಡಿದರಗಳನ್ನು ಹೆಚ್ಚಿಸುವುದಿಲ್ಲ ಎಂದು ತಿಳಿಸಿದೆ.

ಕೇಂದ್ರ ಹಣಕಾಸು ಸಚಿವಾಲಯವು ಡಿಸೆಂಬರ್ 30 ರಂದು ಮಾರ್ಚ್ ತ್ರೈಮಾಸಿಕಕ್ಕೆ ಹೂಡಿಕೆದಾರರಿಗೆ ತೆರಿಗೆ ಪ್ರಯೋಜನಗಳನ್ನು ವಿಸ್ತರಿಸದ ಹೆಚ್ಚಿನ ರಾಷ್ಟ್ರೀಯ ಸಣ್ಣ ಉಳಿತಾಯ ನಿಧಿ (NSSF) ಯೋಜನೆಗಳ ಮೇಲಿನ ಬಡ್ಡಿ ದರವನ್ನು 20 ಬೇಸಿಸ್ ಪಾಯಿಂಟ್‌ಗಳಿಂದ (bps) 110 ಬಿಪಿಎಸ್‌ಗೆ ಹೆಚ್ಚಿಸಿದೆ. ಆದರೆ, ಕೇಂದ್ರವು ಜನವರಿ ರಿಂದ ಮಾರ್ಚ್ ವರಗಿನ ಹಣಕಾಸು ವರ್ಷ – 23 ಅವಧಿಗೆ ತೆರಿಗೆ ಪ್ರಯೋಜನಗಳೊಂದಿಗೆ ಜನಪ್ರಿಯ ಯೋಜನೆಗಳ ಅಡಿಯಲ್ಲಿ ಸಾರ್ವಜನಿಕ ಭವಿಷ್ಯ ನಿಧಿ ಯೋಜನೆ ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆ ಅನುಕ್ರಮವಾಗಿ ಶೇ. 7.1 ಮತ್ತು ಶೇ. 7.6 ರಷ್ಟು ಠೇವಣಿಗಳ ಮೇಲಿನ ಬಡ್ಡಿದರಗಳನ್ನು ಬದಲಾಗದೆ ಇರಿಸಿದೆ.

ಇದನ್ನೂ ಓದಿ : ಇನ್ಫೋಸಿಸ್ ಅಧ್ಯಕ್ಷ ಮೋಹಿತ್ ಜೋಶಿ ರಾಜೀನಾಮೆ : ಟೆಕ್ ಮಹೀಂದ್ರಾ MD, CEO ಆಗಿ ಸೇರ್ಪಡೆ

ಇದನ್ನೂ ಓದಿ : ಪ್ಯಾನ್ ಕಾರ್ಡ್-ಆಧಾರ್ ಲಿಂಕ್ : ಯಾರು ಲಿಂಕ್ ಮಾಡಬೇಕು, ಯಾರಿಗೆ ವಿನಾಯಿತಿ ವಿವರಗಳಿಗಾಗಿ ಇಲ್ಲಿ ಕ್ಲಿಕ್ಕಿಸಿ

ಇದನ್ನೂ ಓದಿ : ಹೋಳಿ ಹೆಸರಿನಲ್ಲಿ‌ ಮಹಿಳೆಯರಿಗೆ ಕಿರುಕುಳ : ವಿವಾದ ಮೂಡಿಸಿದ ಭಾರತ ಮ್ಯಾಟ್ರಿಮೋನಿ ಜಾಹೀರಾತು

ಸಾರ್ವಜನಿಕ ಭವಿಷ್ಯ ನಿಧಿ :

ಸಾರ್ವಜನಿಕ ಭವಿಷ್ಯ ನಿಧಿ, ಸಾಮಾನ್ಯವಾಗಿ PPF ಎಂದು ಕರೆಯಲ್ಪಡುತ್ತದೆ. ಇದು ಭಾರತದಲ್ಲಿ ಉಳಿತಾಯವನ್ನು ಹೂಡಿಕೆಗಳಾಗಿ ಪರಿವರ್ತಿಸುವ ಅತ್ಯಂತ ಜನಪ್ರಿಯ ವಿಧಾನಗಳಲ್ಲಿ ಒಂದಾಗಿದೆ. 1968 ರಲ್ಲಿ ಪ್ರಾರಂಭವಾಯಿತು, ನಿಮ್ಮ ಉಳಿತಾಯದ ಮೇಲೆ ತೆರಿಗೆ ಮುಕ್ತ ಬಡ್ಡಿಯನ್ನು ಗಳಿಸಲು PPF ಅತ್ಯಂತ ಸುರಕ್ಷಿತ ವಿಧಾನಗಳಲ್ಲಿ ಒಂದಾಗಿದೆ.

ಸುಕನ್ಯಾ ಸಮೃದ್ಧಿ ಯೋಜನೆ :

ಸುಕನ್ಯಾ ಸಮೃದ್ಧಿ ಯೋಜನೆಯು ಒಂದು ಲಾಭದಾಯಕ ಉಳಿತಾಯ ಯೋಜನೆಯಾಗಿದೆ, ಏಕೆಂದರೆ ಕುಟುಂಬವು ಕನಿಷ್ಠ ರೂ 250 ರ ಮೊತ್ತದಲ್ಲಿ ಸುಕನ್ಯಾ ಸಮೃದ್ಧಿ ಖಾತೆಯನ್ನು ತೆರೆಯಲು ಅನುವು ಮಾಡಿಕೊಡುತ್ತದೆ. ಈ ಯೋಜನೆಯಡಿಯಲ್ಲಿ ಮಾಡಿದ ಹೂಡಿಕೆಯು ಕುಟುಂಬವು ತಮ್ಮ ಹೆಣ್ಣುಮಕ್ಕಳ ಶಿಕ್ಷಣ ಮತ್ತು ಮದುವೆಗೆ ಹಣವನ್ನು ಉಳಿಸಲು ಅನುವು ಮಾಡಿಕೊಡುತ್ತದೆ. ಹೀಗಾಗಿ, ಸುರಕ್ಷಿತ ಭವಿಷ್ಯವನ್ನು ಖಾತ್ರಿಪಡಿಸುತ್ತದೆ.

ಪಬ್ಲಿಕ್ ಪ್ರಾವಿಡೆಂಟ್ ಫಂಡ್ ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆ ಮೇಲಿನ ಬಡ್ಡಿದರಗಳನ್ನು ಸುಮಾರು ಮೂರು ವರ್ಷಗಳ ಹಿಂದೆ Q1FY21 ರಲ್ಲಿ PPF ದರವನ್ನು ಶೇ. 7.9 ರಿಂದ ಶೇ. 7.1 ಕ್ಕೆ ಇಳಿಸಿದಾಗ ಬದಲಾಯಿಸಲಾಗಿದೆ. ಆದರೆ ಸುಕನ್ಯಾ ಯೋಜನೆಗೆ ದರವನ್ನು ಶೇ. 8.4 ರಿಂದ ಶೇ. 7.6 ಕ್ಕೆ ಇಳಿಸಲಾಗಿದೆ. ಎಫ್‌ಇಗೆ ವಿವರಗಳನ್ನು ನೀಡಿದ ಅಧಿಕಾರಿಯೊಬ್ಬರು, ಪಿಪಿಎಫ್ ಮತ್ತು ಸುಕನ್ಯಾ ಯೋಜನೆಯಲ್ಲಿ ಬಡ್ಡಿದರ ಬದಲಾಗದಿರಲು ತೆರಿಗೆ ವಿನಾಯಿತಿ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ ಎಂದು ಹೇಳಿದರು. ಆದರೆ, ಏಪ್ರಿಲ್ ರಿಂದ ಜೂನ್ ತ್ರೈಮಾಸಿಕಕ್ಕೆ ಈ ತಿಂಗಳ ಅಂತ್ಯದ ವೇಳೆಗೆ ಕೇಂದ್ರವು ಸಣ್ಣ ಉಳಿತಾಯ ದರಗಳನ್ನು ತಿಳಿಸುತ್ತದೆ.

PPF – Sukanya Samriddhi Yojana : Public Provident Fund, Sukanya Samriddhi Yojana : No change in interest rate