ರೈತರಿಗೆ ನೇರ ಹಣಕಾಸು ನೆರವು ನೀಡುವ ಮಹತ್ವದ ಯೋಜನೆಗಳಿವು

ಭಾರತವು ಕೃಷಿ ಪ್ರಧಾನ ದೇಶವಾಗಿದ್ದು, ನಮ್ಮ ದೇಶದ ಬಹುಪಾಲು ಜನರು ಕೃಷಿಯ ಮೇಲೆಯೇ ಜೀವನ ನಡೆಸುತ್ತಾರೆ. ರೈತರು ನಮ್ಮ ಅನ್ನದಾತರು. ಆದರೆ ಪ್ರಕೃತಿ ವಿಪತ್ತುಗಳು, ಮಾರುಕಟ್ಟೆ ಅಸ್ಥಿರತೆ, ಉತ್ಪಾದನಾ ವೆಚ್ಚದ ಏರಿಕೆ ಮುಂತಾದ ಕಾರಣಗಳಿಂದ ರೈತರ ಜೀವನದಲ್ಲಿ ಅನೇಕ ಸಂಕಷ್ಟಗಳು ಎದುರಾಗುತ್ತಿವೆ. ಈ ಹಿನ್ನೆಲೆಯಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ರೈತರ ಅಭಿವೃದ್ಧಿಗಾಗಿ ಹಲವು ನೂತನ ಬೆಂಬಲ ಯೋಜನೆಗಳನ್ನು ಜಾರಿಗೆ ತಂದಿವೆ.

ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆ (PM-KISAN) ರೈತರಿಗೆ ನೇರ ಹಣಕಾಸು ನೆರವು ನೀಡುವ ಮಹತ್ವದ ಯೋಜನೆಯಾಗಿದೆ. ಈ ಯೋಜನೆಯಡಿ ಪ್ರತಿ ರೈತ ಕುಟುಂಬಕ್ಕೆ ವರ್ಷಕ್ಕೆ ₹6,000ರಷ್ಟು ಮೊತ್ತವನ್ನು ಮೂರು ಹಂತಗಳಲ್ಲಿ ನೇರವಾಗಿ ಬ್ಯಾಂಕ್ ಖಾತೆಗೆ ಜಮ ಮಾಡಲಾಗುತ್ತದೆ. ಇದರಿಂದ ಸಣ್ಣ ಮತ್ತು ಅಲ್ಪಭೂಮಿಯ ರೈತರಿಗೆ ಆರ್ಥಿಕ ನಿಲುವು ದೊರಕುತ್ತಿದೆ.

ಇದೇ ರೀತಿ ,
ಪ್ರಧಾನಮಂತ್ರಿ ಫಸಲ್ ಬಿಮಾ ಯೋಜನೆ (PMFBY) ಮೂಲಕ ಬೆಳೆ ನಾಶವಾದಾಗ ರೈತರಿಗೆ ವಿಮಾ ಪರಿಹಾರ ದೊರೆಯುತ್ತದೆ. ಮಳೆ ಕೊರತೆ, ಅತಿವೃಷ್ಟಿ, ಗಾಳಿ, ಕೀಟರೋಗ ಇತ್ಯಾದಿ ನಷ್ಟಗಳಿಂದ ರಕ್ಷಣೆಯು ದೊರೆಯುತ್ತದೆ. 2025ರಲ್ಲಿ ಈ ಯೋಜನೆಯನ್ನು ಹೆಚ್ಚು ಪಾರದರ್ಶಕವಾಗಿಸಲು ಮತ್ತು ಡ್ರೋನ್ ಹಾಗೂ ಸ್ಯಾಟಲೈಟ್ ತಂತ್ರಜ್ಞಾನವನ್ನು ಬಳಸಿ ಬೆಳೆ ಹಾನಿಯ ಅಂದಾಜು ಮಾಡಲು ಹೊಸ ವ್ಯವಸ್ಥೆ ಜಾರಿಯಾಗಿದೆ.

ಇತ್ತೀಚಿಗೆ ಕೇಂದ್ರ ಸರ್ಕಾರವು,
ಪಲ್ಸ್ ಸ್ವಾವಲಂಬನೆ ಮಿಷನ್ (Mission for Aatmanirbharta in Pulses) ಎಂಬ ಹೊಸ ಯೋಜನೆಯನ್ನು ಆರಂಭಿಸಿದೆ. ಇದರ ಉದ್ದೇಶ ಭಾರತದೊಳಗಿನ ಉತ್ಪಾದನೆಯನ್ನು ಹೆಚ್ಚಿಸಿ ವಿದೇಶ ಆಮದು ಅವಲಂಬನೆಯನ್ನು ಕಡಿಮೆ ಮಾಡುವುದು. ಈ ಯೋಜನೆಗೆ ₹35,000 ಕೋಟಿಗೂ ಹೆಚ್ಚು ಮೊತ್ತವನ್ನು ವಿನಿಯೋಗಿಸಲಾಗಿದೆ.

ಕೃಷಿ ಯಂತ್ರೋಪಕರಣ ಸಬ್ಸಿಡಿ, ಮೈಕ್ರೋ ಇರೆಗೇಶನ್ ಫಂಡ್, ಮತ್ತು ಕೃಷಿ ತಂತ್ರಜ್ಞಾನ ಸಹಾಯ ಯೋಜನೆಗಳ ಮೂಲಕ ರೈತರಿಗೆ ಆಧುನಿಕ ತಂತ್ರಜ್ಞಾನ ಬಳಕೆಗೆ ಪ್ರೋತ್ಸಾಹ ನೀಡಲಾಗುತ್ತಿದೆ. ಇವುಗಳಿಂದ ಉತ್ಪಾದನಾ ವೆಚ್ಚ ಕಡಿಮೆಯಾಗುತ್ತಿದ್ದು, ಬೆಳೆ ಫಲಿತಾಂಶವೂ ಹೆಚ್ಚುತ್ತಿದೆ.

ರಾಜ್ಯ ಮಟ್ಟದಲ್ಲೂ ವಿವಿಧ ಹೊಸ ಯೋಜನೆಗಳು ಜಾರಿಗೆ ಬಂದಿವೆ – ಉದಾಹರಣೆಗೆ ಕರ್ನಾಟಕದಲ್ಲಿ ರೈತ ಸಮ್ಮಾನ , ಮೈ ಕೃಷಿ ಅಪ್ಲಿಕೇಶನ್, ಮತ್ತು ಮಿಲೆಟ್ ಮಿಷನ್ ಯೋಜನೆಗಳ ಮೂಲಕ ರೈತರ ಆದಾಯ ಹೆಚ್ಚಿಸಲು ಕ್ರಮ ಕೈಗೊಳ್ಳಲಾಗಿದೆ.

ಈ ಎಲ್ಲಾ ಯೋಜನೆಗಳ ಮುಖ್ಯ ಉದ್ದೇಶ – “ರೈತನ ಆದಾಯ ದ್ವಿಗುಣಗೊಳಿಸುವುದು” ಮತ್ತು ಅವರನ್ನು ಆರ್ಥಿಕವಾಗಿ ಸ್ವಾವಲಂಬಿಗಳನ್ನಾಗಿ ರೂಪಿಸುವುದು. ಸರಕಾರದ ಈ ನೂತನ ಪ್ರಯತ್ನಗಳು ಸರಿಯಾಗಿ ಕಾರ್ಯಗತಗೊಂಡರೆ, ಭವಿಷ್ಯದಲ್ಲಿ ರೈತನ ಬದುಕು ಸಂತೃಪ್ತಿಯುತವಾಗಲಿದೆ ಮತ್ತು ದೇಶದ ಆಹಾರ ಭದ್ರತೆಯು ಇನ್ನಷ್ಟು ಬಲವಾಗುವುದು ನಿಶ್ಚಿತ