ಅಕ್ಷಯ ತೃತೀಯ ಸಮೀಪಿಸುತ್ತಿರೋ ಹೊತ್ತಲ್ಲೇ ಆಭರಣ ತಯಾರಕರು ಗ್ರಾಹಕರನ್ನು ಸೆಳೆಯಲು ವಿಭಿನ್ನ ಜಾಹೀರಾತುಗಳ ಮೊರೆ ಹೋಗುತ್ತಿದ್ದಾರೆ. ಇದೀಗ ಅಕ್ಷಯ ತೃತೀಯ ಹಿನ್ನೆಲೆಯಲ್ಲಿ ಮಲಬಾರ್ ಗೋಲ್ಡ್ ( Malabar Gold )ಮತ್ತು ಕರೀನಾ ಕಪೂರ್ ಖಾನ್ ( Kareena Kapoor Khan) ಅವರ ಹಬ್ಬದ ಜಾಹೀರಾತು ವಿವಾದಕ್ಕೆ ಕಾರಣವಾಗಿದೆ. ಅಕ್ಷಯ ತೃತೀಯ ಹಬ್ಬದ ಜಾಹೀರಾತಿನಲ್ಲಿ ( Boycott Malabar Gold) ಕರೀನಾ ಕಪೂರ್ ಬಿಂದಿ ಹಾಕದೆ ಹಿಂದೂ ಸಂಪ್ರದಾಯಗಳನ್ನು ಅಪಹಾಸ್ಯ ಮಾಡುತ್ತಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.
ಅಕ್ಷಯ ತೃತೀಯ ಜಾಹೀರಾತಿನಲ್ಲಿ ಕರೀನಾ ಕಪೂರ್ ಬಿಂದಿ ಇಲ್ಲದೆ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಮಲಬಾರ್ ಗೋಲ್ಡ್ನ್ನು ಬಹಿಷ್ಕರಿಸುವಂತೆ ಕರೆ ನೀಡಲಾಗಿದೆ. ಅಲ್ಲದೇ ಮಲಬಾರ್ ಗೋಲ್ಡ್ ಕರೀನಾ ಕಪೂರ್ ಖಾನ್ ಒಳಗೊಂಡ ಜಾಹೀರಾತು ಆನ್ಲೈನ್ನಲ್ಲಿ ಭಾರೀ ಟ್ರೋಲ್ ಆಗುತ್ತಿದೆ. ಅಕ್ಷಯ ತೃತೀಯ ಹಬ್ಬದ ದಿನದಂದು ಚಿನ್ನ ಖರೀದಿ ಮಾಡುವುದು ಹಿಂದೂ ಧರ್ಮದ ಪ್ರಕಾರ ಶುಭವೆಂದು ಭಾವಿಸಲಾಗಿದೆ. ಆದರೆ ಹಿಂದೂಗಳಿಗೆ ತಯಾರಿಸಲಾಗಿರುವ ಜಾಹೀರಾತಿನಲ್ಲಿ ಕರಿನಾ ಕಪೂರ್ ಸಂಪ್ರದಾಯವನ್ನೇ ಮುರಿದಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ. ಜಾಹೀರಾತಿನಲ್ಲಿ, ಕರೀನಾ ಗುಲಾಬಿ ಬಣ್ಣದ ಲೆಹೆಂಗಾವನ್ನು ಧರಿಸಿ, ದೊಡ್ಡದಾದ ಡೈಮಂಡ್ ನೆಕ್ಪೀಸ್, ಕಿವಿಯೋಲೆಗಳು ಮತ್ತು ಮಾಂಗ್ ಟಿಕಾವನ್ನು ಧರಿಸಿದ್ದಾರೆ.
ಜಾಹೀರಾತಿನಲ್ಲಿ ಕರೀನಾ ಕಪೂರ್ ಅವರ ಹಣೆಯ ಮೇಲೆ ಬಿಂದಿ ಇಲ್ಲದಿರುವುದು ಮುಖ್ಯವಾಗಿ ಹಿಂದೂಗಳನ್ನು ಒಳಗೊಂಡಿರುವ ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ಕೆರಳಿಸಿದೆ. ಅವರು ಜಾಹೀರಾತಿನ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ ಮತ್ತು ಇದು ಹಿಂದೂ ಸಂಪ್ರದಾಯಗಳು ಮತ್ತು ಹಬ್ಬಗಳನ್ನು ಕಡೆಗಣಿಸುವ ಪ್ರಯತ್ನವಾಗಿದೆ ಎಂದು ಹೇಳಿದರು. ಹಣೆಯ ಮೇಲೆ ಬಿಂದಿಯನ್ನು ಧರಿಸುವುದು ಮಹಿಳೆಯರಿಗೆ, ವಿಶೇಷವಾಗಿ ವಿವಾಹಿತರಿಗೆ ಸಾಂಪ್ರದಾಯಿಕ ಭಾರತೀಯ ಉಡುಪಿನ ಪ್ರಮುಖ ಅಂಶವಾಗಿದೆ ಎಂದು ಹಲವರು ಅಭಿಪ್ರಾಯಪಟ್ಟಿದ್ದಾರೆ.
Bindi as believed by Hindus is more than just a red dot.
— Sanatan Prabhat (Kannada) (@Sanatan_Prabhat) April 22, 2022
If brands like @Malabartweets do not try to understand or intentionally ignore it, then it is time that Hindus need to show them the door ! #Boycott_MalabarGold #No_Bindi_No_Business pic.twitter.com/wdanuIGkT1
ಮುಸ್ಲಿಂರನ್ನು ಮದುವೆಯಾಗಿರುವ ಕರೀನಾ ಹಿಂದೂ ಹಬ್ಬದ ಜಾಹೀರಾತಿನಲ್ಲಿ ಬಿಂದಿ ಇಲ್ಲದೆ ಕಾಣಿಸಿಕೊಂಡಿದ್ದಕ್ಕಾಗಿ ಟ್ವಿಟರ್ ಬಳಕೆದಾರರು ಟ್ರೋಲ್ ಮಾಡಿದ್ದಾರೆ. #BoycottMalabarGold, #BoycottKareenaKapoorKhan ಮತ್ತು #NoBindiNoBusiness ಟ್ವಿಟರ್ನಲ್ಲಿ ಟಾಪ್ ಟ್ರೆಂಡ್ ಆಗಿದ್ದು, ಆಕ್ರೋಶಗೊಂಡ ನೆಟಿಜನ್ಗಳು ಜಾಹೀರಾತಿಗೆ ತಮ್ಮ ಅಸಮ್ಮತಿಯನ್ನು ವ್ಯಕ್ತಪಡಿಸಿದ್ದಾರೆ.
#No_Bindi_No_Business#Boycott_MalabarGold
— Aparna Naik (@AparnaNaik10) April 22, 2022
The latest advt by MalabarGold is another example of disregard to Hindu festival. Wearing Bindi is imp.part of tradational Indian woman dressing..Mocking Hindu tradations and expecting Hindus to spend their money for them. Not anymore pic.twitter.com/W8nHYC2uMI
ಮಲಬಾರ್ ಗೋಲ್ಡ್ ಮತ್ತು ಕರೀನಾ ಕಪೂರ್ ಹಿಂದೂ ಸಂಪ್ರದಾಯಗಳನ್ನು ಅಪಹಾಸ್ಯ ಮಾಡುತ್ತಿದ್ದಾರೆಂಬ ಆರೋಪವೂ ಕೇಳಿಬಂದಿದೆ. ಮಲಬಾರ್ ಗೋಲ್ಡ್ ಹಿಂದೂ ಧಾರ್ಮಿಕ ಸಂಪ್ರದಾಯಗಳನ್ನು ಕಡೆಗಣಿಸುತ್ತಿದೆ ಆದರೆ ಹಿಂದೂಗಳು ತಮ್ಮ ಹಣವನ್ನು ಅವರೊಂದಿಗೆ ಖರ್ಚು ಮಾಡುತ್ತಾರೆ ಎಂದು ಟ್ವಿಟ್ ಮಾಡಲಾಗಿದೆ. ಹಿಂದೂ ಮಹಿಳೆಯರಿಗೆ ಬಿಂದಿಯ ಸಾಂಕೇತಿಕ ಮಹತ್ವವನ್ನು ಅಳಿಸಿಹಾಕಲು ಉದ್ದೇಶಪೂರ್ವಕವಾಗಿ ಬಿಂದಿ ಇಲ್ಲದೆ ಮಾದರಿಗಳನ್ನು ತೋರಿಸಲಾಗುತ್ತಿದೆ. ಇನ್ನು ದೀಪಾವಳಿಯ ಜಾಹೀರಾತಿನಲ್ಲಿಯೂ ಕರೀನಾ ಕಪೂರ್ ಬಿಂದಿ ಹಾಗೂ ಸಿಂಧೂರ ಧರಿಸಿರಲಿಲ್ಲ ಎಂಬ ಮಾತುಗಳು ಕೇಳಿಬರುತ್ತಿವೆ.
#No_Bindi_No_Business#Boycott_MalabarGold
— Aparna Naik (@AparnaNaik10) April 22, 2022
The latest advt by MalabarGold is another example of disregard to Hindu festival. Wearing Bindi is imp.part of tradational Indian woman dressing..Mocking Hindu tradations and expecting Hindus to spend their money for them. Not anymore pic.twitter.com/W8nHYC2uMI
ಇದನ್ನೂ ಓದಿ : ಪಾಕಿಸ್ತಾನದಲ್ಲಿ ಪಡೆದ ಶೈಕ್ಷಣಿಕ ಪದವಿ ಮಾನ್ಯವಲ್ಲ:ಯುಜಿಸಿ
ಇದನ್ನೂ ಓದಿ : ಪಿಎಸ್ಐ ನೇಮಕಾತಿ ಅಕ್ರಮ ಪ್ರಕರಣದ ಕಿಂಗ್ ಪಿನ್ ರುದ್ರೇಗೌಡ ವಶಕ್ಕೆ
Boycott Malabar Gold trends as Kareena Kapoor Khan without ‘Bindi’ in Akshaya Tritiya ad
Comments are closed.