Good news for D Boss fans: ಡಿ ಬಾಸ್​ ಅಭಿಮಾನಿಗಳಿಗೆ ಗುಡ್​ ನ್ಯೂಸ್​ : ಇಂದಿನಿಂದ ಡೆವಿಲ್​ ಅಡ್ವಾನ್ಸ್​ ಬುಕ್ಕಿಂಗ್​ ಶುರು

Good news for D Boss fans: ಚಾಲೆಂಜಿಂಗ್​ ಸ್ಟಾರ್​​ ದರ್ಶನ್(Darshan)​ ಅಭಿಮಾನಿಗಳು ಅತ್ಯಂತ ಕುತೂಹಲದಿಂದ ಕಾಯುತ್ತಿರುವ ಬಹುನಿರೀಕ್ಷಿತ ಡೆವಿಲ್​ ಸಿನಿಮಾ ಇದೇ ತಿಂಗಳ 11ನೇ ತಾರೀಖಿನಂದು ಬೆಳ್ಳಿ ತೆರೆಗೆ ಅಪ್ಪಳಿಸುತ್ತಿದೆ.ಈ ನಡುವೆ ಇಂದಿನಿಂದಲೇ ಅಡ್ವಾನ್ಸ್​ ಬುಕ್ಕಿಂಗ್​ ಓಪನ್​ ಆಗಲಿದ್ದು ಡಿ ಬಾಸ್​ ಅಭಿಮಾನಿಗಳು ಫುಲ್​ ಖುಶ್​ ಆಗಿದ್ದಾರೆ.ಇಂದು ಮಧ್ಯಾಹ್ನ 1 ಗಂಟೆಯಿಂದ ಅಡ್ವಾನ್ಸ್​ ಬುಕ್ಕಿಂಗ್​ ಪ್ರಕ್ರಿಯೆ ಆರಂಭಗೊಳ್ಳುತ್ತಿದೆ.

ಬೆಂಗಳೂರು, ಶಿವಮೊಗ್ಗ, ಹಾಸನ,ಮೈಸೂರು ಸೇರಿದಂತೆ ರಾಜ್ಯದ ವಿವಿಧ ಚಿತ್ರಮಂದಿರಗಳಲ್ಲಿ ದರ್ಶನ್​ ಕಟೌಟ್​ಗಳು ರಾರಾಜಿಸುತ್ತಿದ್ದು, ನೆಚ್ಚಿನ ನಟನ ಸಿನಿಮಾ ಪ್ರದರ್ಶನವನ್ನು ಹಬ್ಬದಂತೆ ಆಚರಿಸಲು ಡಿ ಬಾಸ್​ ಅಭಿಮಾನಿಗಳು ಎಲ್ಲಾ ರೀತಿಯ ತಯಾರಿ ಮಾಡಿಕೊಂಡಿದ್ದಾರೆ.

ಡೆವಿಲ್​ ಸಿನಿಮಾದ ಟ್ರೇಲರ್​ ಬಿಡುಗಡೆಯಾದ ಕೇವಲ ಅರ್ಧ ಗಂಟೆಯಲ್ಲಿ 3 ಲಕ್ಷ ಮಂದಿ ವೀಕ್ಷಿಸುವ ಮೂಲಕ ದಾಖಲೆ ನಿರ್ಮಿಸಿತ್ತಯ.ದರ್ಶನ್​ರ ಹೊಸ ಗೆಟಪ್​ಗೆ ಅಭಿಮಾನಿಗಳು ಫಿದಾ ಆಗಿದ್ದರು. ಟ್ರೇಲರ್​ ಸಿನಿಮಾದ ಮೇಲೆ ನಿರೀಕ್ಷೆ ಹೆಚ್ಚಿಸಿದ್ದು ಯಾವಾಗ ಡಿಸೆಂಬರ್​ 11 ಬರುತ್ತೋ ಎಂದು ಅಭಿಮಾನಿಗಳು ತುದಿಗಾಲಿನಲ್ಲಿ ಕಾಯುತ್ತಿದ್ದಾರೆ.

ಸೂರ್ಯಂಗೆ ಹೆಚ್ಚು ಹೊತ್ತು ಗ್ರಹಣ ಹಿಡಿಯಲ್ಲ,ನಾನು ಬರ್ತಿದಿದ್ದೀನಿ ಎಂದು ನಟ ದರ್ಶನ್​ ಡೈಲಾಗ್ ಹೊಡೆದಿದ್ದಾರೆ . ನಿಜ ಜೀವನದಲ್ಲಿಯೂ ರೇಣುಕಾಸ್ವಾಮಿ ಕೊಲೆ ಪ್ರಕರಣದಿಂದಾಗಿ ನಟ ದರ್ಶನ್​ ಜೀವನಕ್ಕೂ ಗ್ರಹಣ ಹಿಡಿದಂತಾಗಿದೆ. ತಮ್ಮದೇ ಸಿನಿಮಾ ರಿಲೀಸ್​ನ ಖುಷಿಯನ್ನೂ ಅನುಭವಿಸುವ ಅವಕಾಶ ದರ್ಶನ್​ಗೆ ಸಿಗದಂತಾಗಿದೆ.

Also Read: ಕಿಚ್ಚನ ಮುಂದೆಯೇ ಕಿತ್ತಾಡಿಕೊಂಡ ಧ್ರುವಂತ್-ರಜತ್! ಸುದೀಪ್ ಮೌನವಾಗಿದ್ಯಾಕೆ?

ನೆಚ್ಚಿನ ನಟ ಜೈಲಿನಲ್ಲಿರುವ ಈ ಸಂದರ್ಭದಲ್ಲಿ ಅವರ ಸಿನಿಮಾಗೆ ಭರ್ಜರಿ ಯಶಸ್ಸು ದೊರಕಿಸಬೇಕೆಂದು ಡಿ ಬಾಸ್​ ಅಭಿಮಾನಿಗಳು ಪಣ ತೊಟ್ಟಿದ್ದಾರೆ.ಡೆವಿಲ್​ ಸಿನಿಮಾ ದರ್ಶನ್​ ಅಭಿಮಾನಿಗಳ ಪಾಲಿಗೆ ಪ್ರತಿಷ್ಠೆಯ ವಿಚಾರವಾಗಿದೆ.

ಹೀಗಾಗಿ ಸಿನಿಮಾ ಹೇಗೇ ಇದ್ದರೂ ಯಶಸ್ಸು ದೊರಕಿಸಿಕೊಡಬೇಕು.ಎಲ್ಲಾ ದಾಖಲೆಗಳನ್ನು ಉಡೀಸ್ ಮಾಡಬೇಕು ಎನ್ನುವುದು ದರ್ಶನ್​ ಅಭಿಮಾನಿಗಳು ಪಣ ತೊಟ್ಟಿದ್ದಾರೆ .