ಡೆಡ್ ಮ್ಯಾನ್ಸ್ ಆಂಥಮ್ ರಿಲೀಸ್: ಕಿಚ್ಚನ ಅವತಾರಕ್ಕೆ ಫ್ಯಾನ್ಸ್ ಫಿದಾ

ಸ್ಯಾಂಡಲ್ ವುಡ್ ನ ಅಭಿನಯ ಚಕ್ರವರ್ತಿ ಸುದೀಪ್ ಹುಟ್ಟುಹಬ್ಬಕ್ಕೆ ವಿಕ್ರಾಂತ್ ರೋಣ ಚಿತ್ರತಂಡ ಸಖತ್ ಸ್ಪೆಶಲ್ ಗಿಫ್ಟ್ ನೀಡಿದೆ. ವಿಕ್ರಾಂತ್ ರೋಣ ಬಿಡುಗಡೆ ಮಾಡಿದ ಸ್ಪೆಶಲ್ ವಿಡಿಯೋ ದಾಖಲೆ ವೀಕ್ಷಣೆಯತ್ತ ಸಾಗುತ್ತಿದೆ.

ಸುದೀಪ್ 49 ವರ್ಷಗಳನ್ನು ಪೊರೈಸಿ 50 ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಈ ಹೊತ್ತಿನಲ್ಲಿ ಸುದೀಪ್ ಅಭಿಮಾನಿಗಳಿಗೆ ಕೋಟಿಗೊಬ್ಬ-3 ಹಾಗೂ ವಿಕ್ರಾಂತ್ ರೋಣ ಎರಡು ಬಹುನೀರಿಕ್ಷಿತ ಚಿತ್ರಗಳನ್ನು ಗಿಫ್ಟ್ ಆಗಿ ನೀಡಲು ಸಿದ್ಧವಾಗುತ್ತಿದ್ದಾರೆ.

ಈ ಪೈಕಿ ವಿಕ್ರಾಂತ್ ರೋಣ ಚಿತ್ರತಂಡ ಸುದೀಪ್ ಬರ್ತಡೆಗಾಗಿ ಹಾರರ್, ಕ್ರೈಂ, ಥ್ರಿಲ್ಲರ್ ಅಂಶಗಳನ್ನು ಒಳಗೊಂಡ ವಿಕ್ರಾಂತ್ ರೋಣ ಸಿನಿಮಾದ ಡೆಡ್ ಮ್ಯಾನ್ ಆ್ಯಂಥಮ್ ವಿಡಿಯೋ ಬಿಡುಗಡೆ ಮಾಡಿದೆ‌.

ಈ ವಿಡಿಯೋದಲ್ಲಿ ಸಿನಿಮಾದ ಸಣ್ಣ ಸಣ್ಣ ಝಲಕ್ ನೋಡುವ ಅವಕಾಶ ಪ್ರೇಕ್ಷಕರಿಗೆ ಸಿಕ್ಕಿದ್ದು ಅದ್ದೂರಿ ಮೇಕಿಂಗ್, ಗ್ರ್ಯಾಂಡ್ ವಿಶ್ಯುವಲ್ಸ್, ಸಖತ್ ಫೈಟಿಂಗ್ ಹಾಗೂ ಸುದೀಪ್ ಸ್ಪೆಶಲ್, ಸ್ಟೈಲಿಶ್ ಲುಕ್ ಗಮನ ಸೆಳೆಯುವಂತಿದೆ.

Announcing #VikrantRonaGlimpse
The Dead Man’s Anthem | Sept 2 11:05 AM#VikrantRona @KicchaSudeep @nirupbhandari @Asli_Jacqueline @neethaofficial @JackManjunath @shaliniartss @The_BigLittle @Kichchacreatiin @tseries @laharimusic @VikrantRona pic.twitter.com/jyof75oKCz

— Anup Bhandari (@anupsbhandari) August 28, 2021

ವಿಡಿಯೋವನ್ನು ನಿರ್ದೇಶಕ ಅನೂಪ್ ಭಂಡಾರಿ ಹಾಗೂ ಚಿತ್ರತಂಡ ಶೇರ್ ಮಾಡಿದೆ. ಸೋಷಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಸಖತ್ ಟ್ರೆಂಡ್ ಆಗಿದ್ದು ವೀಕ್ಷಣೆಯಲ್ಲಿ ಹೊಸ ದಾಖಲೆಯತ್ತ ಸಾಗುತ್ತಿದೆ. ಜಾಕ್ ಮಂಜು ನಿರ್ಮಿಸಿರುವ ಈ ಸಿನಿಮಾದಲ್ಲಿ ನಿರೂಪ್ ಭಂಡಾರಿ ಸೇರಿದಂತೆ ಹಲವು ನಟ-ನಟಿಯರು ಕಿಚ್ಚ ಸುದೀಪ್ ಗೆ ಸಾಥ್ ನೀಡಿದ್ದಾರೆ.

( Dead Man’s Anthem Release: Sudeep Birthday Gift )