Twist in Ramachari serial:ರಾಮಾಚಾರಿ ಮನೆಯಲ್ಲಿ ಪತ್ತೆಯಾಯ್ತು ಡ್ರಗ್ಸ್ : ವರ್ಕೌಟ್ ಆಗುತ್ತಾ ಚಾರು-ಮಾನ್ಯತಾ ಪ್ಲಾನ್
Twist in Ramachari serial: ಈಗೀಗ ಪ್ರಸಾರವಾಗುತ್ತಿರುವ ಧಾರವಾಹಿಗಳಲ್ಲಿ ಮಹಿಳೆಯರನ್ನೇ ಅತ್ಯಂತ ಪ್ರಧಾನ ಪಾತ್ರದಲ್ಲಿ ತೋರಿಸುವುದು ಕಾಮನ್ ಆಗಿ ಬಿಟ್ಟಿದೆ. ತವರು ಮನೆಯ ಕಷ್ಟ, ಗಂಡನ ಮನೆಯಲ್ಲಿ ಬರುವ ಅಪವಾದಗಳು, ಖಳನಾಯಕರ ಹುನ್ನಾರ ಹೀಗೆ ಎಲ್ಲಾ ಚಾಲೆಂಜ್ಗಳನ್ನು ಮೀರಿ ಒಬ್ಬ ಹೆಣ್ಣು ಮಗಳು ಎದ್ದು ನಿಲ್ತಾಳೆ ಅನ್ನೋದೇ ಬಹುತೇಕ ಎಲ್ಲಾ ಸೀರಿಯಲ್ಗಳ ಸಾರಾಂಶ ಆಗಿಬಿಟ್ಟಿದೆ. ಆದರೆ ಈ ಎಲ್ಲಾ ಧಾರವಾಹಿಗಳಿಗೆ ವಿರೋಧ ಎಂಬಂತೆ ಕಲರ್ಸ್ ಕನ್ನಡ ಧಾರವಾಹಿಯಲ್ಲಿ ಪ್ರಸಾರವಾಗುತ್ತಿರುವ ರಾಮಚಾರಿ ಧಾರವಾಹಿಯಲ್ಲಿ ಪುರುಷ ಪಾತ್ರಕ್ಕೆ ಹೆಚ್ಚು ಪ್ರಾಮುಖ್ಯತೆ ನೀಡಲಾಗಿತ್ತು. ಅಲ್ಲದೇ ಈ ಕತೆಯು ಜನರಿಗೂ ಸಹ ಇಷ್ಟವಾಗಿದೆ.
ಪ್ರೈಮ್ ಟೈಮ್ಗೆ ಪ್ರಸಾರವಾಗುವ ಈ ಧಾರವಾಹಿಯಲ್ಲಿ ಚಾರು ಹಾಗೂ ಆಕೆಯ ತಾಯಿ ಮಾನ್ಯತಾ ನೀಡುವ ಎಲ್ಲಾ ಕಾಟಗಳನ್ನು ರಾಮಾಚಾರಿ ಹೇಗೆ ಸಹಿಸಿಕೊಳ್ತಾನೆ ಅನ್ನೋದನ್ನ ಬಹಳ ಚಂದವಾಗಿ ತೋರಿಸಲಾಗುತ್ತಿದೆ. ಸದ್ಯ ಚಾರುವನ್ನು ಕಂಪನಿ ಸಿಇಓ ಮಾಡಬೇಕು ಅಂದರೆ ರಾಮಾಚಾರಿ ಕೈಯಿಂದ ಪರ್ಫಾಮೆನ್ಸ್ ಸರ್ಟಿಫಿಕೇಟ್ ತರಬೇಕೆಂದು ಚಾರು ತಂದೆ ಚಾಲೆಂಜ್ ಮಾಡಿರುತ್ತಾರೆ. ಪರ್ಫಾಮೆನ್ಸ್ ಸರ್ಟಿಫಿಕೇಟ್ ತರಲು ಸಾಕಷ್ಟು ಅಡ್ಡದಾರಿಗಳನ್ನು ಹಿಡಿದ ಚಾರು ತನ್ನ ತಂದೆಯ ಎದುರೇ ತಲೆತಗ್ಗಿಸುವಂತೆ ಮಾಡುತ್ತಾನೆ ರಾಮಾಚಾರಿ.
ನ್ಯಾಯ, ನೀತಿ , ನಿಷ್ಠೆ ಹಾಗೂ ಪ್ರಾಮಾಣಿಕತೆಗೆ ಮತ್ತೊಂದು ಹೆಸರು ಎಂಬಂತೆ ಇರುವ ರಾಮಾಚಾರಿ ನಿವಾಸದಲ್ಲಿ ಸಧ್ಯ ಹೊಸ ಸಂಕಷ್ಟವೊಂದು ನಿರ್ಮಾಣವಾಗಿತ್ತು. ರಾಮಚಾರಿ ಅತ್ತಿಗೆ ಅಪರ್ಣಾ ಕ್ಯಾನ್ಸರ್ನಿಂದ ಬಳಲುತ್ತಿದ್ದ ಹಿನ್ನೆಲೆಯಲ್ಲಿ ಅವರ ಚಿಕಿತ್ಸೆಯ ಖರ್ಚಿಗೆ 42 ಲಕ್ಷ ರೂಪಾಯಿಗಳನ್ನು ಹೊಂದಿಸುವ ಜವಾಬ್ದಾರಿ ರಾಮಾಚಾರಿ ಹೆಗಲೇರಿತ್ತು. ಇದೇ ಪರಿಸ್ಥಿತಿಯ ಲಾಭವನ್ನು ಪಡೆದು ಚಾರು ಹಾಗೂ ಆಕೆಯ ತಾಯಿ ಮಾನ್ಯತಾ ರಾಮಚಾರಿಯನ್ನು ಡ್ರಗ್ಸ್ ಕೇಸ್ನಲ್ಲಿ ಸಿಲುಕಿಸಿದ್ದಾರೆ.
ರಾಮಾಚಾರಿ ಬ್ಯಾಗ್ನಲ್ಲಿ ತಾವೇ ಡ್ರಗ್ಸ್ನ್ನಿಟ್ಟು ಜೊತೆಯಲ್ಲಿ ದಾಖಲೆಯಿಲ್ಲದೇ ರಾಮಾಚಾರಿಗೆ 32 ಲಕ್ಷ ರೂಪಾಯಿ ಸಾಲ ಸಿಗುವಂತೆ ಮಾಡಿದ್ದಾರೆ. ಬಳಿಕ ಮಾನ್ಯತಾ ಪೊಲೀಸರಿಗೆ ಕರೆ ಮಾಡಿ ನಾರಾಯಣ ಆಚಾರ್ಯರ ಮನೆಯಲ್ಲಿ ಡ್ರಗ್ಸ್ ಇದೆ ಎಂದು ದೂರು ನೀಡಿದ್ದಾರೆ. ಮಾಹಿತಿ ಆಧರಿಸಿ ನಾರಾಯಣ ಆಚಾರ್ಯರ ಮನೆಗೆ ಬಂದ ಪೊಲೀಸರಿಗೆ ಡ್ರಗ್ಸ್ ಕೂಡ ಸಿಕ್ಕಿದೆ. ತಮ್ಮ ಕುಟುಂಬದ ಮೇಲೆ ಬಂದಿರುವ ಈ ಅಪವಾದವನ್ನು ರಾಮಾಚಾರಿ ಹೇಗೆ ಮೆಟ್ಟಿ ನಿಲ್ಲುತ್ತಾನೆ? ಈತ ಹೇಗೆ ಮತ್ತೆ ಮಾನ್ಯತಾ ಹಾಗೂ ಚಾರು ಸೊಕ್ಕನ್ನು ಮುರಿಯುತ್ತಾನೆ ಎಂಬ ಕುತೂಹಲ ಈಗ ಎಲ್ಲರಲ್ಲೂ ಮನೆ ಮಾಡಿದೆ.
ಇದನ್ನು ಓದಿ : Jothe Jotheyali Team : ಜೊತೆ ಜೊತೆಯಲಿ ಸೀರಿಯಲ್ ಸೆಟ್ನಿಂದ ಅನೂಪ್ ಭಂಡಾರಿಗೆ ಆಫರ್
ಇದನ್ನೂ ಓದಿ : Daali Dhananjay birthday announcement : ಡಾಲಿ ಧನಂಜಯ್ ಹುಟ್ಟುಹಬ್ಬದಂದೇ ಮಹತ್ವದ ಘೋಷಣೆ
Twist in Ramachari serial: Drugs are found in Ramachari’s house
Comments are closed.