ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡದ ಈ 11 ಕಡಲತೀರಗಳು ‘ಬ್ಲೂ ಫ್ಲಾಗ್’ ಮಾನ್ಯತೆಗೆ ಗುರುತು

Udupi Dakshina Kannada Uttara Kannada blue flag beaches: ಮಂಗಳೂರು: ಕರ್ನಾಟಕದ ಕರಾವಳಿ ಪ್ರವಾಸೋದ್ಯಮಕ್ಕೆ ಹೊಸ ಕಳೆ ನೀಡಲು ರಾಜ್ಯ ಪ್ರವಾಸೋದ್ಯಮ ಇಲಾಖೆಯು ಸಜ್ಜಾಗಿದೆ. ರಾಜ್ಯದ ಪ್ರಮುಖ 11 ಕಡಲತೀರಗಳನ್ನು ಅಂತಾರಾಷ್ಟ್ರೀಯ ಮಟ್ಟದ ‘ಬ್ಲೂ ಫ್ಲಾಗ್’ ಪ್ರಮಾಣಪತ್ರಕ್ಕಾಗಿ ಗುರುತಿಸಲಾಗಿದೆ ಎಂದು ಪ್ರವಾಸೋದ್ಯಮ ಇಲಾಖೆಯ ಕಾರ್ಯದರ್ಶಿ ಕೆ.ವಿ. ತ್ರಿಲೋಕ್ ಚಂದ್ರ ತಿಳಿಸಿದ್ದಾರೆ.

ಜನವರಿ 10ರಂದು ನಡೆದ ‘ಕರಾವಳಿ ಕರ್ನಾಟಕ ಪ್ರವಾಸೋದ್ಯಮ ಸಮಾವೇಶ’ದಲ್ಲಿ (Coastal Karnataka Tourism Conclave) ಮಾತನಾಡಿದ ಅವರು, ಈ 11 ಬೀಚ್‌ಗಳನ್ನು ಅಭಿವೃದ್ಧಿಪಡಿಸುವ ಮೂಲಕ ವಿಶ್ವಮಟ್ಟದ ಪ್ರವಾಸಿಗರನ್ನು ಸೆಳೆಯುವ ಉದ್ದೇಶ ಹೊಂದಲಾಗಿದೆ ಎಂದರು. ಈ ಕುರಿತು ʼದಿ ಹಿಂದೂʼ ವರದಿ ಮಾಡಿದೆ.

ಗುರುತಿಸಲಾದ 11 ಕಡಲತೀರಗಳ ಪಟ್ಟಿ ಹೀಗಿದೆ:

ದಕ್ಷಿಣ ಕನ್ನಡ ಜಿಲ್ಲೆ:

ಸೋಮೇಶ್ವರ ಬೀಚ್

ಉಳ್ಳಾಲ ಬೀಚ್

ಸಸಿಹಿತ್ಲು ಬೀಚ್

ಉಡುಪಿ ಜಿಲ್ಲೆ:

ಆಸರೆ ಬೀಚ್

ಕೋಡಿ ಕನ್ಯಾನ ಬೀಚ್

ಪಡುಕೆರೆ ಬೀಚ್

ಕೋಡಿ ಕುಂದಾಪುರ ಬೀಚ್

ಶಿರೂರು ಬೀಚ್

ಉತ್ತರ ಕನ್ನಡ ಜಿಲ್ಲೆ:

ಬೈಲೂರು ಬೀಚ್

ಅಪ್ಸರಕೊಂಡ ಬೀಚ್

ರವೀಂದ್ರನಾಥ ಟ್ಯಾಗೋರ್ ಬೀಚ್ (ಕಾರವಾರ)

ಸುಕನ್ಯಾ ಸಮೃದ್ಧಿ ಯೋಜನೆ: ಹೆಣ್ಣುಮಕ್ಕಳ ಬಾಳು ಬಂಗಾರವಾಗಲು ಹೀಗೆ ಮಾಡಿ

ಬ್ಲೂ ಫ್ಲಾಗ್ ಪ್ರಮಾಣಪತ್ರದ ವಿಶೇಷತೆ ಏನು?
ಒಂದು ಕಡಲತೀರಕ್ಕೆ ‘ಬ್ಲೂ ಫ್ಲಾಗ್’ ಮಾನ್ಯತೆ ಸಿಗಬೇಕಾದರೆ ಅಲ್ಲಿ ಪರಿಸರ ಸ್ನೇಹಿ ವಾತಾವರಣ, ಅತ್ಯುತ್ತಮ ಸ್ವಚ್ಛತೆ, ಸುರಕ್ಷಿತ ನೀರಿನ ಗುಣಮಟ್ಟ ಮತ್ತು ಪ್ರವಾಸಿಗರಿಗೆ ಅತ್ಯಾಧುನಿಕ ಮೂಲಭೂತ ಸೌಕರ್ಯಗಳು ಇರಬೇಕಾಗುತ್ತದೆ. ಈಗಾಗಲೇ ಉಡುಪಿಯ ಪಡುಬಿದ್ರಿ ಮತ್ತು ಉತ್ತರ ಕನ್ನಡದ ಕಾಸರಕೋಡ್ ಬೀಚ್‌ಗಳು ಈ ಮಾನ್ಯತೆಯನ್ನು ಪಡೆದಿವೆ. ಈಗ ಗುರುತಿಸಲಾದ ಹೊಸ 11 ಬೀಚ್‌ಗಳೂ ಈ ಪಟ್ಟಿಗೆ ಸೇರಿದರೆ ಕರ್ನಾಟಕವು ಅತಿ ಹೆಚ್ಚು ಬ್ಲೂ ಫ್ಲಾಗ್ ಬೀಚ್‌ಗಳನ್ನು ಹೊಂದಿದ ರಾಜ್ಯಗಳಲ್ಲಿ ಒಂದಾಗಲಿದೆ.

ಈ ಯೋಜನೆಯಿಂದ ಕರಾವಳಿ ಭಾಗದಲ್ಲಿ ಉದ್ಯೋಗಾವಕಾಶಗಳು ಹೆಚ್ಚಲಿದ್ದು, ಪ್ರವಾಸೋದ್ಯಮದ ಮೂಲಕ ರಾಜ್ಯದ ಆರ್ಥಿಕತೆಗೆ ದೊಡ್ಡ ಬಲ ಸಿಗುವ ನಿರೀಕ್ಷೆಯಿದೆ.