Burnt pages of Ramacharitamanasa: ರಾಮಚರಿತಮಾನಸದ ಪುಟಗಳನ್ನು ಸುಟ್ಟ 10 ಮಂದಿಯ ವಿರುದ್ಧ ಕೇಸ್

ಲಕ್ನೋ: (Burnt pages of Ramacharitamanasa) ನಗರದ ವೃಂದಾವನ ಪ್ರದೇಶದಲ್ಲಿ ರಾಮಚರಿತಮಾನಸದ ಪುಟಗಳ ಫೋಟೊಕಾಪಿಗಳನ್ನು ಸುಟ್ಟುಹಾಕಿದ 10 ಕ್ಕೂ ಹೆಚ್ಚು ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಬಿಜೆಪಿ ಮುಖಂಡ ಸತ್ನಾಮ್ ಸಿಂಗ್ ಲಾವಿ ನೀಡಿದ ದೂರಿನ ಮೇರೆಗೆ ಎಫ್‌ಐಆರ್ ದಾಖಲಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಿಜೆಪಿ ನಾಯಕ ನೀಡಿದ ದೂರಿನ ಪ್ರಕಾರ, ಅಖಿಲ ಭಾರತೀಯ ಒಬಿಸಿ ಮಹಾಸಭಾವು ಸಮಾಜವಾದಿ ಪಕ್ಷದ ನಾಯಕ ಸ್ವಾಮಿ ಪ್ರಸಾದ್ ಮೌರ್ಯ ಅವರನ್ನು ಬೆಂಬಲಿಸಿ ರಾಮಚರಿತಮಾನಸ್‌ನಲ್ಲಿ “ಮಹಿಳೆಯರು ಮತ್ತು ದಲಿತರ ಮೇಲೆ ಆಕ್ಷೇಪಾರ್ಹ ಕಾಮೆಂಟ್‌ಗಳನ್ನು” ಹೊಂದಿರುವ ಪುಟಗಳ “ಫೋಟೋಕಾಪಿಗಳನ್ನು” ಸುಟ್ಟು (Burnt pages of Ramacharitamanasa) ಹಾಕಲಾಗಿದೆ.

ಉತ್ತರ ಪ್ರದೇಶದ ಪ್ರಮುಖ OBC ನಾಯಕ ಎಂದು ಪರಿಗಣಿಸಲ್ಪಟ್ಟಿರುವ ಸ್ವಾಮಿ ಪ್ರಸಾದ್ ಮೌರ್ಯ, ರಾಮಚರಿತಮಾನಸದಲ್ಲಿ ದಲಿತರು ಮತ್ತು ಮಹಿಳೆಯರನ್ನು “ಅವಮಾನಿಸಲಾಗಿದೆ” ಎಂದು ಆರೋಪಿಸಿ 16ನೇ ಶತಮಾನದ ಕವಿ-ಸಂತ ತುಳಸಿದಾಸರು ರಚಿಸಿದ ಕೃತಿಯನ್ನು ನಿಷೇಧಿಸುವಂತೆ ಕೋರಿದ್ದರು. ಇನ್ನೂ ಎಸ್‌ಪಿ ನಾಯಕ, “ರಾಮಚರಿತ್ರಮಾನಸ್‌ನೊಂದಿಗೆ ನನಗೆ ಯಾವುದೇ ಸಮಸ್ಯೆ ಇಲ್ಲ ಆದರೆ ಅದರ ಕೆಲವು ಭಾಗಗಳಲ್ಲಿ ನಿರ್ದಿಷ್ಟ ಜಾತಿಗಳು ಮತ್ತು ಪಂಗಡಗಳಿಗೆ ಅವಮಾನಕರ ಕಾಮೆಂಟ್‌ಗಳು ಮತ್ತು ವ್ಯಂಗ್ಯಗಳಿವೆ. ಅವುಗಳನ್ನು ತೆಗೆದುಹಾಕಬೇಕು” ಎಂದು ಹೇಳಿದ್ದರು.

ಎಎನ್‌ಐ ಜೊತೆ ಮಾತನಾಡಿದ ಮೌರ್ಯ, “ನನ್ನ ಕತ್ತು ಮತ್ತು ನಾಲಿಗೆಯನ್ನು ಸೀಳುವುದಾಗಿ ಬೆದರಿಕೆ ಹಾಕುವರು. ಇದೇ ರೀತಿಯ ಬೆದರಿಕೆಯನ್ನು ಬೇರೆ ಧರ್ಮದ ವ್ಯಕ್ತಿ ಮಾಡಿದ್ದರೆ ಅವನನ್ನು ಭಯೋತ್ಪಾದಕ ಎಂದು ಕರೆಯಲಾಗುತ್ತಿತ್ತು. ನನ್ನ ನಾಲಿಗೆ ಮತ್ತು ಕುತ್ತಿಗೆಯನ್ನು ಸೀಳುವುದಾಗಿ ಬೆದರಿಕೆ ಹಾಕುತ್ತಿರುವವರು ಭಯೋತ್ಪಾದಕರು ದೆವ್ವಗಳು ಮತ್ತು ಮರಣದಂಡನೆಕಾರರಲ್ಲವೇ? ಅವರು ಪ್ರತಿಪಾದಿಸುವ ಧರ್ಮವನ್ನು ನಿಜವಾಗಿಯೂ ನಂಬಿದ್ದರೆ, ಅವರು ಈ ರೀತಿಯ ಬೆದರಿಕೆಯೊಡ್ಡಲು ಸಾಧ್ಯವಿಲ್ಲ.” ಎಂದು ಆರೋಪಿಸಿದ್ದಾರೆ.

ಇದನ್ನೂ ಓದಿ : Dehli bus accident: 3 ಬಸ್‌ಗಳ ನಡುವೆ ಢಿಕ್ಕಿ: ಶಾಲಾ ಮಕ್ಕಳಿಗೆ ಗಾಯ

ಇದೀಗ ಪ್ರಕರಣಕ್ಕೆ ಸಂಬಂಧಿಸಿದಂತೆ 10 ಕ್ಕೂ ಹೆಚ್ಚು ಜನರ ವಿರುದ್ಧ PGI ಪೊಲೀಸ್ ಠಾಣೆಯಲ್ಲಿ ಭಾರತೀಯ ದಂಡನೆಯ ಸೆಕ್ಷನ್ 120 B, 142, 143, 153-A, 295, 295-A, 298, 504, 505(2), 506 ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದ್ದು, ಯಶ್‌ಪಾಲ್ ಸಿಂಗ್ ಲೋಧಿ, ದೇವೇಂದ್ರ ಯಾದವ್, ಮಹೇಂದ್ರ ಪ್ರತಾಪ್ ಯಾದವ್, ನರೇಶ್ ಸಿಂಗ್, ಎಸ್‌ಎಸ್ ಯಾದವ್, ಸುಜಿತ್, ಸಂತೋಷ್ ವರ್ಮಾ ಮತ್ತು ಸಲೀಂ ಪ್ರಕರಣ ದಾಖಲಿಸಿದವರಲ್ಲಿ ಸೇರಿದ್ದಾರೆ. ಆದರೆ ಪ್ರಕರಣದ ವಿರುದ್ದ ಇನ್ನೂ ಯಾರು ಕೂಡ ಬಂಧಿಯಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

Burnt pages of Ramcharitmanas: Case against 10 people who burned pages of Ramcharitmanas