man climbs atop electricity tower : ಸಿಹಿತಿಂಡಿ ಬೇಕೆಂದು ವಿದ್ಯುತ್​ ಕಂಬವನ್ನೇರಿ ವ್ಯಕ್ತಿಯ ಹುಚ್ಚಾಟ..!

ಸಿಹಿತಿಂಡಿ ಅಂದರೆ ಅನೇಕರು ಬಾಯಲ್ಲಿ ನೀರೂರಿಸುತ್ತಾರೆ. ಈ ಸಿಹಿ ತಿಂಡಿಗಳನ್ನು ಪಡೆಯಬೇಕು ಅಂದರೆ ಅಬ್ಬಬ್ಬಾ ಅಂದರೆ ನೀವು ಎಷ್ಟರ ಮಟ್ಟಿಗೆ ರಿಸ್ಕ್​ನ್ನು ತೆಗೆದುಕೊಳ್ಳಲು ತಯಾರಿದ್ದೀರಿ..? ಎಂದು ಕೇಳಿದರೆ ನಿಮಗೆ ತಮಾಷೆ ಎನಿಸಬಹುದು. ಏಕೆಂದರೆ ಯಾರಾದರೂ ತಿನ್ನುವ ವಸ್ತುವಿಗಾಗಿ ರಿಸ್ಕ್​ ತೆಗೆದುಕೊಳ್ತಾರಾ ಎಂದು ನಿಮಗೆ ಎನಿಸಬಹುದು. ಆದರೆ ಇಲ್ಲೊಬ್ಬ ವ್ಯಕ್ತಿಯು ಸಿಹಿ ತಿಂಡಿ ಬೇಕೆಂದು ಏಕಾಏಕಿ ವಿದ್ಯುತ್​ ಕಂಬ ಏರಿದ್ದಾನೆ..! man climbs atop electricity tower

ಹೌದು..! ಬಿಹಾರದ ಮುಜಾಫರ್​ ನಗರದ ಬರ್ಮಾತ್​ಪುರ ಎಂಬಲ್ಲಿ ಇಂತಹದ್ದೊಂದು ವಿಚಿತ್ರ ಘಟನೆ ನಡೆದಿದೆ. ತನಗೆ ಸಿಹಿ ತಿಂಡಿ ಹಾಗೂ ಮೊಬೈಲ್​ ಫೋನ್​ ಬೇಕೆಂದು ಹಠ ಹಿಡಿದ ವ್ಯಕ್ತಿಯೊಬ್ಬ ಏಕಾಏಕಿ ವಿದ್ಯುತ್​ ಕಂಬವನ್ನೇರಿ ಪ್ರತಿಭಟಿಸಿದ್ದಾನೆ. ವ್ಯಕ್ತಿಯ ಹುಚ್ಚಾಟದಿಂದಾಗಿ ಇಡೀ ಗ್ರಾಮಕ್ಕೆ ಒಂದಿಡೀ ದಿನ ವಿದ್ಯುತ್​ ಸಂಚಾರ ಸ್ಥಗಿತಗೊಳಿಸಲಾಗಿತ್ತು.

ಗ್ರಾಮಸ್ಥರು ಕೂಡಲೇ ಈ ವಿಚಾರವನ್ನು ಪೊಲೀಸ್​ ಠಾಣೆಗೆ ತಿಳಿಸಿದ್ದಾರೆ. ಕೂಡಲೇ ಸ್ಥಳಕ್ಕಾಗಮಿಸಿದ ಪೊಲೀಸರು ರಕ್ಷಣಾ ಕಾರ್ಯಾಚರಣೆಗೆಂದು ಅಗ್ನಿಶಾಮಕದಳದವರನ್ನು ಕರೆಸಿದ್ದಾರೆ. ಆದರೆ ಯಾರ ಮನವಿ, ಯಾರ ತಾಕೀತಿಗೂ ಕ್ಯಾರೆ ಎನ್ನದ ಈತ ವಿದ್ಯುತ್​ ಕಂಬದ ಮೇಲೆರಿ ವಿವಿಧ ಸಾಹಸ ಪ್ರದರ್ಶಿಸಿದ್ದಾನೆ. ತಾನು ಅಷ್ಟು ಎತ್ತರದಿಂದ ಕೆಳಗೆ ಬೀಳಬಹುದು ಎಂಬುದನ್ನೂ ಲೆಕ್ಕಿಸಿದ ಸ್ಟಂಟ್​ ತೋರಿಸಿದ್ದಾನೆ.

ವಿದ್ಯುತ್​ ಕಂಬವನ್ನೇರಿದವನನ್ನು ಕೆಳಗೆ ಇಳಿಸಿಲು ವಿಫಲವಾದ ಅಗ್ನಿಶಾಮಕದಳ ಸಿಬ್ಬಂದಿ ಕೈಚೆಲ್ಲಿದ್ದಾರೆ. ಬಳಿಕ ಎಸ್​ಡಿಆರ್​ಎಫ್​ ಸಿಬ್ಬಂದಿ ಸಹ ಸ್ಥಳಕ್ಕೆ ಧಾವಿಸಿದ್ದಾರೆ. ಆದರೆ ಇದ್ಯಾವುದಕ್ಕೂ ಜಗ್ಗದ ವ್ಯಕ್ತಿ ಕೊರೆವ ಚಳಿಯಲ್ಲಿ ಒಂದಿಡೀ ದಿನ ವಿದ್ಯುತ್​ ಕಂಬದ ಮೇಲೆ ಕುಳಿತಿದ್ದಾನೆ.

ಈ ವಿಚಾರವಾಗಿ ಮಾತನಾಡಿದ ಗ್ರಾಮಸ್ಥರು ಆತನೊಬ್ಬ ಮಾನಸಿಕ ಅಸ್ವಸ್ಥ ಎಂದು ಹೇಳಿದ್ದಾರೆ. ಅಂದಹಾಗೆ ಈತ ಈ ರೀತಿ ಸರ್ಕಸ್​ ಮಾಡಿರೋದು ಇದೇ ಮೊದಲೇನಲ್ಲವಂತೆ. ಅನೇಕ ಬಾರಿ ಹೀಗೆ ವಿದ್ಯುತ್​ ಕಂಬವನ್ನೇರಿ ಹುಚ್ಚಾಟ ತೋರಿದ್ದಾನೆ ಎಂದು ಹೇಳಿದ್ದಾರೆ.

ಇದನ್ನು ಓದಿ :Gujarat :ಶ್ವಾನಕ್ಕೆ ಪತ್ನಿ ಹೆಸರಿಟ್ಟಿದ್ದಾರೆಂದು ಆರೋಪಿಸಿ ನೆರೆಮನೆಯಾಕೆಗೆ ಬೆಂಕಿ ಹಚ್ಚಿದ ಪಾಪಿ..!

ಇದನ್ನೂ ಓದಿ : Odisha couple takes oath : ಪ್ರಮಾಣವಚನ ಸ್ವೀಕರಿಸುವ ಮೂಲಕ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದೆ ಈ ಜೋಡಿ..!

[VIRAL VIDEO] Bihar: Mentally unstable man climbs atop electricity tower; demands sweets and mobile