NEET UG Admit Card: ನೀಟ್ ಯುಜಿ – 2022 ರ ಅಡ್ಮಿಟ್ ಕಾರ್ಡ್ ಇಂದು ಬಿಡುಗಡೆ;ಇಲ್ಲಿದೆ ಸಂಪೂರ್ಣ ಮಾಹಿತಿ

By Thejaswini RK |ತೇಜಸ್ವಿನಿ ಆರ್ ಕೆ Last updated ಜೂನ್ 27, 2023

ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) ಇಂದು ಜುಲೈ 12, 2022 ರಂದು ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ- ಪದವಿಪೂರ್ವ (NEET-UG) ಗಾಗಿ ಅಡ್ಮಿಟ್ ಕಾರ್ಡ್ ಅನ್ನು ಬಿಡುಗಡೆ ಮಾಡಲು ಸಿದ್ಧವಾಗಿದೆ. ಅಧಿಕೃತ ಅಧಿಸೂಚನೆಯ ಪ್ರಕಾರ, ಅಭ್ಯರ್ಥಿಗಳು ನೀಟ್ ಯುಜಿ 2022 ಅಡ್ಮಿಟ್ ಕಾರ್ಡ್ ಅಧಿಕೃತ ವೆಬ್‌ಸೈಟ್‌ (neet.nta.nic.in)ನ ಮೂಲಕ ಜುಲೈ 12 ರಂದು ಬೆಳಿಗ್ಗೆ 11:30 ರಿಂದ ಡೌನ್‌ಲೋಡ್ ಮಾಡಬಹುದು(NEET UG Admit Card).

“ಅಭ್ಯರ್ಥಿಗಳು ತಮ್ಮ ನೀಟ್ ಯುಜಿ – 2022 ರ ಅಡ್ಮಿಟ್ ಕಾರ್ಡ್ ಅನ್ನು (ಅವರ ಅರ್ಜಿ ಸಂಖ್ಯೆ ಮತ್ತು ಜನ್ಮ ದಿನಾಂಕವನ್ನು ಬಳಸಿಕೊಂಡು) https://neet.nta.nic.in/ w.e.f ವೆಬ್‌ಸೈಟ್‌ನಿಂದ ಡೌನ್‌ಲೋಡ್ ಮಾಡಬೇಕಾಗುತ್ತದೆ. 12 ಜುಲೈ 2022 ( ಬೆಳಿಗ್ಗೆ 11:30) ನಂತರ ಮತ್ತು ಅದರಲ್ಲಿರುವ ಸೂಚನೆಗಳನ್ನು ಮತ್ತು ಮಾಹಿತಿ ಬುಲೆಟಿನ್‌ನಲ್ಲಿ ನೋಡಿ, ಡೌನ್ಲೋಡ್ ಮಾಡಿ ” ಎಂದು ಎನ್‌ಟಿಎ ಅಧಿಕೃತ ಅಧಿಸೂಚನೆಯಲ್ಲಿ ತಿಳಿಸಿದೆ.

ನೀಟ್ 2022 ಶೈಕ್ಷಣಿಕ ಕ್ಯಾಲೆಂಡರ್ ಪ್ರಕಾರ, ನೀಟ್ ಯುಜಿ 2022 ಪರೀಕ್ಷೆಯು ಜುಲೈ 17, 2022 ರಂದು ನಡೆಯಲಿದೆ. ಪರೀಕ್ಷೆಯು ದೇಶದಾದ್ಯಂತ 497 ನಗರಗಳಲ್ಲಿ ಮತ್ತು ಭಾರತದ ಹೊರಗಿನ 14 ನಗರಗಳಲ್ಲಿ ವಿವಿಧ ಕೇಂದ್ರಗಳಲ್ಲಿ ನಡೆಯಲಿದೆ. ಪರೀಕ್ಷೆಯು ಮಧ್ಯಾಹ್ನ 2:00 ರಿಂದ ಸಂಜೆ 5:20 ರವರೆಗೆ ನಡೆಯಲಿದೆ.

ನೀಟ್ ಯುಜಿ 2022 ಪ್ರಮುಖ ದಿನಾಂಕಗಳು

ಪರೀಕ್ಷೆಯ ದಿನಾಂಕ: 17 ಜುಲೈ 2022 (ಭಾನುವಾರ) 02:00- 05:20.
ಅಡ್ಮಿಟ್ ಕಾರ್ಡ್ ಬಿಡುಗಡೆ: 12 ಜುಲೈ 2022 (ಮಂಗಳವಾರ) ಬೆಳಗ್ಗೆ 11:30 .
ಪ್ರವೇಶ ಕಾರ್ಡ್ ಡೌನ್‌ಲೋಡ್ ಮಾಡಲು ಲಿಂಕ್ : https://neet.nta.nic.in/

ನೀಟ್ ಯುಜಿ 2022 ಅಡ್ಮಿಟ್ ಕಾರ್ಡ್ ಅನ್ನು ಡೌನ್‌ಲೋಡ್ ಮಾಡುವುದು ಹೇಗೆ?

-neet.nta.nic.in ನಲ್ಲಿ ನೀಟ್ ಎನ್ ಟಿಎಯ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ
-ಹೋಮ್ ಪೇಜ್ ನಲ್ಲಿ , “ನೀಟ್ ಯುಜಿ 2022 ಪ್ರವೇಶ ಕಾರ್ಡ್ ಅನ್ನು ಡೌನ್‌ಲೋಡ್ ಮಾಡಿ” ಎಂದು ಓದುವ ಲಿಂಕ್ ಅನ್ನು ಕ್ಲಿಕ್ ಮಾಡಿ.
-ನಿಮ್ಮನ್ನು ಹೊಸ ವೆಬ್‌ಪುಟಕ್ಕೆ ನಿರ್ದೇಶಿಸಲಾಗುತ್ತದೆ.
-ಅಗತ್ಯವಿರುವ ಲಾಗಿನ್ ವಿವರ ನಮೂದಿಸಿ.
-ನಿಮ್ಮ ನೀಟ್ ಯುಜಿ 2022 ಪ್ರವೇಶ ಕಾರ್ಡ್ ಅನ್ನು ಸ್ಕ್ರೀನ್ ಮೇಲೆ ಪ್ರದರ್ಶಿಸಲಾಗುತ್ತದೆ.
-ನೀಟ್ ಯುಜಿ 2022 ಅನ್ನು ಉರ್ದು, ಇಂಗ್ಲಿಷ್, ಹಿಂದಿ, ಮರಾಠಿ, ಅಸ್ಸಾಮಿ, ಒಡಿಯಾ, ಗುಜರಾತಿ, ಬೆಂಗಾಲಿ, ಪಂಜಾಬಿ, ತಮಿಳು, ಕನ್ನಡ, ತೆಲುಗು ಮತ್ತು ಮಲಯಾಳಂ ಸೇರಿದಂತೆ 13 ವಿವಿಧ ಭಾಷೆಗಳಲ್ಲಿ ನಡೆಸಲಾಗುತ್ತದೆ.

ಅಭ್ಯರ್ಥಿಗಳು ಇತ್ತೀಚಿನ ಅಪ್ಡೇಟ್ ಗಾಗಿ (www.nta.ac.in) ಮತ್ತು (https://neet.nta.nic.in/) ನ ಅಧಿಕೃತ ವೆಬ್‌ಸೈಟ್‌ಗಳಿಗೆ ಭೇಟಿ ನೀಡುವಂತೆ ಸೂಚಿಸಲಾಗಿದೆ.

ಇದನ್ನೂ ಓದಿ : Food For Heart: ಹೃದಯದ ಆರೋಗ್ಯಕ್ಕೆ ಈ ಆಹಾರಗಳನ್ನು ಸೇವಿಸಿ

(NEET UG Admit Card know how to download )