ಮತ್ತೆ ಆಪರೇಷನ್ ಸಿಂದೂರ್? ಜಮ್ಮು-ಕಾಶ್ಮೀರ ಗಡಿಯಲ್ಲಿ ಪಾಕ್ ಡ್ರೋನ್‌ಗಳಿಗೆ ಭಾರತೀಯ ಸೇನೆಯಿಂದ ಗುಂಡಿನ ಮಳೆ!

Pakistani Drones | Operation Sindoor 2.0 ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ಗಡಿ ನಿಯಂತ್ರಣ ರೇಖೆಯ (LoC) ಉದ್ದಕ್ಕೂ ಪಾಕಿಸ್ತಾನದ ಡ್ರೋನ್‌ಗಳು ಅತಿಕ್ರಮಣ ಮಾಡಲು ಸರಣಿ ಯತ್ನಗಳನ್ನು ನಡೆಸಿವೆ. ಇಂದು ಸಂಜೆ ನೌಶೇರಾ ಸೆಕ್ಟರ್ ಸೇರಿದಂತೆ ವಿವಿಧೆಡೆ ಕಾಣಿಸಿಕೊಂಡ ಡ್ರೋನ್‌ಗಳ ಮೇಲೆ ಭಾರತೀಯ ಸೇನೆಯು ಗುಂಡಿನ ದಾಳಿ ನಡೆಸಿದೆ.

ಆಪರೇಷನ್ ಸಿಂದೂರ್ ನೆನಪಿಸಿದ ದೃಶ್ಯ:
ಗಡಿಯಲ್ಲಿ ಹಾರಾಡುತ್ತಿದ್ದ ಡ್ರೋನ್‌ಗಳನ್ನು ಹೊಡೆದುರುಳಿಸಲು ಭಾರತೀಯ ಸೇನೆಯು ಮಷಿನ್ ಗನ್‌ಗಳನ್ನು ಬಳಸಿದೆ. ರಾತ್ರಿಯ ಕತ್ತಲಲ್ಲಿ ಡ್ರೋನ್‌ಗಳನ್ನು ಗುರಿಯಾಗಿಸಿ ಹಾರಿಸಲಾದ ಬುಲೆಟ್‌ಗಳು ಆಕಾಶದಲ್ಲಿ ಬೆಳಕಿನ ರೇಖೆಗಳನ್ನು ಸೃಷ್ಟಿಸಿದ್ದು, ಇದು ಕಳೆದ ವರ್ಷ ನಡೆದ ‘ಆಪರೇಷನ್ ಸಿಂದೂರ್’ (Operation Sindoor) ಕಾರ್ಯಾಚರಣೆಯ ದೃಶ್ಯಗಳನ್ನು ನೆನಪಿಸುವಂತಿತ್ತು.

ವಿವಿಧೆಡೆ ಡ್ರೋನ್‌ಗಳ ಪತ್ತೆ: ಕೇವಲ ಒಂದು ಗಂಟೆಯ ಅಂತರದಲ್ಲಿ ಗಡಿಯ ವಿವಿಧ ಭಾಗಗಳಲ್ಲಿ ಡ್ರೋನ್‌ಗಳು ಪತ್ತೆಯಾಗಿವೆ:

ನೌಶೇರಾ ಸೆಕ್ಟರ್: ಇಲ್ಲಿ ಪಾಕ್ ಡ್ರೋನ್‌ಗಳನ್ನು ಗುರಿಯಾಗಿಸಿ ಸೇನೆ ಗುಂಡು ಹಾರಿಸಿದೆ.

ರಾಜೌರಿ ಜಿಲ್ಲೆ: ಸಂಜೆ 6:35ಕ್ಕೆ ಧರ್ಮಸಾಲ್ ಗ್ರಾಮದ ಬಳಿ ಮಿನುಗುವ ಬೆಳಕಿನೊಂದಿಗೆ ಡ್ರೋನ್‌ ಹಾರಾಟ ನಡೆಸಿದೆ.

ಸಾಂಬಾ ಸೆಕ್ಟರ್: ರಾಮಗಢದ ಚಕ್ ಬಾಬ್ರಾಲ್ ಗ್ರಾಮದ ಬಳಿ ಸಂಜೆ 7:15ಕ್ಕೆ ಡ್ರೋನ್‌ ಮಾದರಿಯ ವಸ್ತು ಪತ್ತೆಯಾಗಿದೆ.

ಪೂಂಚ್ ಜಿಲ್ಲೆ: ಮಾಂಕೋಟ್ ಸೆಕ್ಟರ್‌ನಲ್ಲಿ ಸಂಜೆ 6:25ಕ್ಕೆ ಟೈನ್ ಕಡೆಯಿಂದ ಟೋಪಾ ಕಡೆಗೆ ಹಾರುತ್ತಿದ್ದ ಡ್ರೋನ್‌ ಪತ್ತೆಯಾಗಿದೆ.

ಉಡುಪಿ, ದಕ್ಷಿಣ ಕನ್ನಡ, ಉತ್ತರ ಕನ್ನಡದ ಈ 11 ಕಡಲತೀರಗಳು ‘ಬ್ಲೂ ಫ್ಲಾಗ್’ ಮಾನ್ಯತೆಗೆ ಗುರುತು

ಶಸ್ತ್ರಾಸ್ತ್ರ, ಡ್ರಗ್ಸ್ ಪೂರೈಕೆಯ ಆತಂಕ:
ಪಾಕಿಸ್ತಾನಿ ಡ್ರೋನ್‌ಗಳು ಭಾರತದ ಭೂಭಾಗಕ್ಕೆ ಶಸ್ತ್ರಾಸ್ತ್ರ ಅಥವಾ ಮಾದಕ ವಸ್ತುಗಳನ್ನು (Drugs) ಎಸೆದಿರುವ ಸಾಧ್ಯತೆ ಇರುವುದರಿಂದ ಸೇನೆಯು ಇಡೀ ಪ್ರದೇಶದಲ್ಲಿ ವ್ಯಾಪಕ ಶೋಧ ಕಾರ್ಯ (Search Operation) ಆರಂಭಿಸಿದೆ. ನಿನ್ನೆಯಷ್ಟೇ ಸಾಂಬಾ ಸೆಕ್ಟರ್‌ನಲ್ಲಿ ಪಾಕ್ ಆಕ್ರಮಿತ ಕಾಶ್ಮೀರದಿಂದ (PoK) ಬಂದಿದ್ದ ಡ್ರೋನ್‌ ಒಂದು ಶಸ್ತ್ರಾಸ್ತ್ರಗಳನ್ನು ಎಸೆದು ಹೋಗಿತ್ತು. ಪಾಕಿಸ್ತಾನದ ಈ ಕುತಂತ್ರಕ್ಕೆ ಭಾರತೀಯ ಸೇನೆಯು ತಕ್ಕ ಪ್ರತ್ಯುತ್ತರ ನೀಡುತ್ತಿದ್ದು, ಗಡಿಯಲ್ಲಿ ಕಟ್ಟೆಚ್ಚರ ವಹಿಸಲಾಗಿದೆ.