ದುಬೈ ಪೊಲೀಸರಿಗೆ ಲ್ಯಾಂಬೋರ್ಗಿನಿ ಕಾರು! ಗಂಟೆಗೆ 350 ಕಿ.ಮೀ ವೇಗ, ಬೆರಗುಗೊಳಿಸುವ ಲುಕ್!
Lamborghini Revuelto car for Dubai Police: ದುಬೈ: ವಿಶ್ವದ ಅತ್ಯಂತ ಐಷಾರಾಮಿ ಮತ್ತು ವೇಗದ ಪೆಟ್ರೋಲಿಂಗ್ ವಾಹನಗಳನ್ನು ಹೊಂದಿರುವ ದುಬೈ ಪೊಲೀಸರು, ಈಗ ತಮ್ಮ ಗ್ಯಾರೇಜ್ಗೆ ಮತ್ತೊಂದು ಸೂಪರ್ ಕಾರ್ ಅನ್ನು ಸೇರಿಸಿಕೊಂಡಿದ್ದಾರೆ. ಅದೇ ಲಂಬೋರ್ಗಿಣಿ ಕಂಪನಿಯ ಅತ್ಯಾಧುನಿಕ ಮಾಡೆಲ್ ‘ರೆವೆಲ್ಟೊ’ (Lamborghini Revuelto). ವಿಶೇಷವೆಂದರೆ, ಈ ಕಾರನ್ನು ಖ್ಯಾತ ಟ್ಯೂನರ್ ಕಂಪನಿ ‘ಮ್ಯಾನ್ಸರಿ’ (Mansory) ಮೂಲಕ ಮತ್ತಷ್ಟು ಶಕ್ತಿಯುತವಾಗಿ ವಿನ್ಯಾಸಗೊಳಿಸಲಾಗಿದೆ.
ಈ ಸೂಪರ್ ಕಾರ್ನ ವಿಶೇಷತೆಗಳೇನು?
- ಅಸಾಧಾರಣ ವೇಗ: ಈ ಕಾರು ಕೇವಲ 2.5 ಸೆಕೆಂಡುಗಳಲ್ಲಿ 0 ರಿಂದ 100 ಕಿ.ಮೀ ವೇಗವನ್ನು ತಲುಪಬಲ್ಲದು. ಇದರ ಗರಿಷ್ಠ ವೇಗ ಗಂಟೆಗೆ 350 ಕಿ.ಮೀ.
- ಶಕ್ತಿಶಾಲಿ ಇಂಜಿನ್: ಇದು 6.5 ಲೀಟರ್ ವಿ12 (V12) ಇಂಜಿನ್ ಹೊಂದಿದ್ದು, ಮೂರು ಎಲೆಕ್ಟ್ರಿಕ್ ಮೋಟಾರ್ಗಳ ಸಹಾಯದಿಂದ ಬರೋಬ್ಬರಿ 1,015 ಹಾರ್ಸ್ಪವರ್ ಉತ್ಪಾದಿಸುತ್ತದೆ.
- ಕಾರ್ಬನ್ ಫೈಬರ್ ವಿನ್ಯಾಸ: ಕಾರಿನ ಹೊರಭಾಗವನ್ನು ಸಂಪೂರ್ಣವಾಗಿ ಫೋರ್ಜ್ಡ್ ಕಾರ್ಬನ್ ಫೈಬರ್ನಿಂದ ಸಿದ್ಧಪಡಿಸಲಾಗಿದೆ. ಇದು ಕಾರಿಗೆ ಹೆಚ್ಚು ಕಠಿಣ ಮತ್ತು ಸ್ಪೋರ್ಟಿ ಲುಕ್ ನೀಡುತ್ತದೆ.
- ವಿಶೇಷ ಬಣ್ಣ: ದುಬೈ ಪೊಲೀಸ್ ಇಲಾಖೆಯ ಸಿಗ್ನೇಚರ್ ಬಣ್ಣಗಳಾದ ಬಿಳಿ ಮತ್ತು ಗಾಢ ಹಸಿರು ಬಣ್ಣದಲ್ಲಿ ಈ ಲಂಬೋರ್ಗಿಣಿ ಮಿಂಚುತ್ತಿದೆ.
ಯಾರು ಈ ಸ್ನೇಹಮಯಿ ಕೃಷ್ಣ? ಮುಡಾ ದೂರುದಾರನ ಬಂಧನಕ್ಕೆ ಕಾರಣವಾದ ಆ ಆಡಿಯೋ ರಹಸ್ಯವೇನು?
ದುಬೈ ಪೊಲೀಸರ ಬಳಿ ಇರುವ ಇತರ ಐಷಾರಾಮಿ ಕಾರುಗಳು:
ದುಬೈ ಪೊಲೀಸರು ಕೇವಲ ಈ ಲಂಬೋರ್ಗಿಣಿ ಮಾತ್ರವಲ್ಲದೆ, ವಿಶ್ವದ ಅತ್ಯಂತ ದುಬಾರಿ ಕಾರುಗಳ ಪಡೆಯನ್ನೇ ಹೊಂದಿದ್ದಾರೆ. ಅವುಗಳಲ್ಲಿ ಪ್ರಮುಖವಾದವುಗಳೆಂದರೆ:
- ಬುಗಾಟಿ ವೇರಾನ್ (Bugatti Veyron)
- ಫೆರಾರಿ ಪುರೊಸಾಂಗ್ (Ferrari Purosangue)
- ಆಸ್ಟನ್ ಮಾರ್ಟಿನ್ ಒನ್-77 (Aston Martin One-77)
- ಬೆಂಟ್ಲಿ ಕಾಂಟಿನೆಂಟಲ್ ಜಿಟಿ (Bentley Continental GT)
- ಮರ್ಸಿಡಿಸ್ ಬೆಂಜ್ ಎಸ್ಎಲ್ಎಸ್ ಎಎಂಜಿ (Mercedes-Benz SLS AMG)
ದುಬೈ ಪೊಲೀಸರ ಈ ಹೊಸ ಲಂಬೋರ್ಗಿಣಿ ಕೇವಲ ಅಪರಾಧಿಗಳನ್ನು ಬೆನ್ನಟ್ಟಲು ಮಾತ್ರವಲ್ಲದೆ, ಅಲ್ಲಿನ ಪ್ರವಾಸೋದ್ಯಮದ ಆಕರ್ಷಣೆಯ ಕೇಂದ್ರಬಿಂದುವೂ ಆಗಲಿದೆ. ಪ್ರವಾಸಿಗರು ಈ ಕಾರಿನೊಂದಿಗೆ ಸೆಲ್ಫಿ ತೆಗೆದುಕೊಳ್ಳಲು ಮುಗಿಬೀಳುತ್ತಿದ್ದಾರೆ.
