ಅರ್ಜೆಂಟೀನಾ : Queen’s death : ಬ್ರಿಟನ್ನ ರಾಣಿ ಎಲೆಜಬೆತ್ IIರ ಸಾವಿನ ವರದಿ ಪ್ರಸಾರ ಮಾಡುವ ಸಂದರ್ಭದಲ್ಲಿ ಟಿವಿ ನಿರೂಪಕನೊಬ್ಬ ಶ್ಯಾಂಪನ್ ಬಾಟಲಿ ತೆರೆದು ಸಂಭ್ರಮಿಸಿದ್ದು ಮಾತ್ರವಲ್ಲದೇ ಅತ್ಯಂತ ಅವಾಚ್ಯ ಶಬ್ದಗಳಿಂದ ರಾಣಿಯ ಸಾವನ್ನು ನಿಂದಿಸಿದ್ದಾರೆ. ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಒಬ್ಬರ ಸಾವನ್ನು ಸಂಭ್ರಮಿಸಿದ್ದು ಎಷ್ಟು ಸರಿ ಎಂಬ ಪ್ರಶ್ನೆ ನೆಟ್ಟಿಗರಲ್ಲಿ ಮೂಡಿದೆ.
ಅರ್ಜೆಂಟಿನಾದ ಬ್ಯೂನಸ್ ಐರಿಸ್ನಲ್ಲಿ ರಾಜಕಾರಣಿ ಹಾಗೂ ಪತ್ರಕರ್ತ ಸ್ಯಾಂಟಿಯಾಗೊ ಕುನಿಯೊ ಟಿವಿ ಕಾರ್ಯಕ್ರಮವನ್ನು ಆಯೋಜಿಸುತ್ತಿದ್ದ ಸಂದರ್ಭದಲ್ಲಿ ಬ್ರಿಟನ್ ರಾಣಿಯ ಸಾವಿನ ಸುದ್ದಿಯನ್ನು ಬ್ರೇಕ್ ಮಾಡಿದ್ದರು. ಕುನಿಯೋ ಗ್ಲಾಸ್ನಲ್ಲಿ ಶ್ಯಾಂಪೇನ್ ಸುರಿದುಕೊಳ್ಳುತ್ತಾರೆ ಮತ್ತು ಫಿಂಗರ್ ಸ್ಯಾಂಡ್ವಿಚ್ನ್ನು ಸೇವಿಸುತ್ತಿರುವ ವೇಳೆಯಲ್ಲಿ ರಾಣಿ ಎಲೆಜಬೆತ್ ಮರಣದ ಸುದ್ದಿಯನ್ನು ಪ್ರಸಾರ ಮಾಡುಲಾಗುತ್ತೆ. ನಿರೂಪಕ ಕುನಿಯೋ ಹೊಲಸನ್ನು ತುಂಬಿದ್ದ ಹಳೆಯ ಚೀಲವೊಂದು ಮರಣ ಹೊಂದಿದೆ ಎಂದು ಅತ್ಯಂತ ಕ್ರೂರವಾಗಿ ಬ್ರಿಟನ್ ರಾಣಿಯ ಸಾವನ್ನು ವರ್ಣಿಸಿದ್ದಾರೆ.
ಅರ್ಜೆಂಟೀನಾದಲ್ಲಿ ರಾಜ ಮನೆತನದ ವಿರೋಧಿ ಭಾವನೆಯು 1982ರ ಫಾಕ್ಲ್ಯಾಂಡ್ಸ್ ಯುದ್ಧದಿಂದ ಬಂದಿದೆ. ಇದು ಅರ್ಜೆಂಟೀನಾದವರು ಆಕ್ರಮಣ ಮಾಡಿದ ಬಳಿಕ ದಕ್ಷಿಣ ಅಮೆರಿಕ ರಾಷ್ಟ್ರದ ಕರಾವಳಿಯಲ್ಲಿರುವ ಫಾಕ್ಲ್ಯಾಂಡ್ ದ್ವೀಪಗಳ ನಿಯಂತ್ರಣವನ್ನು ಹಿಂಪಡೆಯಲು ಬ್ರಿಟನ್ ನೌಕಾ ಕಾರ್ಯಪಡೆಯನ್ನು ಕಳುಹಿಸಿತ್ತು.
ಆದರೂ ಅರ್ಜೆಂಟೀನಾದಲ್ಲಿರುವ ಪ್ರತಿಯೊಬ್ಬರೂ ಬ್ರಿಟನ್ ರಾಣಿಯ ಸಾವನ್ನು ಸಂಭ್ರಮಿಸಿಲ್ಲ. ಅರ್ಜೆಂಟಿನಾ ಸರ್ಕಾರವು ರಾಣಿಯ ಮರಣದ ಬಗ್ಗೆ ಅಧಿಕೃತ ಶೋಕವನ್ನು ವ್ಯಕ್ತಪಡಿಸಿದೆ. ಈ ದುಃಖದ ಕ್ಷಣದಲ್ಲಿ ಬ್ರಿಟೀಷ್ ಜನರು ಹಾಗೂ ಅವರ ಕುಟುಂಬದ ಜೊತೆಯಲ್ಲಿ ನಾವಿದ್ದೇವೆ ಎಂದು ಅರ್ಜೆಂಟೀನಾ ಸರ್ಕಾರ ಹೇಳಿದೆ.
Comments are closed.