ಜಸ್ಟ್‌ ಹೀಗೆ ಮಾಡಿದ್ರೆ ನಿಮ್ಮ ಸಿಲಿಂಡರ್‌ ಗ್ಯಾಸ್‌ 10 ರಿಂದ 15 ದಿನ ಹೆಚ್ಚು ಬರುತ್ತೆ!

ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ ಸಿಲಿಂಡರ್ ಬೆಲೆಯಿಂದ (Cylinder Gas Saving Tips) ಜನಸಾಮಾನ್ಯರ ಜೇಬಿಗೆ ಕತ್ತರಿ ಬೀಳುತ್ತಿದೆ. ಆದರೆ, ಅಡುಗೆ ಮಾಡುವ ಶೈಲಿಯಲ್ಲಿ ಸಣ್ಣಪುಟ್ಟ ಬದಲಾವಣೆಗಳನ್ನು ಮಾಡಿಕೊಳ್ಳುವ ಮೂಲಕ ನೀವು ಒಂದು ಸಿಲಿಂಡರ್ ಅನ್ನು (LPG Saving Tips)  ಕನಿಷ್ಠ 10 ರಿಂದ 15 ದಿನಗಳ ಕಾಲ ಹೆಚ್ಚು ಬಳಸಲು ಸಾಧ್ಯವಿದೆ. ಗ್ಯಾಸ್ ಉಳಿಸಲು ಇಲ್ಲಿವೆ ಕೆಲವು ಖಚಿತ ಮಾರ್ಗಗಳು:

ತರಕಾರಿಗಳನ್ನು ಹೆಚ್ಚಿದ ನಂತರವೇ ಸ್ಟೌವ್ ಹಚ್ಚಿ

ಅನೇಕರು ಮೊದಲು ಸ್ಟೌವ್ ಹಚ್ಚಿ ಪಾತ್ರೆ ಇಟ್ಟು, ಆಮೇಲೆ ತರಕಾರಿ ಹೆಚ್ಚಲು ಕುಳಿತುಕೊಳ್ಳುತ್ತಾರೆ. ಇದರಿಂದ ಸಾಕಷ್ಟು ಗ್ಯಾಸ್ ವ್ಯರ್ಥವಾಗುತ್ತದೆ. ಅಡುಗೆಗೆ ಬೇಕಾದ ಎಲ್ಲಾ ಸಿದ್ಧತೆಗಳನ್ನು (ತರಕಾರಿ ಕತ್ತರಿಸುವುದು, ಮಸಾಲೆ ಅರೆಯುವುದು) ಮಾಡಿಕೊಂಡ ನಂತರವೇ ಒಲೆ ಹಚ್ಚುವ ಅಭ್ಯಾಸ ಮಾಡಿಕೊಳ್ಳಿ.

ಪಾತ್ರೆಯ ಗಾತ್ರ ಮತ್ತು ಮುಚ್ಚಳದ ಬಳಕೆ

• ಯಾವಾಗಲೂ ಅಡುಗೆ ಮಾಡುವಾಗ ಪಾತ್ರೆಯ ಮೇಲೆ ಮುಚ್ಚಳವನ್ನು ಮುಚ್ಚಿ. ಇದರಿಂದ ಹಬೆ ಹೊರಹೋಗದೆ ಆಹಾರ ಬೇಗ ಬೇಯುತ್ತದೆ ಮತ್ತು 15% ರಷ್ಟು ಗ್ಯಾಸ್ ಉಳಿತಾಯವಾಗುತ್ತದೆ.

• ಬರ್ನರ್‌ನ ಜ್ವಾಲೆಗಿಂತ ದೊಡ್ಡದಾದ ಪಾತ್ರೆಗಳನ್ನು ಬಳಸಿ. ಜ್ವಾಲೆಯು ಪಾತ್ರೆಯ ತಳಭಾಗವನ್ನು ಮಾತ್ರ ತಾಗುತ್ತಿರಲಿ; ಪಾತ್ರೆಯ ಪಕ್ಕದಿಂದ ಉರಿ ಮೇಲೆ ಬಂದರೆ ಅದು ವ್ಯರ್ಥ ಎಂದೇ ಅರ್ಥ.

ಫ್ರಿಡ್ಜ್‌ನಿಂದ ತೆಗೆದ ತಕ್ಷಣ ಅಡುಗೆ ಮಾಡಬೇಡಿ

ಹಾಲು, ತರಕಾರಿ ಅಥವಾ ಹಿಟ್ಟನ್ನು ಫ್ರಿಡ್ಜ್‌ನಿಂದ ತೆಗೆದ ತಕ್ಷಣ ಒಲೆಯ ಮೇಲೆ ಇಡಬೇಡಿ. ಅದು ತಣ್ಣಗಿರುವುದರಿಂದ ಬಿಸಿಯಾಗಲು ಹೆಚ್ಚಿನ ಗ್ಯಾಸ್ ತೆಗೆದುಕೊಳ್ಳುತ್ತದೆ. ಅಡುಗೆ ಮಾಡುವ ಕನಿಷ್ಠ 30 ನಿಮಿಷಗಳ ಮೊದಲು ಅವುಗಳನ್ನು ಹೊರತೆಗೆದಿಟ್ಟು, ಸಾಮಾನ್ಯ ತಾಪಮಾನಕ್ಕೆ ಬಂದ ನಂತರವೇ ಬಿಸಿ ಮಾಡಿ.

LPG ಅಭಾವದ ವದಂತಿ: ಸಿಲಿಂಡರ್ ದಾಸ್ತಾನಿನ ಬಗ್ಗೆ ಕೇಂದ್ರ ಸರ್ಕಾರದಿಂದ ಮಹತ್ವದ ಮಾಹಿತಿ

ಪ್ರೆಶರ್ ಕುಕ್ಕರ್ ಬಳಕೆಗೆ ಆದ್ಯತೆ ನೀಡಿ

ಸಾಮಾನ್ಯ ಪಾತ್ರೆಗಿಂತ ಪ್ರೆಶರ್ ಕುಕ್ಕರ್‌ನಲ್ಲಿ ಅಡುಗೆ ಮಾಡುವುದು ಹೆಚ್ಚು ಲಾಭದಾಯಕ. ಇದು ಸಮಯ ಮತ್ತು ಗ್ಯಾಸ್ ಎರಡನ್ನೂ ಉಳಿಸುತ್ತದೆ. ಬೇಳೆಕಾಳುಗಳನ್ನು ಬೇಯಿಸುವ ಮೊದಲು ಸ್ವಲ್ಪ ಸಮಯ ನೀರಿನಲ್ಲಿ ನೆನೆಸಿಟ್ಟರೆ ಅವು ಇನ್ನೂ ಬೇಗ ಬೇಯುತ್ತವೆ.

ಬರ್ನರ್ ಸ್ವಚ್ಛತೆ ಮುಖ್ಯ

ನಿಮ್ಮ ಗ್ಯಾಸ್ ಸ್ಟೌವ್‌ನ ಬರ್ನರ್‌ನಿಂದ ಹೊರಬರುವ ಜ್ವಾಲೆಯು ನೀಲಿ ಬಣ್ಣದಲ್ಲಿರಲಿ. ಒಂದು ವೇಳೆ ಅದು ಹಳದಿ ಅಥವಾ ಕಿತ್ತಳೆ ಬಣ್ಣದಲ್ಲಿದ್ದರೆ, ಬರ್ನರ್ ರಂಧ್ರಗಳು ಮುಚ್ಚಿಹೋಗಿವೆ ಎಂದರ್ಥ. ಇದನ್ನು ತಕ್ಷಣ ಸ್ವಚ್ಛಗೊಳಿಸಿ, ಇಲ್ಲದಿದ್ದರೆ ಅಡುಗೆ ತಡವಾಗುವುದಲ್ಲದೆ ಗ್ಯಾಸ್ ಕೂಡ ಹೆಚ್ಚು ವ್ಯರ್ಥವಾಗುತ್ತದೆ.

[youtube https://www.youtube.com/watch?v=nCMSZDdXGYY]