Aishwarya Rai Bachchan: ನಟಿ ಐಶ್ವರ್ಯಾ ರೈ ಬಚ್ಚನ್ ವಿಚಾರಣೆ ನಡೆಸಿದ ಜಾರಿ ನಿರ್ದೇಶನಾಲಯ
ನವದೆಹಲಿ: ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆಯ (ಫೆಮಾ) ಉಲ್ಲಂನೆಯ ಆರೋಪದ ಮೇಲೆ ಬಾಲಿವುಡ್ ನಟಿ, ಬಿಗ್ ಬಿ ಕುಟುಂಬದ ಸೊಸೆ ಐಶ್ವರ್ಯಾ ರೈ ಬಚ್ಚನ್ ಅವರನ್ನು ಜಾರಿ ನಿರ್ದೇಶನಾಲಯ (ED) ಸೋಮವಾರ ವಿಚಾರಣೆ ನಡೆಸಿದೆ. ಪನಾಮಾ ಪೇಪರ್ಸ್ 2016ರಲ್ಲಿ (Panama Papers) ಬಹಿರಂಗ ಪಡಿಸಿದ ಹಣಕಾಸು ಅಕ್ರಮದಲ್ಲಿ ಭಾಗಿಯಾಗಿದ್ದಾರೆನ್ನಲಾದ ಭಾರತೀಯರ ಕುರಿತ ಜಾರಿ ನಿರ್ದೇಶನಾಲಯ (ಇಡಿ)ತನಿಖೆ ನಡೆಸುತ್ತಿದ್ದು, ಇದರ ಭಾಗವಾಗಿ ಬಾಲಿವುಡ್ ನಟಿ, ಬಿಗ್ ಬಿ (Big B) ಕುಟುಂಬದ ಸೊಸೆ ಐಶ್ವರ್ಯಾ ರೈ ಬಚ್ಚನ್ (Aishwarya Rai Bachchan) ಅವರನ್ನು ಸೋಮವಾರ ವಿಚಾರಣೆ ನಡೆಸಿದೆ.
ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆಯ (ಫೆಮಾ) ಉಲ್ಲಂಘಿಸಿ ವಿದೇಶದಲ್ಲಿ ಸಂಪತ್ತು ಸಂಗ್ರಹಿಸಲಾಗಿದೆ ಎಂಬ ಬಗ್ಗೆ 48 ವರ್ಷದ ನಟಿಯ ಹೇಳಿಕೆಯನ್ನು ಇಡಿ ದಾಖಲಿಸಿಕೊಂಡಿದೆ.ಈ ಹಿಂದೆ ಇಡಿ ಎರಡು ಸಾರಿ ಸಮನ್ಸ್ ನೀಡಿದ್ದಾಗ ಐಶ್ವರ್ಯಾ ರೈ ಕಾಲಾವಕಾಶ ಪಡೆದಿದ್ದರು. 2004ರಿಂದ ವಿದೇಶಿ ಹೂಡಿಕೆ ಮತ್ತು ಅದರಿಂದ ಬಂದ ಹಣದ ಬಗ್ಗೆ ವಿವರಣೆ ನೀಡುವಂತೆ ಐಶ್ವರ್ಯಾ ರೈ ತವರು ಕುಟುಂಬಕ್ಕೆ ಇಡಿ ನೋಟಿಸ್ ನೀಡಿತ್ತು.
ಜಾಗತಿಕವಾಗಿ ರಾಜಕಾರಣಿಗಳು, ಕೈಗಾರಿಕೋದ್ಯಮಿಗಳು, ಸೆಲಬ್ರೆಟಿಗಳು ವಿದೇಶಗಳಲ್ಲಿ ಹೂಡಿಕೆ ಮಾಡಿರುವ ಆಸ್ತಿ ಅಥವಾ ತೆರಿಗೆ ತಪ್ಪಿಸಿರುವ ವಿವರವನ್ನು ಪನಾಮಾ ಪೇಪರ್ಸ್ 2016ರಲ್ಲಿ ಬಯಲು ಮಾಡಿತ್ತು. ಇದನ್ನು ಅಂತಾರಾಷ್ಟ್ರೀಯ ತನಿಖಾ ಪತ್ರಕರ್ತರ ಒಕ್ಕೂಟ (ಐಸಿಜೆಐ) ಪ್ರಕಟಿಸಿತ್ತು. ಇದರಲ್ಲಿ ಭಾರತ 300 ಗಣ್ಯರ ಹೆಸರಿದೆ. ಐಶ್ವರ್ಯಾ ರೈ ಕುಟುಂಬವು ಬ್ರಿಟಿಷ್ ವಿಜಿರ್ನ್ ದ್ವೀಪದ ಅಮಿಕ್ ಪಾರ್ಟನರ್ಸ್ ಲಿಮಿಟೆಡ್ನಲ್ಲಿ ಹೂಡಿಕೆ ಮಾಡಿದೆ ಎಂದು ಆರೋಪಿಸಲಾಗಿದೆ. ಪನಾಮಾದ ಮೊಸಾಕ್ಫೋನ್ಸೆಕಾ (ಎಂಎಫ್) ಬಳಿ ಇರುವ ದಾಖಲೆಗಳ ಪ್ರಕಾರ, ಐಶ್ವರ್ಯಾ ರೈ ಮತ್ತು ಅವರ ತಂದೆ ಕೆ. ರಮಣ ರೈ ಕೃಷ್ಣ ರೈ, ತಾಯಿ ವೃಂದಾ ಕೃಷ್ಣ ರಾಜ್ ರೈ, ಸೋದರ ಆದಿತ್ಯ ರೈ ಅಮಿಕ್ ಪಾರ್ಟನರ್ಸ್ನ ನಿರ್ದೇಶಕರಾಗಿ ನೇಮಕ ಆಗಿದ್ದರು. ಇವರು ಹೂಡಿದ ಬಂಡವಾಳ 50 ಸಾವಿರ ಡಾಲರ್ ಆಗಿತ್ತು.
2005ರ ಜೂನ್ 18ರಂದು ರೈ ಕುಟುಂಬದವರನ್ನು ನಿರ್ದೇಶಕ ಸ್ಥಾನದಿಂದ ಕೈಬಿಟ್ಟು, ಷೇರುದಾರರೆಂದು ಅಮಿಕ್ ಪಾರ್ಟನರ್ಸ್ ಆಡಳಿತ ಮಂಡಳಿ ಠರಾವು ಕೈಗೊಂಡಿತು. 2008ರಲ್ಲಿ ಐಶ್ವರ್ಯಾ ರೈ ಮತ್ತು ಅಭಿಷೇಕ್ ಬಚ್ಚನ್ ವಿವಾಹವಾದರು. ಇದಾದ ಒಂದು ವರ್ಷದ ಬಳಿಕ ಈ ಕಂಪನಿಯನ್ನು ಮುಚ್ಚುವ ಪ್ರಕ್ರಿಯೆ ಶುರುವಾಯಿತು.
ಇನ್ನಷ್ಟು ಸುದ್ದಿಗಳು: Esha Gupta bathroom video : ಬಾತ್ ರೂಂನಲ್ಲಿ ಸೆಲ್ಪಿ ವಿಡಿಯೋ : ನಟಿಯ ಹುಚ್ಚಾಟಕ್ಕೆ ಅಭಿಮಾನಿಗಳು ಶಾಕ್
(Actress Aishwarya Rai Bachchan Questioned For Alleged Foreign Exchange Violations)
Comments are closed.