Omicron Blast : ಭಾರತದಲ್ಲಿ ಓಮಿಕ್ರಾನ್‌ ಮಹಾಸ್ಪೋಟ : 21 ಮಂದಿಗೆ ಓಮಿಕ್ರಾನ್ ಪತ್ತೆ

ನವದೆಹಲಿ : ವಿಶ್ವದ ಹಲವು ರಾಷ್ಟ್ರಗಳ ಆತಂಕಕ್ಕೆ ಕಾರಣವಾಗಿರುವ ಕೊರೊನಾ ರೂಪಾಂತರ ಓಮಿಕ್ರಾನ್‌ ಇದೀಗ ಭಾರತದಲ್ಲಿಯೂ ಸ್ಪೋಟಗೊಂಡಿದೆ (Omicron Blast). ಮೊದಲ ಬಾರಿಗೆ ಕರ್ನಾಟಕದಲ್ಲಿ ಪತ್ತೆಯಾಗಿದ್ದ ಓಮಿಕ್ರಾನ್‌ ಇದೀಗ ದೇಶದ ಹಲವು ರಾಷ್ಟ್ರಗಳಲ್ಲಿ ಪತ್ತೆಯಾಗಿದೆ. ಕಳೆದ 24 ಗಂಟೆಗಳಲ್ಲಿ 16 ಪ್ರಕರಣಗಳು ವರದಿಯಾಗಿ ಒಟ್ಟು 21 ಕ್ಕೆ ಏರಿಕೆಯಾಗಿದೆ. ರಾಜಸ್ಥಾನದ ರಾಜಧಾನಿ ಜೈಪುರದಲ್ಲಿ ದಕ್ಷಿಣ ಆಫ್ರಿಕಾಕ್ಕೆ ಪ್ರಯಾಣ ಬೆಳೆಸಿದ್ದ ಒಂದೇ ಕುಟುಂಬದ ಒಂಬತ್ತು ಮಂದಿಗೆ ಪ್ರಕರಣ ದೃಢಪಟ್ಟಿದೆ. ಈ ಮೂಲಕ ಭಾರತದಲ್ಲಿ ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ 21ಕ್ಕೆ ಏರಿದೆ.

ಮಹಾರಾಷ್ಟ್ರದ ಪುಣೆಯಲ್ಲಿ ಏಳು ಮತ್ತು ದೆಹಲಿಯಲ್ಲಿ ಒಂದು ಪ್ರಕರಣ ವರದಿಯಾಗಿದೆ. ಕಲ್ಯಾಣ್ ಡೊಂಬಿವಿಲಿಯ 33 ವರ್ಷದ ವ್ಯಕ್ತಿಯೊಬ್ಬರು COVID-19 ನ ಹೊಸ ರೂಪಾಂತರಕ್ಕೆ ಧನಾತ್ಮಕ ಪರೀಕ್ಷೆ ನಡೆಸಿದ ನಂತರ ಮಹಾರಾಷ್ಟ್ರದಲ್ಲಿ ಶನಿವಾರ ಮೊದಲ ಓಮಿಕ್ರಾನ್‌ ಪ್ರಕರಣ ಪತ್ತೆಯಾಗಿತ್ತು. ದೇಶದ ಮೊದಲ ಎರಡು ಪ್ರಕರಣಗಳು ಬೆಂಗಳೂರಿನಲ್ಲಿ ಮತ್ತು ಮೂರನೆಯದು ಗುಜರಾತ್‌ನ ಜಾಮ್‌ನಗರದಲ್ಲಿ ವರದಿಯಾಗಿತ್ತು. ಇಲ್ಲಿಯವರೆಗೆ ವರದಿಯಾದ ಎಲ್ಲಾ ಪ್ರಕರಣಗಳು ವಿದೇಶಿ ಪ್ರಯಾಣದ ಹಿಸ್ಟರಿಯನ್ನು ಹೊಂದಿದೆ. ಅದ್ರಲ್ಲೂ ದಕ್ಷಿಣ ಆಫ್ರಿಕಾದಿಂದ ವಾಪಾಸಾದವರಲ್ಲೇ ಹೆಚ್ಚಾಗಿ ಈ ಹೊಸ ರೂಪಾಂತರ ತಳಿ ಪತ್ತೆಯಾಗಿದೆ.

ಭಾರತದಲ್ಲಿ ಓಮಿಕ್ರಾನ್ ಬ್ಲಾಸ್ಟ್ (Omicron Blast) ಸಂಖ್ಯೆ 21 ಕ್ಕೆ ಏರಿದೆ

• ರಾಜಸ್ಥಾನ 9 ಪ್ರಕರಣಗಳು
• ಮಹಾರಾಷ್ಟ್ರ 8 ಪ್ರಕರಣಗಳು
• ಕರ್ನಾಟಕ 2 ಪ್ರಕರಣ
• ಗುಜರಾತ್ 1 ಪ್ರಕರಣ
• ದೆಹಲಿ 1 ಪ್ರಕರಣ

ಗುಜರಾತ್‌ನ 72 ವರ್ಷದ ಎನ್‌ಆರ್‌ಐ ಮತ್ತು ಮಹಾರಾಷ್ಟ್ರದ 33 ವರ್ಷದ ವ್ಯಕ್ತಿಯೊಬ್ಬರು ರ ಹೊಸ ಸ್ಟ್ರೈನ್‌ನಿಂದ ಸೋಂಕಿಗೆ ಒಳಗಾಗಿದ್ದಾರೆ. ಭಾರತವು ಶನಿವಾರ ಇಬ್ಬರು ಕೊರೊನಾ ಸೋಂಕಿತ ವ್ಯಕ್ತಿಗಳಲ್ಲಿ ಓಮಿಕ್ರಾನ್ ರೂಪಾಂತರ ಓಮಿಕ್ರಾನ್‌ ಪತ್ತೆಯಾಗಿದೆ. ದೇಶದಲ್ಲಿ ಆಫ್ರಿಕನ್‌ ವೈರಸ್‌ ಪತ್ತೆಯಾದ ಬೆನ್ನಲ್ಲೇ ಕೇಂದ್ರ ಸರಕಾರ ಎಚ್ಚೆತ್ತುಕೊಂಡಿದ್ದು, ಅಗತ್ಯ ಮುನ್ನೆಚ್ಚರಿಕಾ ಕ್ರಮಗಳನ್ನು ಕೈಗೊಂಡಿದೆ. ಪ್ರಮುಖವಾಗಿ ವಿದೇಶಿ ಪ್ರಯಾಣಿಕರ ಮೇಲೆ ಅಗತ್ಯ ನಿರ್ಬಂಧಗಳನ್ನು ಹೇರುವ ಕಾರ್ಯವನ್ನು ಮಾಡುತ್ತಿದೆ. ಇನ್ನೊಂದೆಡೆಯಲ್ಲಿ ಅಂತರಾಷ್ಟ್ರೀಯ ವಿಮಾನಗಳ ಮೇಲೆ ನಿರ್ಬಂಧ ಹೇರುವ ಕುರಿತು ಚಿಂತನೆ ನಡೆದಿದೆ.

ಕರ್ನಾಟಕದಲ್ಲಿ ಓಮಿಕ್ರಾನ್‌ ಮೊದಲ ಪ್ರಕರಣ ಪತ್ತೆಯಾದ ಬೆನ್ನಲ್ಲೇ ರಾಜ್ಯ ಸರಕಾರ ಎಚ್ಚೆತ್ತುಕೊಂಡಿದೆ. ಮುಖ್ಯಮಂತ್ರಿ ಬಸವರಾಜ್‌ ಬೊಮ್ಮಾಯಿ ಅವರು ಅಧಿಕಾರಿಗಳ ಜೊತೆಗೆ ತುರ್ತು ಸಭೆಯನ್ನು ನಡೆಸಿ, ಕೆಲವೊಂದು ನಿರ್ಬಂಧಗಳನ್ನು ಹೇರಿದ್ದರು. ಅಲ್ಲದೇ ಕೊರೊನಾ ಹಾಗೂ ಓಮಿಕ್ರಾನ್‌ ಪ್ರಕರಣ ಏರಿಕೆಯಾಗುವ ಹಿನ್ನೆಲೆಯಲ್ಲಿ ಕೋವಿಡ್‌ ತಾಂತ್ರಿಕ ಸಮಿತಿಯ ಸಭೆಯ ನಂತರದಲ್ಲಿ ಅಗತ್ಯ ಕ್ರಮಗಳನ್ನು ಕೈಗೊಳ್ಳುವುದಾಗಿ ಹೇಳಿದೆ.

ಮುಂಬೈ 10‌, ಮಹಾರಾಷ್ಟ್ರದಲ್ಲಿ ಒಟ್ಟು 28 ಶಂಕಿತ ಓಮಿಕ್ರಾನ್ ಪ್ರಕರಣ ಪತ್ತೆ

ಮುಂಬೈನಲ್ಲಿ(mumbai) 10 ಪ್ರಕರಣ ಸೇರಿದಂತೆ ಮಹಾರಾಷ್ಟ್ರದಲ್ಲಿ ಒಟ್ಟು 28 ಶಂಕಿತ ಓಮಿಕ್ರಾನ್‌ ಪ್ರಕರಣ ಪತ್ತೆಯಾಗಿದೆ. ಇದೀಗ ಎಲ್ಲರ ಜೀನೋಮ್‌ಗಳನ್ನು ಪ್ರಯೋಗಾಲಯಕ್ಕೆ ಕಳುಹಿಸಿ ಕೊಡಲಾಗಿದ್ದು, ವರದಿಗಾಗಿ ಕಾಯಲಾಗುತ್ತಿದೆ. ಮಹಾರಾಷ್ಟ್ರದ ಶಂಕಿತ ಓಮಿಕ್ರಾನ್‌ ರೋಗಿಗಳ ಸಂಪರ್ಕಿತರ ಕುರಿತು ಮಾಹಿತಿಯನ್ನು ಕಲೆ ಹಾಕುವ ಕಾರ್ಯವನ್ನು ಮಾಡುತ್ತಿದೆ. ಅಲ್ಲದೇ ಲ್ಯಾಬ್‌ ವರದಿ ಮುಂದಿನ ವಾರ ಕೈ ಸೇರುವ ಸಾಧ್ಯತೆಯಿದೆ. ಒಂದೊಮ್ಮೆ ಲ್ಯಾಬ್‌ ರಿಪೋರ್ಟ್‌ ಪಾಸಿಟಿವ್‌ ಬಂದ್ರೆ ಮಹಾರಾಷ್ಟ್ರದಲ್ಲಿ ಮಹಾಸ್ಪೋಟ ಸಂಭವಿಸುವ ಆತಂಕ ಎದುರಾಗಿದೆ. ಕಳೆದ ಎರಡು ಅಲೆಗಳಲ್ಲಿಯೂ ಕೊರೊನಾ ಮಹಾಸೋಂಕು ಮಹಾರಾಷ್ಟ್ರವನ್ನು ಇನ್ನಿಲ್ಲದಂತೆ ಕಾಡಿತ್ತು. ಇದೀಗ ಓಮಿಕ್ರಾನ್‌ ಭೀತಿ ಎದುರಾಗಿದೆ. ನವೆಂಬರ್‌ 29 ರಂದು ದಕ್ಷಿಣ ಆಫ್ರಿಕಾದಿಂದ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಹಾರಿದ ಇಬ್ಬರಿಗೆ ಒಮಿಕ್ರಾನ್ ಪಾಸಿಟಿವ್ ಬಂದಿದೆ. ಕೇಂದ್ರ ಆರೋಗ್ಯ ಇಲಾಖೆ ದೃಢಪಡಿಸಿದೆ. ಇಬ್ಬರು ಸೋಂಕಿತ ರೋಗಿಗಳನ್ನು ಕರ್ನಾಟಕ ಮೂಲದ 66 ವರ್ಷ ಮತ್ತು 46 ವರ್ಷ ವಯಸ್ಸಿನ ಪುರುಷರು ಎಂದು ಗುರುತಿಸಲಾಗಿದೆ. ಎರಡೂ ಪ್ರಕರಣಗಳ ಎಲ್ಲಾ ಪ್ರಾಥಮಿಕ ಸಂಪರ್ಕಗಳು ಮತ್ತು ದ್ವಿತೀಯ ಸಂಪರ್ಕಗಳನ್ನು ಪತ್ತೆಹಚ್ಚಲಾಗಿದೆ ಮತ್ತು ಪರೀಕ್ಷಿಸಲಾಗುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಗುರುವಾರ, ರಾಜ್ಯದಲ್ಲಿ 861 ಪ್ರಯಾಣಿಕರನ್ನು ಆರ್‌ಟಿ-ಪಿಸಿಆರ್ ಪರೀಕ್ಷೆಗೆ ಒಳಪಡಿಸಲಾಗಿದ್ದು, 28 ಪಾಸಿಟಿವ್ ಬಂದಿವೆ. ಇವರಲ್ಲಿ 25 ಮಂದಿ ಅಂತರಾಷ್ಟ್ರೀಯ ಪ್ರಯಾಣಿಕರು ಮತ್ತು ಮೂವರು ಅವರ ಸಂಪರ್ಕದಲ್ಲಿರುವವರು. ಹೆಚ್ಚಿನವರು ಮುಂಬೈ, ಪುಣೆ ಮತ್ತು ಥಾಣೆಯಿಂದ ಬಂದವರು. “ಆರೋಗ್ಯ ಸಚಿವಾಲಯ ಸ್ಥಾಪಿಸಿದ 37 ಪ್ರಯೋಗಾಲಯಗಳ INSACOG ಒಕ್ಕೂಟದ ಜೀನೋಮ್ ಅನುಕ್ರಮ ಪ್ರಯತ್ನದ ಮೂಲಕ” ಎರಡು ಪ್ರಕರಣಗಳನ್ನು ಪತ್ತೆಹಚ್ಚಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿಯ ಮಹಾನಿರ್ದೇಶಕ ಡಾ ಬಲರಾಮ್ ಭಾರ್ಗವ ಸುದ್ದಿಗಾರರಿಗೆ ತಿಳಿಸಿದರು. “ನಾವು ಭಯಪಡುವ ಅಗತ್ಯವಿಲ್ಲ, ಆದರೆ ಅರಿವು ಸಂಪೂರ್ಣವಾಗಿ ಅವಶ್ಯಕವಾಗಿದೆ. COVID-19 ಸೂಕ್ತವಾದ ನಡವಳಿಕೆಯ ಅಗತ್ಯವಿದೆ ಎಂದು ತಿಳಿಸಿದ್ದರು. ಮಹಾರಾಷ್ಟ್ರ ಸರ್ಕಾರವು ಶನಿವಾರ (ನವೆಂಬರ್ 27, 2021) COVID-19 ಗಾಗಿ ಹೊಸ ಮಾರ್ಗಸೂಚಿಗಳನ್ನು ಬಿಡುಗಡೆ ಮಾಡಿದೆ, ಇದರಲ್ಲಿ ಪರಿಷ್ಕೃತ ನಿರ್ಬಂಧಗಳು ಮತ್ತು ರಾಜ್ಯಕ್ಕೆ ಆಗಮಿಸುವ ಪ್ರಯಾಣಿಕರಿಗೆ ಅನುಮತಿಗಳು ಸೇರಿವೆ, ಓಮಿಕ್ರಾನ್ ರೂಪಾಂತರದ ಭಯದ ನಡುವೆ.

ಮಹಾರಾಷ್ಟ್ರದಲ್ಲಿ ಪ್ರಯಾಣಿಕರಿಗೆ ಮಾರ್ಗಸೂಚಿಗಳು :

ಯಾವುದೇ ಅಂತಾರಾಷ್ಟ್ರೀಯ ಭೀತಿಯಲ್ಲಿರುವ ದೇಶಗಳಿಂದ ರಾಜ್ಯಕ್ಕೆ ಬರುವ ಎಲ್ಲಾ ಪ್ರಯಾಣಿಕರು ಈ ವಿಷಯದಲ್ಲಿ ಭಾರತ ಸರ್ಕಾರದ ನಿರ್ದೇಶನಗಳಿಗೆ ಬದ್ದರಾಗಿರಬೇಕು.
ದೇಶೀಯ ಪ್ರಯಾಣಿಕರು ಸಂಪೂರ್ಣವಾಗಿ ಲಸಿಕೆಯನ್ನು ಹೊಂದಿರಬೇಕು ಅಥವಾ 72 ಗಂಟೆಗಳವರೆಗೆ ಮಾನ್ಯವಾಗಿರುವ RT-PCR ಪರೀಕ್ಷೆಯನ್ನು ಒಯ್ಯಬೇಕು.
ಟ್ಯಾಕ್ಸಿ/ಬಸ್ ಅಥವಾ ಯಾವುದೇ 4-ಚಕ್ರ ವಾಹನದೊಳಗೆ ಕೋವಿಡ್ ಸೂಕ್ತ ನಡವಳಿಕೆಯನ್ನು ಅನುಸರಿಸದಿದ್ದಲ್ಲಿ, ಚಾಲಕ/ಕಂಡಕ್ಟರ್ ಜೊತೆಗೆ ರೂ 500 ದಂಡ ವಿಧಿಸಲಾಗುತ್ತದೆ.
ಬಸ್ಸುಗಳ ಪ್ರಕರಣಗಳಲ್ಲಿ ಮಾಲೀಕ ಸಾರಿಗೆ ಸಂಸ್ಥೆಗೆ ರೂ 1000 ದಂಡ ವಿಧಿಸಲಾಗುತ್ತದೆ.

ವ್ಯಾಕ್ಸಿನೇಷನ್ ಅವಶ್ಯಕತೆಗಳು :

• ಯಾವುದೇ ಟಿಕೇಟ್ ಮಾಡಿದ ಅಥವಾ ಟಿಕೆಟ್ ಇಲ್ಲದ ಸಮಾರಂಭದಲ್ಲಿ ಪಾಲ್ಗೊಳ್ಳುವವರು, ಸಂಘಟಕರು, ಅತಿಥಿಗಳು ಮತ್ತು ಸಿಬ್ಬಂದಿ ಸದಸ್ಯರು ಸಂಪೂರ್ಣವಾಗಿ ಲಸಿಕೆಯನ್ನು ಹೊಂದಿರಬೇಕು.
• ಸಾರ್ವಜನಿಕ ಸಾರಿಗೆ ಸೌಲಭ್ಯಗಳನ್ನು ಸಂಪೂರ್ಣವಾಗಿ ಲಸಿಕೆ ಹಾಕಿದ ವ್ಯಕ್ತಿಗಳು ಮಾತ್ರ ಪಡೆಯಬಹುದು.

ಇದನ್ನೂ ಓದಿ : Home Quarantine : ಹೋಂ ಕ್ವಾರಂಟೈನ್​ಗೆ ಚಕ್ಕರ್​, ಹೋಟೆಲ್​ಗೆ ಹಾಜರ್​​..! ದ.ಆಫ್ರಿಕಾದಿಂದ ಮರಳಿದ ಮಹಿಳೆಯಿಂದ ಮಹಾ ಯಡವಟ್ಟು

ಇದನ್ನೂ ಓದಿ : Corona Rules Break : ಕೊರೊನಾ ರೂಲ್ಸ್ ಬ್ರೇಕ್ ಮಾಡಿದ್ರೆ ಬೀಳುತ್ತೆ ಫೈನ್ : 14 ಕೋಟಿ ದಂಡ‌ ಸಂಗ್ರಹಿಸಿದ ಬಿಬಿಎಂಪಿ

ಇದನ್ನೂ ಓದಿ : Omicron : ಓಮಿಕ್ರಾನ್​ ಸೋಂಕಿಗೆ ಇತ್ತೀಚಿಗೆ ಒಳಗಾದ ರಾಷ್ಟ್ರಗಳು ಯಾವುವು ಗೊತ್ತಾ..? ಸಾವಿನ ಪ್ರಮಾಣದ ಬಗ್ಗೆ ವಿಶ್ವಸಂಸ್ಥೆ ಹೇಳಿದ್ದೇನು..? ಇಲ್ಲಿದೆ ಮಾಹಿತಿ

(Omicron Blast in India, reports 21 cases in country)