Twitter Blue Tick : ಟ್ವೀಟರ್‌ ಉಚಿತವಲ್ಲ ; ಬ್ಲೂ ಟಿಕ್‌ಗೆ ಇನ್ಮುಂದೆ ಮಾಸಿಕ ಶುಲ್ಕ

ನವದೆಹಲಿ : ಟ್ವಿಟರ್ ಅಧಿಕೃತ ಖಾತೆದಾರರಿಗೆ ಬ್ಲೂ ಟಿಕ್(Twitter Blue Tick) ಸೌಲಭ್ಯವನ್ನು ಒದಗಿಸುತ್ತಿದೆ. ಸದ್ಯ ಈ ಸೌಲಭ್ಯವನ್ನು ಟ್ವೀಟರ್ ಉಚಿತವಾಗಿಯೇ ನೀಡುತ್ತಿದೆ. ಆದರೆ ಇನ್ಮುಂದೆ ಬಳಕೆದಾರರು ಬ್ಲೂಟಿಕ್ ಪಡೆಯಬೇಕಾದ್ರೆ ಮಾಸಿಕ ಶುಲ್ಕ ಪಾವತಿಸಬೇಕಾಗಿದೆ. ಈ ಕುರಿತು ಎಲಾನ್ ಮಸ್ಕ್ (Elon Musk) ತಮ್ಮ ಟ್ವೀಟರ್ ಖಾತೆಯಲ್ಲಿ ಅಧಿಕೃತವಾಗಿ ಪ್ರಕಟಿಸಿದ್ದಾರೆ.

ಟೆಸ್ಲಾ ಸಿಇಒ ಎಲಾನ್ ಮಸ್ಕ್(Elon Musk) ಅವರು ಟ್ವಿಟರ್ ಖರೀದಿಸಿದ ಬೆನ್ನಲ್ಲೇ ವಹಿಸಿಕೊಂಡ ಬೆನ್ನಲ್ಲೇ ಹಲವು ನಿಯಮಗಳನ್ನು ಜಾರಿಗೆ ತಂದಿದ್ದಾರೆ. ಮೈಕ್ರೋಬ್ಲಾಗಿಂಗ್ ಸೈಟ್ ತನ್ನ ಸಂಪೂರ್ಣ ಬಳಕೆದಾರರ ಪರಿಶೀಲನೆ ಪ್ರಕ್ರಿಯೆಯನ್ನು ಪರಿಷ್ಕರಿಸಲು ಯೋಚನೆಯನ್ನು ಮಾಡಿರುತ್ತದೆ. ಇದನ್ನು ಎಲೋನ್ ಮಸ್ಕ್ ಅವರು ಭಾನುವಾರ ಟ್ವಿಟರ್‌ನಲ್ಲಿ ಟ್ವೀಟ್‌ ಮಾಡುವ ಮೂಲಕ ಧೃಡಪಡಿಸಿದ್ದಾರೆ.

ಎಲೋನ್‌ ಮಸ್ಕ್‌ (Elon Musk)ಟ್ವೀಟ್‌ಗೆ ಟೆಕ್ ವೆಂಚರ್ ಕ್ಯಾಪಿಟಲಿಸ್ಟ್ ಶ್ರೀರಾಮ ಕೃಷ್ಣನ್ ಅವರು ಪ್ರತಿಯಾಗಿ ಟ್ವೀಟ್‌ ಮಾಡಿದ್ದು.“ ನಾನು ಇತರ ಕೆಲವು ಉತ್ತಮ ವ್ಯಕ್ತಿಗಳೊಂದಿಗೆ ತಾತ್ಕಾಲಿಕವಾಗಿ Twitter ನೊಂದಿಗೆ @elonmusk ಗೆ ಸಹಾಯ ಮಾಡುತ್ತಿದ್ದೇನೆ. ಇದು ಅತ್ಯಂತ ಪ್ರಮುಖವಾದ ಕಂಪನಿಯಾಗಿದೆ ಮತ್ತು ಪ್ರಪಂಚದ ಮೇಲೆ ಹೆಚ್ಚಿನ ಪ್ರಭಾವ ಬೀರಬಹುದು ಎಂದು ನಾನು ನಂಬುತ್ತೇನೆ ಮತ್ತು ಎಲೋನ್ ಅದನ್ನು ಮಾಡುವ ವ್ಯಕ್ತಿ. (sic).” ಎಂದು ಹೇಳಿರುತ್ತಾರೆ.

ವರದಿಯ ಪ್ರಕಾರ, ಬಳಕೆದಾರರು ತಿಂಗಳಿಗೆ 4.99 ಡಾಲರ್‌ ಶುಲ್ಕವನ್ನು ಪಾವತಿಸಿ ಟ್ವಿಟರ್ ಬ್ಲೂ ಟಿಕ್‌ಗೆ ಚಂದಾದಾರರಾಗಬೇಕು ಅಥವಾ ಅವರ “ಪರಿಶೀಲಿಸಿದ” ಬ್ಯಾಡ್ಜ್‌ಗಳನ್ನು ಕಳೆದುಕೊಳ್ಳಬೇಕಾಗುತ್ತದೆ. ಇನ್ನೂ ಮಸ್ಕ್ ತಮ್ಮ ಅಂತಿಮ ನಿರ್ಧಾರವನ್ನು ತೆಗೆದುಕೊಂಡಿರುವುದಿಲ್ಲ. ಆದರೆ ಈ ಯೋಜನೆಯನ್ನು ಮುಂದಿನ ದಿನಗಳಲ್ಲಿ ರದ್ದುಗೊಳಿಸು ಸಾಧ್ಯತೆ ಕೂಡ ಇರುತ್ತದೆ. Twitter Blue ಅನ್ನು ಕಳೆದ ವರ್ಷ ಜೂನ್‌ನಲ್ಲಿ ಪ್ಲಾಟ್‌ಫಾರ್ಮ್‌ನ ಮೊದಲ ಚಂದಾದಾರಿಕೆ ಸೇವೆಯಾಗಿ ಪ್ರಾರಂಭಿಸಲಾಗಿತ್ತು, ಇದು ಟ್ವೀಟ್‌ಗಳನ್ನು ಸಂಪಾದಿಸುವ ಆಯ್ಕೆಯನ್ನು ಒಳಗೊಂಡಂತೆ ಮಾಸಿಕ ಚಂದಾದಾರಿಕೆಯ ಆಧಾರದ ಮೇಲೆ “ಪ್ರೀಮಿಯಂ ವೈಶಿಷ್ಟ್ಯಗಳಿಗೆ ವಿಶೇಷ ಪ್ರವೇಶ” ನೀಡುತ್ತದೆ.

ಇದನ್ನೂ ಓದಿ : Gujarat Bridge Collapse: ಗುಜರಾತ್ ತೂಗು ಸೇತುವೆ ಕುಸಿತ ಪ್ರಕರಣ.. ಸಾವಿನ ಸಂಖ್ಯೆ 132ಕ್ಕೆ ಏರಿಕೆ

ಇದನ್ನೂ ಓದಿ : Gujarat Bridge Incident:ಗುಜರಾತ್ ಸೇತುವೆ ಕುಸಿತ ಪ್ರಕರಣ : ಬಿಜೆಪಿ ಸಂಸದರ ಕುಟುಂಬದ 12 ಮಂದಿ ಸಾವು

ಏಪ್ರಿಲ್‌ನಲ್ಲಿ ಮಸ್ಕ್ ತನ್ನ ಲಕ್ಷಾಂತರ ಅನುಯಾಯಿಗಳಿಗೆ ಎಡಿಟ್ ಬಟನ್ ಬೇಕೇ ಎಂದು ಕೇಳುವ ಟ್ವಿಟರ್ ಸಮೀಕ್ಷೆಯನ್ನು ಪ್ರಾರಂಭಿಸಿದ ನಂತರ ಈ ತಿಂಗಳ ಆರಂಭದಲ್ಲಿ ಟ್ವೀಟ್‌ಗಳನ್ನು ಸಂಪಾದಿಸುವ ವೈಶಿಷ್ಟ್ಯವನ್ನು ಲಭ್ಯಗೊಳಿಸಲಾಯಿತು. ಆದರೆ ಇದರಲ್ಲಿ 70% ಕ್ಕಿಂತ ಹೆಚ್ಚು ಜನರು ಹೌದು ಎಂದು ತಮ್ಮ ಪ್ರತಿಕ್ರಿಯೆಯನ್ನು ಸೂಚಿಸಿರುತ್ತಾರೆ. ಟ್ವಿಟರ್‌ನ ಸೈಟ್‌ಗೆ ಭೇಟಿ ನೀಡುವ ಮತ್ತು ಲಾಗ್-ಔಟ್ ಆಗುವ ಬಳಕೆದಾರರನ್ನು ಟ್ರೆಂಡಿಂಗ್ ಟ್ವೀಟ್‌ಗಳನ್ನು ತೋರಿಸುವ ಎಕ್ಸ್‌ಪ್ಲೋರ್ ಪುಟಕ್ಕೆ ಮರುನಿರ್ದೇಶಿಸಬೇಕೆಂದು ಎಲೋನ್ ಮಸ್ಕ್ (Elon Musk)ಬಳಕೆದಾರರಿಗೆ ವಿನಂತಿಸಿದ್ದಾರೆ.

Twitter is not free; Blue Tick now has a monthly fee