Drinik Virus : ಬ್ಯಾಂಕ್‌ ಗ್ರಾಹಕರೇ ಎಚ್ಚರ! ಇದು ನಿಮ್ಮ ಬ್ಯಾಂಕಿಂಗ್‌ ಮಾಹಿತಿಯನ್ನು ಕದಿಯಬಹುದು

ದಿನೇ ದಿನೇ ಮೊಬೈಲ್‌ ವೈರಸ್‌ಗಳ ಸಂಖ್ಯೆ ಹೆಚ್ಚಾಗುತ್ತಿದೆ. 2016ರಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಡ್ರಿನಿಕ್‌ ಆಂಡ್ರಾಯ್ಡ್‌ (Drinik Virus) ಎಂಬ ಮಾಲ್‌ವೇರ್‌ ಪತ್ತೆಯಾಗಿತ್ತು. ಇದನ್ನು ಎಸ್‌ಎಂಎಸ್‌ಗಳನ್ನು ಕದಿಯಲು ಬಳಸಲಾಗುತ್ತಿತ್ತು. ಆದರೆ ಸೆಪ್ಟೆಂಬರ್‌ 2021ರಲ್ಲಿ ಇದು ಬ್ಯಾಂಕಿಂಗ್‌ ವಲಯಗಳಿಗೂ ಪ್ರವೇಶಿಸಿತು. ಇದು ಬಳಕೆದಾರರ ವೈಯಕ್ತಿಕ ಡೇಟಾ ಮತ್ತು ಬ್ಯಾಂಕಿಂಗ್ ಮಾಹಿತಿಗಳನ್ನು ಕದಿಯುತ್ತದೆ ಎಂದು ಹೇಳಲಾಗಿದೆ. ಈಗ ಪತ್ತೆಯಾದ ಡ್ರಿನಿಕ್‌(Virus)ನ ಹೊಸ ಆವೃತ್ತಿಯು 18 ಭಾರತೀಯ ಬ್ಯಾಂಕ್‌ಗಳ ಬಳಕೆದಾರರನ್ನು ಗುರಿಯಾಗಿಸಿಕೊಂಡಿದೆ. ಈ ಗುರಿಯಲ್ಲಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ಕೂಡ ಸೇರಿದೆ ಎಂದು ಹೇಳಲಾಗಿದೆ.

ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI) ದ ಗ್ರಾಹಕರಾಗಿದ್ದರೆ, ಡ್ರಿನಿಕ್‌ ವೈರಸ್‌ನ ಹೊಸ ಆವೃತ್ತಿಯು ಬಳಕೆದಾರರನ್ನು ಫಿಶಿಂಗ್ ಪುಟಕ್ಕೆ ಕರೆದೊಯ್ಯುತ್ತದೆ. ನಂತರ ಬಳಕೆದಾರರ ಡೇಟಾವನ್ನು ಕದಿಯುತ್ತದೆ. ವರದಿಗಳ ಪ್ರಕಾರ, ಈ ವೈರಸ್ ಸೃಷ್ಟಿಕರ್ತರು ಇದನ್ನು ಸಂಪೂರ್ಣ ಆಂಡ್ರಾಯ್ಡ್ ಬ್ಯಾಂಕಿಂಗ್ ಟ್ರೋಜನ್‌ಗಾಗಿ ಅಭಿವೃದ್ಧಿಪಡಿಸಿದ್ದಾರೆ ಎಂದು ಹೇಳಲಾಗುತ್ತಿದೆ.

ಬಳಕೆದಾರರು ಇದನ್ನು ಆದಾಯ ತೆರಿಗೆ ಇಲಾಖೆಯ ನಿರ್ವಹಣಾ ಸಾಧನವೆಂದು ತಪ್ಪಾಗಿ ಡೌನ್‌ಲೋಡ್ ಮಾಡುತ್ತಾರೆ, ನಂತರ ಈ ಮಾಲ್‌ವೇರ್ ಬಳಕೆದಾರರಿಂದ SMS ಗಳನ್ನು ಓದಲು, ಸ್ವೀಕರಿಸಲು ಮತ್ತು ಕಳುಹಿಸಲು ಅನುಮತಿ ಕೇಳುತ್ತದೆ. ಇದಲ್ಲದೇ ಈ ವೈರಸ್‌ ಕರೆ ಲಾಗ್‌ಗಳು ಮತ್ತು ಬಾಹ್ಯ ಸಂಗ್ರಹಣೆಯನ್ನು ಪ್ರವೇಶಿಸಲು ಅನುಮತಿಯನ್ನು ಕೇಳುತ್ತದೆ. ಒಮ್ಮೆ ಬಳಕೆದಾರು ಅನುಮತಿಯನ್ನು ನೀಡಿದ ತಕ್ಷಣ ಗೂಗಲ್‌ ಪ್ಲೇ (Google Play) ರಕ್ಷಣೆಯನ್ನು ನಿಷ್ಕ್ರಿಯಗೊಳಿಸುತ್ತದೆ.

ಡ್ರಿನಿಕ್ ಮಾಲ್‌ವೇರ್‌ನ ಈ ಆವೃತ್ತಿಯು ಫಿಶಿಂಗ್ ಪುಟದ ಬದಲಿಗೆ ನೈಜ ಆದಾಯ ತೆರಿಗೆಯ ಸೈಟ್ ಅನ್ನು ತೆರೆಯುತ್ತದೆ ಎಂದು ಶಂಕಿಸಲಾಗಿದೆ, ನಂತರ ಬಳಕೆದಾರರು ಸೈಟ್‌ನಲ್ಲಿ ವಿವರಗಳನ್ನು ನಮೂದಿಸುತ್ತಿದ್ದಂತೆ ಅದು ಸ್ಕ್ರೀನ್ ರೆಕಾರ್ಡಿಂಗ್ ಮೂಲಕ ಎಲ್ಲಾ ವಿವರಗಳನ್ನು ಕದಿಯುತ್ತದೆ. ಮಾಧ್ಯಮ ವರದಿಗಳ ಪ್ರಕಾರ, ಬಳಕೆದಾರರ ಪರದೆಯ ಮೇಲೆ ನಕಲಿ ಡೈಲಾಗ್ ಬಾಕ್ಸ್ ತೆರೆದುಕೊಳ್ಳುತ್ತದೆ. ಅದರಲ್ಲಿ ಬಳಕೆದಾರರಿಗೆ 57,100 ರೂ. ಮರುಪಾವತಿಯನ್ನು ಪಡೆಯುವಂತೆ ತಿಳಿಸಲಾಗುತ್ತದೆ. ಮರುಪಾವತಿ ಬಟನ್ ಅನ್ನು ಕ್ಲಿಕ್ ಮಾಡಿದ ತಕ್ಷಣ ಇದು ಫಿಶಿಂಗ್ ಪುಟವನ್ನು ತೆರೆಯುತ್ತದೆ ಮತ್ತು ಎಲ್ಲಾ ವೈಯಕ್ತಿಕ ವಿವರಗಳನ್ನು ಕದಿಯುತ್ತದೆ.

ಸ್ಕ್ರೀನ್ ರೆಕಾರ್ಡಿಂಗ್ ಟೂಲ್‌ಗಳ ಮೂಲಕವೂ ವಿವರಗಳನ್ನು ಕದಿಯಬಹುದು:
ಈ ವೈರಸ್ ಬಳಕೆದಾರರ ಫೋನ್‌ಗಳನ್ನು ನಮೂದಿಸಿದ ನಂತರ ಸ್ಕ್ರೀನ್ ರೆಕಾರ್ಡಿಂಗ್‌ಗಳು, ಕೀ-ಲಾಗಿಂಗ್, ಅಕ್ಸಸೆಬಿಲಿಟಿ ಸರ್ವೀಸಸ್‌ ಮತ್ತು ಇತರ ವಿವರಗಳನ್ನು ಕದಿಯಬಹುದು. ಇತ್ತೀಚಿನ ಆವೃತ್ತಿಯು iAssist ಎಂಬ ಹೆಸರಿನ APK ಯೊಂದಿಗೆ ಬರುತ್ತದೆ. ಇದು ಆಂಡ್ರಾಯ್ಡ್ ಬಳಕೆದಾರರ ಕ್ರೆಡಿಟ್ ಕಾರ್ಡ್ ವಿವರಗಳು, CVV ಮತ್ತು PIN ಅನ್ನು ಕದಿಯಬಹುದು.

ಯಾವುದೇ ಅಪ್ಲಿಕೇಶನ್‌ ಡೌನ್‌ಲೋಡ್‌ ಮಾಡಿಕೊಳ್ಳಬೇಕಾದರೆ ಇದನ್ನು ಪಾಲಿಸಿ :

• ಯಾವಾಗಲೂ Google Play Store ನಿಂದಲೇ ಅಪ್ಲಿಕೇಶನ್ ಗಳನ್ನು ಇನ್‌ಸ್ಟಾಲ್‌ ಮಾಡಿ.
• ಅಪರಿಚಿತ ಸಂಖ್ಯೆ ಮತ್ತು ಲಿಂಕ್‌ಗಳನ್ನು ಕ್ಲಿಕ್ ಮಾಡಬೇಡಿ.
• ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಗೂಗಲ್‌ ಪ್ಲೇ ಪ್ರೊಟೆಕ್ಟ್‌ ಸಕ್ರಿಯಗೊಳಿಸಲು ಮರೆಯಬೇಡಿ.
• ಎಲ್ಲಾ ಅಪ್ಲಿಕೇಶನ್‌ಗಳು ಮತ್ತು ಸ್ಮಾರ್ಟ್‌ಫೋನ್ ಸ್ಕ್ರೀನ್‌ಗೆ ಬಯೋಮೆಟ್ರಿಕ್ ದೃಢೀಕರಣವನ್ನು ಸಕ್ರಿಯವಾಗಿರಿಸಿಕೊಳ್ಳಿ.
• ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿರುವ ಎಲ್ಲಾ ಅಪ್ಲಿಕೇಶನ್‌ಗಳಿಗೆ ಅನುಮತಿಗಳನ್ನು ನೀಡಬೇಡಿ.

ಇದನ್ನೂ ಓದಿ :Social Media : ಸಾಮಾಜಿಕ ಮಾಧ್ಯಮ ಕುಂದುಕೊರತೆ ಮೇಲ್ಮನವಿ ಸಮಿತಿ ಸ್ಥಾಪನೆಗೆ ಮುಂದಾದ ಸರ್ಕಾರ

ಇದನ್ನೂ ಓದಿ : World Stroke Day : ಹೃದಯದ ಆರೋಗ್ಯಕ್ಕೆ 4 ಆಯುರ್ವೇದ ಸಲಹೆಗಳು

(Drinik Virus beware bank customers. You could be targeted by drinik virus)