Find SIM Cards in your name: ಸೈಬರ್ ಅಪರಾಧಗಳು ಹೆಚ್ಚಾಗುತ್ತಿರುವ ಈ ಕಾಲದಲ್ಲಿ ನಿಮ್ಮ ಆಧಾರ್ ಕಾರ್ಡ್ ಅಥವಾ ಇತರ ಗುರುತಿನ ಚೀಟಿ ಬಳಸಿ ಬೇರೆಯವರು ಸಿಮ್ ಪಡೆದು ದುರುಪಯೋಗ ಪಡಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ. ಇದನ್ನು ತಡೆಯಲು ಭಾರತ ಸರ್ಕಾರದ ದೂರಸಂಪರ್ಕ ಇಲಾಖೆ (DoT) TAFCOP ವ್ಯವಸ್ಥೆಯನ್ನು ಜಾರಿಗೆ ತಂದಿದೆ.
ಪರಿಶೀಲಿಸುವ ವಿಧಾನ (Step-by-Step Guide):
- ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಿ: ಮೊದಲು ಗೂಗಲ್ನಲ್ಲಿ ಎಂದು ಸರ್ಚ್ ಮಾಡಿ ಅಥವಾ ನೇರವಾಗಿ TAFCOP ಪೋರ್ಟಲ್ಗೆ ಹೋಗಿ.
- ಮೊಬೈಲ್ ಸಂಖ್ಯೆ ನಮೂದಿಸಿ: ಅಲ್ಲಿ ನಿಮ್ಮ ಪ್ರಸ್ತುತ ಬಳಕೆಯಲ್ಲಿರುವ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.
- OTP ನಮೂದಿಸಿ: ನಿಮ್ಮ ಫೋನ್ಗೆ ಬರುವ ಒಟಿಪಿ (OTP) ಅನ್ನು ಎಂಟರ್ ಮಾಡಿ ಲಾಗಿನ್ ಆಗಿ.
- ಸಿಮ್ಗಳ ಪಟ್ಟಿ ವೀಕ್ಷಿಸಿ: ಲಾಗಿನ್ ಆದ ತಕ್ಷಣ, ನಿಮ್ಮ ಹೆಸರಲ್ಲಿ (ನಿಮ್ಮ ಆಧಾರ್ ಅಥವಾ ಐಡಿ ಬಳಸಿ) ನೋಂದಣಿಯಾಗಿರುವ ಎಲ್ಲಾ ಮೊಬೈಲ್ ಸಂಖ್ಯೆಗಳ ಪಟ್ಟಿ ಪರದೆಯ ಮೇಲೆ ಕಾಣಿಸುತ್ತದೆ.
ನಿಮ್ಮದಲ್ಲದ ಸಂಖ್ಯೆ ಕಂಡುಬಂದರೆ ಏನು ಮಾಡಬೇಕು?
ಪಟ್ಟಿಯಲ್ಲಿರುವ ಯಾವುದಾದರೂ ಸಂಖ್ಯೆ ನಿಮ್ಮದಲ್ಲ ಎಂದು ಕಂಡುಬಂದರೆ ಅಥವಾ ನೀವು ಹಿಂದೆ ಬಳಸಿ ಈಗ ಬಿಟ್ಟಿರುವ ಸಂಖ್ಯೆ ಇದ್ದರೆ, ಅಲ್ಲಿಯೇ ಮೂರು ಆಯ್ಕೆಗಳಿರುತ್ತವೆ:
- Not my number: ಆ ಸಂಖ್ಯೆ ನಿಮ್ಮದೇ ಅಲ್ಲದಿದ್ದರೆ ಈ ಆಯ್ಕೆ ಬಳಸಿ.
- Not required: ಹಿಂದೆ ಬಳಸುತ್ತಿದ್ದರಿ, ಈಗ ಬೇಡ ಎಂದಿದ್ದರೆ ಈ ಆಯ್ಕೆ ಬಳಸಿ.
- Required: ನೀವು ಬಳಸುತ್ತಿರುವ ಸಂಖ್ಯೆಗಳಿಗೆ ಈ ಆಯ್ಕೆ ಇರಲಿ.
ನೀವು ‘Not my number’ ಎಂದು ರಿಪೋರ್ಟ್ ಮಾಡಿದರೆ, ಸರ್ಕಾರವು ಆ ಸಂಖ್ಯೆಯನ್ನು ಪರಿಶೀಲಿಸಿ ಬಂದ್ ಮಾಡುತ್ತದೆ.
ಕರ್ನಾಟಕಕ್ಕಿಂತ ಉತ್ತರ ಪ್ರದೇಶವೇ ಹೆಚ್ಚು ಶ್ರೀಮಂತ! ದೇಶದ ಟಾಪ್ 10 ಶ್ರೀಮಂತ ರಾಜ್ಯಗಳ ಪಟ್ಟಿ ಇಲ್ಲಿದೆ
ತಿಳಿದಿರಲೇಬೇಕಾದ ಪ್ರಮುಖ ನಿಯಮಗಳು:
- ಸಿಮ್ ಮಿತಿ: ಒಬ್ಬ ವ್ಯಕ್ತಿಯ ಹೆಸರಲ್ಲಿ ಗರಿಷ್ಠ 9 ಸಿಮ್ ಕಾರ್ಡ್ಗಳನ್ನು ಮಾತ್ರ ಹೊಂದಲು ಅವಕಾಶವಿದೆ (ಜಮ್ಮು-ಕಾಶ್ಮೀರ ಮತ್ತು ಈಶಾನ್ಯ ರಾಜ್ಯಗಳಲ್ಲಿ ಈ ಮಿತಿ 6 ಇರುತ್ತದೆ).
- ಸುರಕ್ಷತೆ: ಈ ಪೋರ್ಟಲ್ ಸಂಪೂರ್ಣವಾಗಿ ಉಚಿತ ಮತ್ತು ಅಧಿಕೃತವಾಗಿದ್ದು, ನಿಮ್ಮ ಖಾಸಗಿ ಮಾಹಿತಿ ಸುರಕ್ಷಿತವಾಗಿರುತ್ತದೆ.
- ದಂಡ: ಇತ್ತೀಚಿನ ಟೆಲಿಕಾಂ ಕಾಯ್ದೆಯ ಪ್ರಕಾರ, ವಂಚನೆಯಿಂದ ಅಥವಾ ಸುಳ್ಳು ಮಾಹಿತಿ ನೀಡಿ ಸಿಮ್ ಪಡೆದರೆ ಭಾರೀ ದಂಡ ಮತ್ತು ಜೈಲು ಶಿಕ್ಷೆಯೂ ವಿಧಿಸಬಹುದು.
ಗಮನಿಸಿ: ಯಾವುದೇ ಅನಧಿಕೃತ ಆ್ಯಪ್ ಅಥವಾ ಲಿಂಕ್ಗಳ ಮೂಲಕ ನಿಮ್ಮ ಮೊಬೈಲ್ ಸಂಖ್ಯೆ ಪರಿಶೀಲಿಸಬೇಡಿ. ಕೇವಲ ಸರ್ಕಾರದ ಅಧಿಕೃತ ‘ಸಂಚಾರ್ ಸಾಥಿ’ ವೆಬ್ಸೈಟ್ ಮಾತ್ರ ಬಳಸಿ.