Phone Pe, Paytm Surcharge: ಮೊಬೈಲ್ ರೀಚಾರ್ಜ್ ಮೇಲೆ ಹೆಚ್ಚುವರಿ ಶುಲ್ಕ ವಿಧಿಸಿದ ಫೋನ್ ಪೆ ಹಾಗೂ ಪೇಟಿಎಂ

ಫೋನ್ ಪೆ (Phone Pe) ಬಳಿಕ ಇದೀಗ ಪೇ ಟೀ ಎಂ ಕೂಡ(Paytm) ತನ್ನ ಪ್ಲಾಟ್‌ಫಾರ್ಮ್ಮೂಲಕ ಮೊಬೈಲ್ ರೀಚಾರ್ಜ್‌ಗಳಿಗೆ ಹೆಚ್ಚುವರಿ ಶುಲ್ಕವನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದೆ. ಈ ಶುಲ್ಕ 1ರಿಂದ 6 ರೂ ಇರಬಹುದು ಮತ್ತು ಇದು ರೀಚಾರ್ಜ್ ಮೊತ್ತವನ್ನು ಅವಲಂಬಿಸಿದೇ. ಪೇಟಿ ಎಂ ವಾಲೆಟ್ ಬ್ಯಾಲೆನ್ಸ್ ಅಥವಾ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) ಅಥವಾ ಬ್ಯಾಂಕ್ ಕ್ರೆಡಿಟ್ ಅಥವಾ ಡೆಬಿಟ್ ಕಾರ್ಡ್ ಮೂಲಕ ಮಾಡಿದರೂ ಈ ಶುಲ್ಕ ತೆರಬೇಕಾಗುತ್ತದೆ (Phone Pe , Paytm Surcharge). ಎಲ್ಲಾ ಪೇ ಟಿ ಎಂ ಮೊಬೈಲ್ ರೀಚಾರ್ಜ್‌ಗಳಿಗೆ ಇದು ಅನ್ವಯಿಸುತ್ತದೆ.

ಟ್ವಿಟ್ಟರ್ನಲ್ಲಿ ಲಭ್ಯವಿರುವ ಬಳಕೆದಾರರ ವರದಿಗಳ ಪ್ರಕಾರ, ಪೇಟಿ ಎಂ ಸರ್‌ಚಾರ್ಜ್ ಅನ್ನು ಅನುಕೂಲಕರ ಶುಲ್ಕವಾಗಿ ತೆಗೆದುಕೊಳ್ಳಲು ಪ್ರಾರಂಭಿಸಿದೆ. ಇತ್ತೀಚಿನ ಬಳಕೆದಾರರ ವರದಿಗಳಲ್ಲಿನ ಹಠಾತ್ ಶುಲ್ಕ ಹೆಚ್ಚಳವು ಹೆಚ್ಚಿನ ಸಂಖ್ಯೆಯ ಬಳಕೆದಾರರಿಗೆ ತೊಂದರೆ ಉಂಟುಮಾಡಿದೆ ಎಂದು ಸೂಚಿಸುತ್ತದೆ. ಪ್ರಸ್ತುತ ಈ ಸಮಯದಲ್ಲಿ ಎಲ್ಲಾ ಪೇ ಟಿ ಎಂ ಬಳಕೆದಾರರಿಗೆ ಹೆಚ್ಚುವರಿ ಶುಲ್ಕವು ಅನ್ವಯಿಸುವುದಿಲ್ಲ. ಬದಲಾಗಿ 100ರೂ.ಗಿಂತ ಹೆಚ್ಚಿನ ವಹಿವಾಟುಗಳಿಗೆ ಮಾತ್ರ ಹೆಚ್ಚುವರಿ ಶುಲ್ಕ ಅನ್ವಯಿಸುತ್ತದೆ . ಎಂಬುದನ್ನು ಸಹ ಗಮನಿಸುವುದು ಮುಖ್ಯವಾಗಿದೆ.

ಆದಾಗ್ಯೂ, ಅಪ್‌ಡೇಟ್‌ನ ಭಾಗವಾಗಿ ಪರಿಗಣಿಸಲ್ಪಟ್ಟ ಆಯ್ದ ಬಳಕೆದಾರರು 6 ರೂ.ವರೆಗೆ ಈ ಶುಲ್ಕ ಪಾವತಿಸಬೇಕಾಗುತ್ತದೆ. ಪೇ ಟಿ ಎಂ ಅಪ್ಲಿಕೇಶನ್ ಮೂಲಕ ಪಾವತಿಸುತ್ತಿರುವ ಮೊಬೈಲ್ ರೀಚಾರ್ಜ್ ಮೊತ್ತದ ಮೇಲೆ ಹೆಚ್ಚುವರಿ ಶುಲ್ಕವಾಗಿ 6ರೂ ಪಾವತಿಸಬೇಕಾಗುತ್ತದೆ. ಮೂಲಗಳ ಪ್ರಕಾರ ಪೇಟಿ ಎಂ ತನ್ನ ಆದಾಯವನ್ನು ಹೆಚ್ಚಿಸುವ ಪ್ರಯೋಗಗಳಲ್ಲಿ ಒಂದಾಗಿ ಕೆಲವು ಬಳಕೆದಾರರಿಂದ ಹೆಚ್ಚುವರಿ ಶುಲ್ಕವನ್ನು ತೆಗೆದುಕೊಳ್ಳುತ್ತಿದೆ ಎಂದು ವರದಿಯಾಗಿದೆ.

2019 ರಲ್ಲಿ, ಕಾರ್ಡ್‌ಗಳು, ಯುಪಿ ಐ ಮತ್ತು ವ್ಯಾಲೆಟ್ ಅನ್ನು ಒಳಗೊಂಡಿರುವ ಯಾವುದೇ ಪಾವತಿ ವಿಧಾನವನ್ನು ಬಳಸುವಾಗ ಗ್ರಾಹಕರಿಂದ ಯಾವುದೇ ಅನುಕೂಲ ಅಥವಾ ವಹಿವಾಟು ಶುಲ್ಕವನ್ನು ವಿಧಿಸುವುದಿಲ್ಲ ಎಂದು ಹೇಳಲು ಪೇ ಟಿಎಂ ಪೋಸ್ಟ್ ಮಾಡಿತ್ತು. ಫೋನ್ ಪೇ ಮತ್ತು ಪೇ ಟಿಎಂ ಎರಡೂ ಹೆಚ್ಚುವರಿ ಶುಲ್ಕವನ್ನು ವಿಧಿಸಲು ಗ್ರಾಹಕರನ್ನು ಆಯ್ಕೆ ಮಾಡಲು ಬಳಸುವ ಮಾನದಂಡಗಳನ್ನು ಇನ್ನೂ ಅಧಿಕೃತವಾಗಿ ಬಹಿರಂಗಪಡಿಸಿಲ್ಲ.

ಏರ್ಟೆಲ್, ವೊಡಾಫೋನ್ ಐಡಿಯಾ ಮತ್ತು ಜಿಯೋ ಸೇರಿದಂತೆ ಟೆಲಿಕಾಂ ಆಪರೇಟರ್‌ಗಳು ತಮ್ಮ ಸ್ಥಳೀಯ ಅಪ್ಲಿಕೇಶನ್‌ಗಳ ಮೂಲಕ ಮೊಬೈಲ್ ರೀಚಾರ್ಜ್‌ಗಳನ್ನು ಸಹ ಬೆಂಬಲಿಸುತ್ತಾರೆ. ಪೇ ಟಿ ಎಂ ಮತ್ತು ಫೋನ್ ಪೇ ಯ ಹೆಚ್ಚುವರಿ ಶುಲ್ಕವು, ಕಾಲಾನಂತರದಲ್ಲಿ ಗ್ರಾಹಕರನ್ನು ತಮ್ಮ ಕಡೆಗೆ ಒಲವು ತೋರಲು ಈ ಟೆಲಿಕಾಂ ಕಂಪೆನಿಗಳಿಗೆ ಒಂದು ಅವಕಾಶವಾಗಿದೆ.

ಇದನ್ನೂ ಓದಿ : Harmful Food For Liver: ಲಿವರ್ ಆರೋಗ್ಯಕ್ಕೆ ಈ ಆಹಾರ ಸೇವನೆ ತಪ್ಪಿಸಿ

ಇದನ್ನೂ ಓದಿ : River Linking Project : ಏನಿದು ನದಿ ಜೋಡಣೆ ಯೋಜನೆ; ಇಲ್ಲಿದೆ ಸಂಪೂರ್ಣ ಮಾಹಿತಿ

(Phone Pe , Paytm Surcharge)