ಭಾರತದಲ್ಲಿ ರಿಯಲ್ ಮೀ ( Realme 16 5G) ಅಬ್ಬರ : ಅತೀ ಕಡಿಮೆ ಬೆಲೆ, ದೀರ್ಘಾವದಿ ಬ್ಯಾಟರಿ
ಈ ಫೋನ್ನ ಅತ್ಯಂತ ಆಕರ್ಷಕ ಭಾಗವೆಂದರೆ ಅದರ ಹಿಂಭಾಗದ ಕ್ಯಾಮೆರಾ ಸೆಟಪ್ ಪಕ್ಕದಲ್ಲಿ ನೀಡಿರುವ 'ಇನ್ನೋವೇಟಿವ್ ಸೆಲ್ಫಿ ಮಿರರ್'. ಸಾಮಾನ್ಯವಾಗಿ ನಮಗೆ ಸೆಲ್ಫಿ ತೆಗೆದುಕೊಳ್ಳಲು ಮುಂಭಾಗದ ಕ್ಯಾಮೆರಾ ಇರುತ್ತದೆ.
ಭಾರತೀಯ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ರಿಯಲ್ಮಿ (Realme) ಕಂಪನಿ ಇದೀಗ ಅತ್ಯಧಿಕ ಕಡಿಮೆ ಬೆಲೆಯ ಹೊಸ ಮಾದರಿಯ ಸ್ಮಾರ್ಟ್ಪೋನ್ ಪರಿಚಯಿಸಿದೆ. ಹೌದು, ಬಹುನಿರೀಕ್ಷಿತ Realme 16 5G ಸ್ಮಾರ್ಟ್ಫೋನ್ ಭಾರತದಲ್ಲಿ ಅಧಿಕೃತವಾಗಿ ಬಿಡುಗಡೆಯಾಗಿದ್ದು, ತನ್ನ ವಿಶಿಷ್ಟವಾದ ‘ಸೆಲ್ಫಿ ಮಿರರ್’ (Selfie Mirror) ತಂತ್ರಜ್ಞಾನ ಮತ್ತು ದೀರ್ಘಕಾಲ ಬಾಳಿಕೆ ಬರುವ ಬೃಹತ್ ಬ್ಯಾಟರಿಯಿಂದ ಎಲ್ಲರ ಗಮನ ಸೆಳೆಯುತ್ತಿದೆ.
ರಿಯಲ್ ಮೀ : ವಿಶಿಷ್ಟ ವಿನ್ಯಾಸ ಮತ್ತು ‘ಸೆಲ್ಫಿ ಮಿರರ್’ ವಿಶೇಷತೆ
ಈ ಫೋನ್ನ ಅತ್ಯಂತ ಆಕರ್ಷಕ ಭಾಗವೆಂದರೆ ಅದರ ಹಿಂಭಾಗದ ಕ್ಯಾಮೆರಾ ಸೆಟಪ್ ಪಕ್ಕದಲ್ಲಿ ನೀಡಿರುವ ‘ಇನ್ನೋವೇಟಿವ್ ಸೆಲ್ಫಿ ಮಿರರ್’. ಸಾಮಾನ್ಯವಾಗಿ ನಮಗೆ ಸೆಲ್ಫಿ ತೆಗೆದುಕೊಳ್ಳಲು ಮುಂಭಾಗದ ಕ್ಯಾಮೆರಾ ಇರುತ್ತದೆ. ಆದರೆ, ಹೆಚ್ಚಿನ ಮೆಗಾಪಿಕ್ಸೆಲ್ ಇರುವ ಹಿಂಭಾಗದ ಕ್ಯಾಮೆರಾದಿಂದಲೇ ಫೋಟೋ ತೆಗೆದುಕೊಳ್ಳಲು ಹಂಬಲಿಸುವವರಿಗೆ ಈ ಮಿರರ್ ಸಹಾಯ ಮಾಡುತ್ತದೆ. ಈ ಸಣ್ಣ ಮಿರರ್ ಮೂಲಕ ನೀವು ಹಿಂಬದಿಯ ಕ್ಯಾಮೆರಾವನ್ನು ಬಳಸಿ ಅತ್ಯಂತ ಸ್ಪಷ್ಟವಾದ ಮತ್ತು ಹೈ-ರೆಸಲ್ಯೂಶನ್ ಸೆಲ್ಫಿಗಳನ್ನು ಕ್ಲಿಕ್ ಮಾಡಬಹುದು. ಇದು ಇಂದಿನ ಇನ್ಸ್ಟಾಗ್ರಾಮ್ ಮತ್ತು ರೀಲ್ಸ್ ಪ್ರಿಯರಿಗೆ ವರದಾನವಾಗಲಿದೆ.
Also Read : ಶಿಯೋಮಿ 18 ಪ್ರೊ ಮ್ಯಾಕ್ಸ್ ಲೀಕ್: ಸ್ಮಾರ್ಟ್ಫೋನ್ ಜಗತ್ತಿನಲ್ಲಿ ಹೊಸ ಕ್ರಾಂತಿ; ಬರಲಿದೆ ಡ್ಯುಯಲ್ 200MP ಕ್ಯಾಮೆರಾ
ಡಿಸ್ಪ್ಲೇ ಮತ್ತು ಪರ್ಫಾರ್ಮೆನ್ಸ್ ಹೇಗಿದೆ ?
Realme 16 5G ಫೋನ್ 6.72-ಇಂಚಿನ ಫುಲ್ ಹೆಚ್ಡಿ ಪ್ಲಸ್ (FHD+) ಎಲ್ಸಿಡಿ ಡಿಸ್ಪ್ಲೇಯನ್ನು ಹೊಂದಿದೆ. ಸ್ಮೂತ್ ಸ್ಕ್ರೋಲಿಂಗ್ ಮತ್ತು ಗೇಮಿಂಗ್ ಅನುಭವಕ್ಕಾಗಿ ಕಂಪನಿಯು ಇದರಲ್ಲಿ 120Hz ರಿಫ್ರೆಶ್ ರೇಟ್ ನೀಡಿದೆ. ವೇಗದ ಕಾರ್ಯಕ್ಷಮತೆಗಾಗಿ ಮೀಡಿಯಾ ಟೆಕ್ ಡೈಮೆನ್ಸಿಟಿ (MediaTek Dimensity) ಸರಣಿಯ 5G ಪ್ರೊಸೆಸರ್ ಅಳವಡಿಸಲಾಗಿದ್ದು, ಇದು ಹೈ-ಸ್ಪೀಡ್ ಇಂಟರ್ನೆಟ್ ಮತ್ತು ಮಲ್ಟಿ-ಟಾಸ್ಕಿಂಗ್ಗೆ ಯಾವುದೇ ಅಡೆತಡೆ ಇಲ್ಲದಂತೆ ಕೆಲಸ ಮಾಡುತ್ತದೆ. ಇದರಲ್ಲಿ 8GB ವರೆಗೆ RAM ಮತ್ತು ಹೆಚ್ಚುವರಿಯಾಗಿ ವರ್ಚುವಲ್ RAM ಸೌಲಭ್ಯವೂ ಲಭ್ಯವಿದೆ.
ಕ್ಯಾಮೆರಾ ಮತ್ತು ಬ್ಯಾಟರಿ ಸಾಮರ್ಥ್ಯ
ಫೋಟೋಗ್ರಫಿ ಪ್ರಿಯರಿಗಾಗಿ ಹಿಂಭಾಗದಲ್ಲಿ 50MP ಪ್ರೈಮರಿ ಕ್ಯಾಮೆರಾ ನೀಡಲಾಗಿದ್ದು, ಇದು ಎಐ (AI) ತಂತ್ರಜ್ಞಾನದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇದು ಕಡಿಮೆ ಬೆಳಕಿನಲ್ಲೂ ಅತ್ಯುತ್ತಮ ಫೋಟೋಗಳನ್ನು ಸೆರೆಹಿಡಿಯಲು ನೆರವಾಗುತ್ತದೆ. ಇನ್ನು ಬ್ಯಾಟರಿ ವಿಚಾರಕ್ಕೆ ಬಂದರೆ, ಇದರಲ್ಲಿ 5000mAh ಸಾಮರ್ಥ್ಯದ ಬೃಹತ್ ಬ್ಯಾಟರಿ ನೀಡಲಾಗಿದೆ. ಈ ಬ್ಯಾಟರಿಯು ಸಾಮಾನ್ಯ ಬಳಕೆಯಲ್ಲಿ ಎರಡು ದಿನಗಳವರೆಗೆ ಬಾಳಿಕೆ ಬರುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ಇದರೊಂದಿಗೆ ಬಾಕ್ಸ್ನಲ್ಲಿಯೇ ವೇಗದ ಚಾರ್ಜಿಂಗ್ ಬೆಂಬಲಿಸುವ ಚಾರ್ಜರ್ ಅನ್ನು ನೀಡಲಾಗುತ್ತಿದೆ.
Also Read : Vivo X300s Launch: 7100mAh ಬ್ಯಾಟರಿ, 200MP ಕ್ಯಾಮೆರಾ! ವಿವೋನ ಈ ಹೊಸ ಫೋನ್ ವೈಶಿಷ್ಟ್ಯ ಕೇಳಿದರೆ ಬೆರಗಾಗ್ತೀರಾ
Realme 16 5G ಬೆಲೆ ಎಷ್ಟು ?
ಭಾರತದಲ್ಲಿ ರಿಯಲ್ ಮಿ 16 5ಜಿ ( Realme 16 5G) ಫೋನ್ ವಿವಿಧ ಮೆಮೊರಿ ರೂಪಾಂತರಗಳಲ್ಲಿ ಲಭ್ಯವಿರಲಿದೆ. ಇದರ ಆರಂಭಿಕ ಬೆಲೆ ಸರಿಸುಮಾರು 15,000 ರೂ. ದಿಂದ 17,000 ರೂ. ಇರಬಹುದು ಎಂದು ಅಂದಾಜಿಸಲಾಗಿದೆ. ಗ್ರಾಹಕರು ಇದನ್ನು ಪ್ರಮುಖ ಇ-ಕಾಮರ್ಸ್ ತಾಣಗಳಾದ ಫ್ಲಿಪ್ಕಾರ್ಟ್ (Flipkart), ಅಮೆಜಾನ್ (Amazon) ಮತ್ತು ರಿಯಲ್ಮಿ ಅಧಿಕೃತ ವೆಬ್ಸೈಟ್ಗಳ ಮೂಲಕ ಖರೀದಿಸಬಹುದು. ಆಕರ್ಷಕ ಬಣ್ಣಗಳಲ್ಲಿ ಲಭ್ಯವಿರುವ ಈ ಫೋನ್, ಪ್ರೀಮಿಯಂ ಲುಕ್ ಅನ್ನು ಹೊಂದಿದೆ.
ನೀವು 15 ರಿಂದ 18 ಸಾವಿರ ರೂಪಾಯಿ ಬಜೆಟ್ನಲ್ಲಿ ಒಂದು ಸ್ಟೈಲಿಶ್ ಆದ, ವೇಗದ 5G ಕನೆಕ್ಟಿವಿಟಿ ಇರುವ ಮತ್ತು ವಿಭಿನ್ನ ಫೀಚರ್ಸ್ಗಳಿರುವ ಫೋನ್ ಹುಡುಕುತ್ತಿದ್ದರೆ, ಖಂಡಿತವಾಗಿಯೂ Realme 16 5G ಒಂದು ಸ್ಮಾರ್ಟ್ ಆಯ್ಕೆಯಾಗಲಿದೆ.
realm 16 5g launched in india price specs selfie mirror feature
