Sony Compact Phone : ಸೆಪ್ಟೆಂಬರ್‌ 1ಕ್ಕೆ ಲಾಂಚ್‌ ಆಗಿಲಿರುವ ಹೊಸ ಸೋನಿ ಕಾಂಪೆಕ್ಟ್‌ ಸ್ಮಾರ್ಟ್‌ಫೋನ್‌

ಸೋನಿ (Sony) ಕಂಪನಿ ತನ್ನ ಹೊಸ ಎಕ್ಸ್‌ಪೆರಿಯಾ (Xperia) ಸ್ಮಾರ್ಟ್‌ಫೋನ್‌ (Smartphone) ಅನ್ನು ಸೆಪ್ಟೆಂಬರ್‌ ಒಂದಕ್ಕೆ (1st September) ಬಿಡುಗಡೆಮಾಡಲಿದೆ. ಈ ಸ್ಮಾರ್ಟ್‌ಫೋನ್‌ (Sony Compact Phone) ಬಿಡುಗಡೆಯಾಗಲಿರುವುದನ್ನು ಟೀಸರ್‌ ಮೂಲಕ ಕಂಪನಿ ಬಹಿರಂಗ ಪಡಿಸಿದೆ. ಸೋನಿಯ ಎಲ್ಲಾ ಸ್ಮಾರ್ಟ್‌ಫೋನ್‌ ಗಳಲ್ಲಿ ಇರುವಂತೆಯೇ ಇದರಲ್ಲಿಯೂ ಸಹ ಕ್ಯಾಮೆರಾಕ್ಕೆ ಪ್ರಾಮುಖ್ಯತೆ ನೀಡಲಿದೆ ಎಂಬುದು ಟಿಸರ್‌ ಮೂಲಕ ಗುರುತಿಸಬಹುದಾಗಿದೆ. ಬಿ ಕ್ರಿಯೇಟಿವ್‌, ಗೋ ಕಾಂಪೆಕ್ಟ್‌ ಎನ್ನುವುದು ಟೀಸರ್‌ನ ಅತಿದೊಡ್ಡ ಶೀರ್ಷಿಕೆಯಾಗಿದೆ.

ಜಪಾನೀಸ್ ಬ್ರ್ಯಾಂಡ್ ಆದ ಸೋನಿಯ ಹೊಸ ಟೀಸರ್ ವೀಡಿಯೋ “ಹೊಸ ಎಕ್ಸ್‌ಪೀರಿಯಾ ಬರುತ್ತಿದೆ…” ಎಂಬ ಶೀರ್ಷಿಕೆ ಹೊಂದಿದ್ದು, ಫೋನ್‌ನ ಕ್ಯಾಮೆರಾ ಸೆಟಪ್‌ನ ಹಲವು ವಿವರಗಳನ್ನು ಒಳಗೊಂಡಿದೆ ಎಂದು ಹೇಳಿಕೊಂಡಿದೆ. ಆದರೆ ಈ ಹೊಸ ಮಾಡೆಲ್ ಫೋನ್‌ನ ಹೆಸರು ಇನ್ನೂ ಬಹಿರಂಗವಾಗಿಲ್ಲ.

ಸೋನಿ ಎಕ್ಸ್‌ಪೀರಿಯಾ ಕಾಂಪ್ಯಾಕ್ಟ್ ಫೋನ್‌ ನಲ್ಲಿ ನಿರೀಕ್ಷಿಸಬಹುದಾದ ವೈಶಿಷ್ಟ್ಯಗಳು:
ವದಂತಿಯ ಪ್ರಕಾರ ಮುಂಬರುವ ಸೋನಿ ಎಕ್ಸ್‌ಪೀರಿಯಾ ಕಾಂಪ್ಯಾಕ್ಟ್ ಸ್ಮಾರ್ಟ್‌ಫೋನ್‌ನ ಹೊಸ ವೈಶಿಷ್ಟ್ಯಗಳನ್ನೇ ಹೊತ್ತುತರಬಹುದು ಎಂದು ನಿರೀಕ್ಷಿಸಲಾಗಿದೆ. ಹಿಂದಿನ ಸೋನಿ ಕಾಂಪ್ಯಾಕ್ಟ್ ಫೋನ್‌ ಎಕ್ಸ್‌ಪೀರಿಯಾXZ2 (Xperia XZ2) ಆಗಿತ್ತು. ಹೊಸ ಫೋನ್ ಅನ್ನು ಎಕ್ಸ್‌ಪೀರಿಯಾ 5 IV ಎಂದು ಕರೆಯಬಹುದು ಎಂದು ಕೇಳಿಬರುತ್ತಿದೆ. FCC ಪ್ರಮಾಣೀಕರಣ ಸೈಟ್‌ನಲ್ಲಿ ಇದು 6.04-ಇಂಚಿನ ಡಿಸ್ಪ್ಲೇ ಹೊಂದಿದೆ ಎಂದು ತಿಳಿದುಬಂದಿದೆ.

ಇದು ಪ್ರಮುಖವಾಗಿ ಸ್ನಾಪ್‌ಡ್ರಾಗನ್ 8+ Gen1 ಪ್ರೊಸೆಸರ್‌, ಸಣ್ಣ ಬ್ಯಾಟರಿಯನ್ನು ಹೊಂದಿದ್ದು, ವೇಗದ ಚಾರ್ಜಿಂಗ್, ವೈರ್‌ಲೆಸ್ ಚಾರ್ಜಿಂಗ್ ಮತ್ತು ರಿವರ್ಸ್ ವೈರ್‌ಲೆಸ್ ಚಾರ್ಜಿಂಗ್ ಬೆಂಬಲವನ್ನು ಸಹ ನೀಡುತ್ತದೆ.

ಇದನ್ನೂ ಓದಿ : Jio 5G first smartphone : ಮಾರುಕಟ್ಟೆಗೆ ಬಂದ ಮೊದಲ ಜಿಯೋದ 5G ಸ್ಮಾರ್ಟ್‌ಫೋನ್: ಬೆಲೆ ಮತ್ತು ವೈಶಿಷ್ಟ್ಯತೆ

ಸೋನಿ ಎಕ್ಸ್‌ಪೀರಿಯಾ 5 IV 3.5 ಎಂಎಂ ಆಡಿಯೊ ಜ್ಯಾಕ್ ಬೆಂಬಲಿಸವುದನ್ನು ಎಫ್‌ಸಿಸಿ ಪ್ರಮಾಣೀಕರಣವು ದೃಢಪಡಿಸಿದೆ. ಇತ್ತೀಚಿನ ದಿನಗಳಲ್ಲಿ ಅನೇಕ ಫ್ಲ್ಯಾಗ್‌ಶಿಪ್‌ಗಳು ವೈಶಿಷ್ಟ್ಯವನ್ನು ಬಿಟ್ಟಿವೆ. ಸುಲಭವಾದ ಲೈವ್-ಸ್ಟ್ರೀಮಿಂಗ್ ಸೆಟ್ಟಿಂಗ್‌ಗಳೊಂದಿಗೆ ವೀಡಿಯೊಗಳನ್ನು ಶೂಟ್ ಮಾಡಲು ಎಕ್ಸ್‌ಪೀರಿಯಾ ಕಾಂಪ್ಯಾಕ್ಟ್ ಫೋನ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಟೀಸರ್‌ನಲ್ಲಿ ತೋರಿಸಲಾಗಿದೆ. ಸೋನಿ ಎಕ್ಸ್‌ಪೀರಿಯಾ ಫೋನ್ ಲಾಂಚ್ ಈವೆಂಟ್ ಮುಂಬರುವ ಶಾಪಿಂಗ್ ಮೋಡ್ ಸೋನಿ ಈವೆಂಟ್ ಅನ್ನು ಸೆಪ್ಟೆಂಬರ್ 1 ರಂದು ಜಪಾನೀಸ್ ಸ್ಟ್ಯಾಂಡರ್ಡ್ ಸಮಯ 4 ಗಂಟೆಗೆ ನಿಗದಿಪಡಿಸಲಾಗಿದೆ (ಭಾರತೀಯ ಕಾಲಮಾನ ಸುಮಾರು 12:30). ಇಲ್ಲಿ ಎಂಬೆಡ್ ಮಾಡಲಾದ ಲೈವ್-ಸ್ಟ್ರೀಮ್ YouTube ಲಿಂಕ್ ಮೂಲಕ ಈವೆಂಟ್ ಅನ್ನು ವೀಕ್ಷಿಸಬಹುದಾಗಿದೆ. ಈ ಕಾಂಪ್ಯಾಕ್ಟ್ ಫೋನ್ ಹೊರತಾಗಿ, ಸೋನಿ ಮತ್ತೊಂದು ಸಾಧನವನ್ನು ಪ್ರಾರಂಭಿಸುವ ನಿರೀಕ್ಷೆಯಿದೆ.

ಈವೆಂಟ್‌ನ ನಂತರ ಕೆಲವೇ ದಿನಗಳಲ್ಲಿ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಸೋನಿ ಪುನರಾಗಮನದ ಗುರಿಯನ್ನು ಹೊಂದಿರುವಂತೆ ಅದರ ನೋಟದಿಂದಲೇ ತೋರುತ್ತಿದೆ. ಸೋನಿ ತನ್ನ ಹೊಸ ಕಾಂಪ್ಯಾಕ್ಟ್ ಫೋನ್‌ನೊಂದಿಗೆ ಖರೀದಿದಾರರನ್ನು ಆಕರ್ಷಿಸುವ ಗುರಿಯನ್ನು ಹೊಂದಿದೆ.

ಇದನ್ನೂ ಓದಿ : Gold price down today : ಗುಡ್‌ನ್ಯೂಸ್‌, ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆ

(Sony Compact Phone will launch for 1st September)