ಭಾರತದ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಕ್ಯಾಮೆರಾ ಜೊತೆಗೆ ಉತ್ತಮ ವಿನ್ಯಾಸದ ಮೂಲಕ ಗಮನ ಸೆಳೆದಿರುವ ವಿವೋ (Vivo)ಕಂಪೆನಿ ಇದೀಗ ವಿವೋ ವಿ70 ಎಲೈಟ್ ( Vivo V70 Elite) ಸ್ಮಾರ್ಟ್ಫೋನ್ ಅನ್ನು ಅಧಿಕೃತವಾಗಿ ಬಿಡುಗಡೆ ಮಾಡಿದೆ.
ಮಧ್ಯಮ ವರ್ಗದವರನ್ನೇ ಗುರಿಯಾಗಿಸಿಟ್ಟುಕೊಂಡು ಮಧ್ಯಮ ಶ್ರೇಣಿಯ (Premium Mid-range) ಮಾರುಕಟ್ಟೆಯನ್ನು ಗುರಿಯಾಗಿಸಿಕೊಂಡು ಬಂದಿರುವ ಈ ಫೋನ್, ತನ್ನ ಅತ್ಯಾಧುನಿಕ ಫೀಚರ್ಸ್ಗಳಿಂದ ಗ್ರಾಹಕರ ಗಮನ ಸೆಳೆಯುತ್ತಿದೆ.
ಭಾರತದಲ್ಲಿ Vivo V70 Elite ಬೆಲೆ ಎಷ್ಟು ?
ಭಾರತದಲ್ಲಿ Vivo V70 Elite ಸ್ಮಾರ್ಟ್ಫೋನ್ ವಿವಿಧ ಸ್ಟೋರೇಜ್ ಆಯ್ಕೆಗಳಲ್ಲಿ ಲಭ್ಯವಿದೆ. ಇದರ ಬೆಲೆ ವಿವರಗಳು ಈ ಕೆಳಗಿನಂತಿವೆ:
- 8GB RAM + 256GB ಸ್ಟೋರೇಜ್: ಅಂದಾಜು ₹51,999.
- 12GB RAM + 256GB ಸ್ಟೋರೇಜ್: ಅಂದಾಜು ₹56,999.
- 12GB RAM + 512GB ಸ್ಟೋರೇಜ್: ಅಂದಾಜು ₹61,999.
ಈ ಸ್ಮಾರ್ಟ್ಫೋನ್ ಪ್ಯಾಶನ್ ರೆಡ್, ಸ್ಯಾಂಡ್ ಬೀಜ್ ಮತ್ತು ಅಥೆಂಟಿಕ್ ಬ್ಲಾಕ್ ಎಂಬ ಆಕರ್ಷಕ ಬಣ್ಣಗಳಲ್ಲಿ ದೊರೆಯಲಿದೆ. ಫೆಬ್ರವರಿ 25 ರಿಂದ ಅಧಿಕೃತವಾಗಿ ಮಾರಾಟ ಆರಂಭವಾಗಲಿದ್ದು, ಪ್ರಮುಖ ಇ-ಕಾಮರ್ಸ್ ತಾಣಗಳಲ್ಲಿ ಮತ್ತು ಆಫ್ಲೈನ್ ಸ್ಟೋರ್ಗಳಲ್ಲಿ ಖರೀದಿಗೆ ಲಭ್ಯವಿರುತ್ತದೆ.
Also Read : ನಿರೀಕ್ಷೆಗಿಂತಲೂ ಮೊದಲೇ ಬಿಡುಗಡೆಯಾಗಲಿದೆ ಗೂಗಲ್ ಪಿಕ್ಸೆಲ್ 10ಎ: ಬೆಲೆ, ವೈಶಿಷ್ಟ್ಯಗಳೇನು?
ವಿವೋ ವಿ70 ಎಲೈಟ್ ವೈಶಿಷ್ಟ್ಯಗಳೇನು ? (Top Features)
- ಅದ್ಭುತ ಡಿಸ್ಪ್ಲೇ ಮತ್ತು ಡಿಸೈನ್
Vivo V70 Elite 6.59 ಇಂಚಿನ 1.5K Ultra Clear OLED ಡಿಸ್ಪ್ಲೇ ಹೊಂದಿದೆ. ಇದು 120Hz ರಿಫ್ರೆಶ್ ರೇಟ್ ಬೆಂಬಲದೊಂದಿಗೆ ಅತ್ಯಂತ ಸುಗಮ ಅನುಭವ ನೀಡುತ್ತದೆ. ಈ ಫೋನಿನ ಪ್ರಮುಖ ಆಕರ್ಷಣೆಯೆಂದರೆ ಇದರ ಅತಿ ಸಣ್ಣ ಬೆಜೆಲ್ಸ್ (Bezels). ಕೇವಲ 1.25mm ಗಾತ್ರದ ಬೆಜೆಲ್ಸ್ ಹೊಂದಿರುವುದು ಬಳಕೆದಾರರಿಗೆ ಸಿನಿಮೀಯ ಅನುಭವ ನೀಡುತ್ತದೆ. ಇದರ ಗರಿಷ್ಠ ಬ್ರೈಟ್ನೆಸ್ 5,000 ನಿಟ್ಸ್ ಆಗಿರುವುದರಿಂದ ನೇರ ಸೂರ್ಯನ ಬೆಳಕಿನಲ್ಲೂ ಸ್ಕ್ರೀನ್ ಸ್ಪಷ್ಟವಾಗಿ ಕಾಣಿಸುತ್ತದೆ.
- ಪವರ್ಫುಲ್ ಪ್ರೊಸೆಸರ್
ಕಾರ್ಯಕ್ಷಮತೆಯ ವಿಷಯದಲ್ಲಿ ವಿವೋ ಯಾವುದೇ ರಾಜಿ ಮಾಡಿಕೊಂಡಿಲ್ಲ. ಈ ಫೋನ್ ಅತ್ಯಂತ ಶಕ್ತಿಶಾಲಿ Qualcomm Snapdragon 8s Gen 3 ಚಿಪ್ಸೆಟ್ ಹೊಂದಿದೆ. ಇದು ಗೇಮಿಂಗ್ ಮತ್ತು ಮಲ್ಟಿಟಾಸ್ಕಿಂಗ್ಗೆ ಹೇಳಿ ಮಾಡಿಸಿದಂತಿದೆ. ಆಂಡ್ರಾಯ್ಡ್ 16 ಆಧಾರಿತ OriginOS 6 ಮೂಲಕ ಇದು ಕಾರ್ಯನಿರ್ವಹಿಸುತ್ತದೆ.
- Zeiss ಕ್ಯಾಮೆರಾ ಮ್ಯಾಜಿಕ್
- ಫೋಟೋಗ್ರಫಿ ಪ್ರಿಯರಿಗಾಗಿ ಈ ಫೋನ್ನಲ್ಲಿ 50MP Zeiss ಸಹಭಾಗಿತ್ವದ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ನೀಡಲಾಗಿದೆ.
- 50MP ಮುಖ್ಯ ಕ್ಯಾಮೆರಾ: Sony IMX882 ಸೆನ್ಸಾರ್ ಮತ್ತು OIS ತಂತ್ರಜ್ಞಾನ.
- 50MP ಟೆಲಿಫೋಟೋ ಲೆನ್ಸ್: 3x ಆಪ್ಟಿಕಲ್ ಜೂಮ್ ಸೌಲಭ್ಯ.
- 50MP ಸೆಲ್ಫಿ ಕ್ಯಾಮೆರಾ: ಅತ್ಯುತ್ತಮವಾದ ವ್ಲಾಗ್ ಮತ್ತು ಸೆಲ್ಫಿಗಳಿಗಾಗಿ ಮುಂಭಾಗದಲ್ಲೂ ಶಕ್ತಿಶಾಲಿ ಲೆನ್ಸ್ ನೀಡಲಾಗಿದೆ.
- ಬೃಹತ್ ಬ್ಯಾಟರಿ ಮತ್ತು ಫಾಸ್ಟ್ ಚಾರ್ಜಿಂಗ್
Also Read : Instagram Virus : ಉಡುಪಿ–ಕುಂದಾಪುರದಲ್ಲಿ ಹರಡುತ್ತಿರುವ ‘ಇನ್ಸ್ಟಾಗ್ರಾಂ ವೈರಸ್’
ಈ ಸ್ಮಾರ್ಟ್ಫೋನ್ನಲ್ಲಿ 6,500mAh ಸಾಮರ್ಥ್ಯದ ‘BlueVolt’ ಬ್ಯಾಟರಿಯನ್ನು ಅಳವಡಿಸಲಾಗಿದೆ. ಇದು ದೀರ್ಘಕಾಲದ ಬಳಕೆಗೆ ನೆರವಾಗುತ್ತದೆ. ಜೊತೆಗೆ 90W FlashCharge ವೇಗದ ಚಾರ್ಜಿಂಗ್ ಸೌಲಭ್ಯದ ಮೂಲಕ ಕೆಲವೇ ನಿಮಿಷಗಳಲ್ಲಿ ಫೋನ್ ಫುಲ್ ಚಾರ್ಜ್ ಆಗುತ್ತದೆ.
ವಿವೋ ವಿ70 ಎಲೈಟ್ನಲ್ಲಿ ಪ್ರೀಮಿಯಂ ಕ್ಯಾಮೆರಾ, ಶಕ್ತಿಶಾಲಿ ಪ್ರೊಸೆಸರ್ ಮತ್ತು ಅತ್ಯುತ್ತಮ ಬ್ಯಾಟರಿ ಬಾಳಿಕೆ ಇರುವ ಸ್ಮಾರ್ಟ್ಫೋನ್ ಹುಡುಕುತ್ತಿದ್ದರೆ, Vivo V70 Elite ಖಂಡಿತವಾಗಿಯೂ ಉತ್ತಮ ಆಯ್ಕೆಯಾಗಿದೆ. ವಿಶೇಷವಾಗಿ ಇದರ ಸ್ಲಿಮ್ ಡಿಸೈನ್ ಮತ್ತು ಅಲ್ಟ್ರಾಸಾನಿಕ್ ಫಿಂಗರ್ಪ್ರಿಂಟ್ ಸೆನ್ಸರ್ ಇದನ್ನು ಮಾರುಕಟ್ಟೆಯ ಇತರ ಫೋನ್ಗಳಿಗಿಂತ ಭಿನ್ನವಾಗಿಸುತ್ತದೆ.