ಜಾಗತಿಕವಾಗಿ ಲಾಂಚ್​ ಆಗಿದೆ ಹೊಸ ಆವೃತ್ತಿಯ ಹಿಮಾಲಯನ್​ ಮೋಟಾರ್​ ಸೈಕಲ್​: ಇಲ್ಲಿದೆ ವಿಶೇಷತೆ

ಬೈಕ್​ ಪ್ರಿಯರು ರಾಯಲ್​ ಎನ್​ಫೀಲ್ಡ್​ ಬೈಕ್​ಗಳ ಬಗ್ಗೆ ಬರೋ ಯಾವುದೇ ಅಪ್​ಡೇಟ್​​ಗಳನ್ನು ಬಿಡೋದಿಲ್ಲ. ನೀವು ಕೂಡ ರಾಯಲ್​ ಎನ್​ಫೀಲ್ಡ್​ ಪ್ರಿಯರಾಗಿದ್ದರೆ ಈ ಸುದ್ದಿ ನಿಮಗಾಗಿ ಎಂದೇ ಹೇಳಬಹುದು. ಹೌದು..! ರಾಯಲ್​ ಎನ್​ಫೀಲ್ಡ್​ ಇಂದು ಇಟಲಿಯ ಮಿಲನ್​ನಲ್ಲಿ ನಡೆದ EICMA ಮೋಟಾರ್​ ಶೋನಲ್ಲಿ ತನ್ನ ಹೊಸ ಹಿಮಾಲಯನ್​ (Himalayan) ಬೈಕ್​ನ್ನು ಅನಾವರಣಗೊಳಿಸಿದೆ.

ಹಳೆಯ ಹಿಮಾಲಯನ್​ ಬೈಕ್​ಗೆ ಹೋಲಿಕೆ ಮಾಡಿದರೆ ಹಗುರವಾದ ಹಾಗೂ ತಾಂತ್ರಿಕವಾಗಿ ಹೆಚ್ಚು ಸುಧಾರಣೆಗೊಂಡ ಈ ಬೈಕ್​​ ಕಳೆದ ಕೆಲವು ದಿನಗಳಿಂದ ಸದ್ದು ಮಾಡುತ್ತಲೇ ಇದೆ. 2023ರ ಹಿಮಾಲಯನ್​​ ಹೊಸ ಶೆರ್ಪಾ 450 ಲಿಕ್ವಿಡ್​ ಕೂಲ್ಡ್​ ಎಂಜಿನ್​ ಚಾಲಿತವಾಗಿದೆ. ಈ ಬೈಕ್​ನ್ನು ಈ ವರ್ಷಾಂತ್ಯದ ಮುನ್ನವೇ ಭಾರತದಲ್ಲಿ ಲಾಂಚ್​ ಮಾಡುತ್ತೇವೆ ಎಂದು ಕಂಪನಿ ತಿಳಿಸಿದೆ.

ಇದಾದ ಬಳಿಕ ಯುರೋಪ್​, ಏಷ್ಯಾ- ಪೆಸಿಫಿಕ್​ ಪ್ರದೇಶ ಹಾಗೂ ಅಮೆರಿಕದಲ್ಲಿ ಹಿಮಾಲಯನ್​ ಲಾಂಚ್​ ಆಗಲಿದೆ ಎಂದು ಕಂಪನಿ ತಿಳಿಸಿದೆ. ರಾಯಲ್​ ಎನ್​ಫೀಲ್ಡ್​ ಕಂಪನಿ ನೀಡಿರುವ ಮಾಹಿತಿಯ ಪ್ರಕಾರ, ಬ್ರಿಟನ್​, ಸ್ಪೇನ್​ ಹಾಗೂ ಭಾರತದಲ್ಲಿರುವ ಪರೀಕ್ಷಾ ಕೇಂದ್ರಗಳು ಹೊಸ ಹಿಮಾಲಯನ್​ ಅಭಿವೃದ್ಧಿಪಡಿಸುವ ಕಾರ್ಯ ಮಾಡಿವೆ ಎನ್ನಲಾಗಿದೆ.

ಇದನ್ನೂ ಓದಿ : ಅತ್ಯಂತ ಕಡಿಮೆ ಬಡ್ಡಿದರದಲ್ಲಿ ಕಾರು ಲೋನ್‌ ಆಫರ್‌ ನೀಡುತ್ತಿವೆ ಈ ಬ್ಯಾಂಕ್‌ಗಳು

ಈ ಬೈಕ್​ನ್ನು ಚೆನ್ನೈನ 22 ಅಡಿಯಿಂದ 19.024 ಅಡಿಯವರೆಗೆ ಉಮ್ಲಿಂಗ್​​ ಲಾನಲ್ಲಿ 5500 ಕಿ.ಮೀಗಿಂತ ಹೆಚ್ಚು ಕಾಲ ಪರೀಕ್ಷೆ ಮಾಡಲಾಗಿದೆ. 2023ನೇ ಆವೃತ್ತಿಯ ಹಿಮಾಲಯನ್​ ಬೈಕ್​ಗಳು ಹೊಸ ಹಾಗೂ ಶಕ್ತಿಶಾಲಿ ಶೆರ್ಪಾ 450 ಎಂಜಿನ್​ ಹೊಂದಿವೆ. ಇದು ರಾಯಲ್​ ಎನ್​ಫೀಲ್ಡ್​ನ ಮೊದಲ ಲಿಕ್ವಿಡ್​ ಕೂಲ್ಡ್​ ಇಂಜಿನ್​ ಆಗಿದೆ.

ಈ 452cc, ಲಿಕ್ವಿಡ್-ಕೂಲ್ಡ್, ಸಿಂಗಲ್-ಸಿಲಿಂಡರ್, DOHC, EFI ಎಂಜಿನ್, 40.02PS ಗರಿಷ್ಠ ಶಕ್ತಿ ಮತ್ತು 40Nm ಪೀಕ್ ಟಾರ್ಕ್ ಅನ್ನು ಅಭಿವೃದ್ಧಿ ಪಡಿಸುತ್ತದೆ. ಎಂಜಿನ್ ಅನ್ನು 6-ಸ್ಪೀಡ್ ಗೇರ್‌ಬಾಕ್ಸ್‌ಗೆ ಜೋಡಿಸಲಾಗಿದೆ.ಅತ್ಯುತ್ತಮ ಕೂಲಿಂಗ್‌ಗಾಗಿ ಸಮಗ್ರ ನೀರಿನ ಪಂಪ್ ಮತ್ತು ಟ್ವಿನ್-ಪಾಸ್ ರೇಡಿಯೇಟರ್ ಸೆಟಪ್ ಅನ್ನು ಅಳವಡಿಸಲಾಗಿದೆ. ಸ್ಲಿಪ್ ಮತ್ತು ಅಸಿಸ್ಟ್ ಕ್ಲಚ್ ಕೂಡ ಇದೆ.

ಇದನ್ನೂ ಓದಿ : ಕೇವಲ 8.69 ಲಕ್ಷ ರೂ.ಬೆಲೆಗೆ ಟಾಟಾ ಟಿಯಾಗೊ ಇವಿ : ಎಲೆಕ್ಟ್ರಿಕ್ ಕಾರಿನ ಮಾರಾಟದ ಮೇಲೆ ಭರ್ಜರಿ ಆಫರ್‌

2023ನೇ ಆವೃತ್ತಿಯ ಹಿಮಾಲಯನ್ ಮೋಟರ್​ ಸೈಕಲ್​ಗಳು ಹೊಸ ಸ್ಟೀಲ್​ ಸ್ಟಾರ್​ ಫ್ರೇಂ ಹೊಂದಿವೆ. ಇದು ಗಟ್ಟಿಯಾಗಿದೆ. ಅಲ್ಲದೇ ಈ ಬೈಕುಗಳಲ್ಲಿ 200mm ಚಕ್ರ ಇರಿಸಲಾಗಿದ್ದು ಆರಾಮದಾಯಕ ಪ್ರಯಾಣದ ಅನುಭವವನ್ನು ನೀಡುತ್ತವೆ. ಹೊಸದಾಗಿ ಅಭಿವೃದ್ಧಿಪಡಿಸಿದ ಅಲ್ಯೂಮಿನಿಯಂ ಮಿಶ್ರಲೋಹದ ರಿಮ್‌ಗಳು ಮತ್ತು ಬೆಸ್ಪೋಕ್ ಟೈರ್‌ಗಳೊಂದಿಗೆ ಮುಂಭಾಗದಲ್ಲಿ 21-ಇಂಚಿನ ಚಕ್ರ ಮತ್ತು ಹಿಂಭಾಗದಲ್ಲಿ 17-ಇಂಚಿನ ಚಕ್ರವಿದೆ.

ಮುಂಭಾಗದಲ್ಲಿ (320 ಮಿಮೀ) ಮತ್ತು ಹಿಂಭಾಗದಲ್ಲಿ (270 ಮಿಮೀ) ಪ್ರತಿ ಡಿಸ್ಕ್ ಇದೆ. ಸ್ವಿಚ್ ಮಾಡಬಹುದಾದ ಡ್ಯುಯಲ್-ಚಾನೆಲ್ ABS ಸಹ ಲಭ್ಯವಿದೆ, 2023 ರ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ ಬೆಲೆ ಸುಮಾರು 2.50 ಲಕ್ಷ ರೂಪಾಯಿ (ಎಕ್ಸ್ ಶೋ ರೂಂ) ಆಗಬಹುದು ಎಂದು ಅಂದಾಜಿಸಲಾಗಿದೆ.

ಇದನ್ನೂ ಓದಿ : ದೀಪಾವಳಿ ಹಬ್ಬಕ್ಕೆ ಇಲ್ಲಿದೆ ಬಂಪರ್​ : ಒಂದು ಎಲೆಕ್ಟ್ರಿಕ್​ ಸ್ಕೂಟರ್​ ಖರೀದಿಗೆ ಇನ್ನೊಂದು ಇ ಸ್ಕೂಟರ್​ ಉಚಿತ

ಪ್ರಸ್ತುತ ಮಾರುಕಟ್ಟೆಯಲ್ಲಿ ಇರುವ ಹಿಮಾಲಯನ್​ ಮೋಟಾರ್​ ಸೈಕಲ್​ ಮಾದರಿಯ ಬೆಲೆ 2.16 ಲಕ್ಷ ಮತ್ತು 2.28 ಲಕ್ಷ (ಎಕ್ಸ್ ಶೋ ರೂಂ) ಇದೆ ಎಂದು ಕಂಪನಿ ತಿಳಿಸಿದೆ.

royal enfield New himalayan makes global debut at eicma motor show 2023