ಅಶ್ವಿನಿ, ಜಾನವಿ ಮಾಡೋದೆಲ್ಲ ಬರಿ ನಾಟಕ ಎಂದ ನೆಟ್ಟಿಗರು

ಬಿಗ್‌ ಬಾಸ್ ಮನೆಯಲ್ಲಿ ಅಶ್ವಿನಿ ಗೌಡ (Ashwini ) ಮತ್ತು ಜಾನ್ನವಿ (Janhvi) ಅವರ ಸ್ನೇಹದ ಕಥೆಯು ಮೊದಲ ದಿನದಿಂದಲೇ ವೀಕ್ಷಕರ ಗಮನ ಸೆಳೆದಿತ್ತು. ಆಪ್ತ ಗೆಳತಿಯರಾಗಿದ್ದ ಇವರಿಬ್ಬರ ನಡುವೆ ನಂತರದ ದಿನಗಳಲ್ಲಿ ಬಿರುಕು ಮೂಡಿ, ಕಟು ವಿವಾದಗಳು ಮತ್ತು ದೂರವಾಗುವಿಕೆ ಸಂಭವಿಸಿತ್ತು.

ಇಬ್ಬರೂ ಸ್ಪಷ್ಟವಾಗಿ ಒಬ್ಬರ ವಿರುದ್ಧ ಒಬ್ಬರು ಮಾತನಾಡಿಕೊಂಡು, ಬಿಗ್‌ ಬಾಸ್‌ ಮನೆಯಲ್ಲಿ ವೈಯಕ್ತಿಕ ಘರ್ಷಣೆಗಳಿಗೆ ವೇದಿಕೆಯಾಗಿದ್ದರು. ತಮ್ಮ ಸ್ನೇಹದ ಮುಖವಾಡದ ಹಿಂದೆ ಜಾಹ್ನವಿ ತಮಗೆ “ಬಾವಿ ತೋಡುತ್ತಿದ್ದಾರೆ” ಎಂದು ಅಶ್ವಿನಿ ಗೌಡ ಒಂದು ಹಂತದಲ್ಲಿ ಬಹಿರಂಗವಾಗಿ ಆರೋಪಿಸಿದ್ದರು.

​ಆದರೆ, ಇತ್ತೀಚೆಗೆ “ಲೆಟರ್ ಟಾಸ್ಕ್” ನಡೆದ ಸಂದರ್ಭದಲ್ಲಿ ಇವರಿಬ್ಬರೂ ಮತ್ತೆ ಒಂದಾಗಲು ಪ್ರಯತ್ನಿಸಿರುವ ರೀತಿ ವೀಕ್ಷಕರಿಗೆ ನಿಜಕ್ಕೂ ಅಚ್ಚರಿ ಮೂಡಿಸಿದೆ. ಸ್ಪರ್ಧಿಗಳ ಕುಟುಂಬ ಸದಸ್ಯರಿಂದ ಬಂದಿರುವ ವೈಯಕ್ತಿಕ ಪತ್ರಗಳನ್ನು ಪಡೆಯಲು ಒಂದು ಸವಾಲನ್ನು ನೀಡಲಾಗಿತ್ತು. ಇದೇ ಸಂದರ್ಭದಲ್ಲಿ, ಅಶ್ವಿನಿ ಗೌಡ ಅವರು ತಮ್ಮ ಮಗನಿಗೆ ಬಂದಿದ್ದ ಪತ್ರವನ್ನು ತ್ಯಾಗ ಮಾಡಿ, ಆ ಪತ್ರವನ್ನು ಜಾನ್ನವಿಗೆ ನೀಡಲು ಮುಂದಾದರು.

​ನಾಟಕವೋ, ನಿಜವಾದ ತ್ಯಾಗವೋ? ವೀಕ್ಷಕರ ಪ್ರತಿಕ್ರಿಯೆಗಳು!

​ಈ ಸಂದರ್ಭದಲ್ಲಿ ಅಶ್ವಿನಿ ಗೌಡ (Ashwini ) ಅವರು ನೀಡಿದ ಕಾರಣ, ವೀಕ್ಷಕರ ನಡುವೆ ದೊಡ್ಡ ಚರ್ಚೆಗೆ ಕಾರಣವಾಗಿದೆ. “ನನ್ನ ಮಗನಿಗೆ ಈಗಾಗಲೇ ಅವನ ತಂದೆಯ ಪ್ರೀತಿ ಮತ್ತು ಸಾಂತ್ವನ ಸಿಕ್ಕಿದೆ, ಆದರೆ ಜಾನ್ನವಿ ಅವರ ಮಗನಿಗೆ ಅವರ ಗಂಡನ ಪ್ರೀತಿ ಸಿಕ್ಕಿಲ್ಲ,

ಹಾಗಾಗಿ ಜಾಹ್ನವಿ (Janhvi) ಗೆ ಅವರ ಪತ್ರ ಸಿಗುವುದು ಹೆಚ್ಚು ಮುಖ್ಯ” ಎಂದು ಅಶ್ವಿನಿ ಗೌಡ ಹೇಳಿದ್ದಾರೆ. ಜಾಹ್ನವಿ ಅವರು ಕೂಡ ತಮ್ಮ ವೈವಾಹಿಕ ಜೀವನದಲ್ಲಿ ಎದುರಿಸಿರುವ ಸವಾಲುಗಳನ್ನು ಮನೆಯಲ್ಲಿ ಬಹಿರಂಗಪಡಿಸಿದ್ದರು.

​ಇಂತಹ ಒಂದು ಭಾವನಾತ್ಮಕ ಸನ್ನಿವೇಶದ ನಂತರ ಇವರಿಬ್ಬರೂ ಮತ್ತೆ ಆಪ್ತರಾಗಲು ಪ್ರಯತ್ನಿಸುತ್ತಿರುವುದು ಸ್ಪಷ್ಟವಾಗಿದೆ. ಆದರೆ, ಇಡೀ ಘಟನೆಯನ್ನು ನೋಡಿದ ಬಹುತೇಕ ವೀಕ್ಷಕರು ಇದು “ಕೇವಲ ನಾಟಕ” (ಪಬ್ಲಿಸಿಟಿ ಸ್ಟಂಟ್) ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಮನೆಯಲ್ಲಿ ಉಳಿಯುವ ಸಲುವಾಗಿ ಮತ್ತು ಇಮೇಜ್ ಬದಲಾವಣೆಗಾಗಿ ಈ ಇಬ್ಬರೂ ಸ್ಪರ್ಧಿಗಳು ಭಾವನಾತ್ಮಕ ಅಂಶಗಳನ್ನು ಬಳಸುತ್ತಿದ್ದಾರೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗಳು ವ್ಯಕ್ತವಾಗಿವೆ.

ಬಿಗ್‌ ಬಾಸ್‌ ಮನೆಯಲ್ಲಿ ಗೆಲುವಿಗಾಗಿ ಸ್ನೇಹ ಮತ್ತು ದ್ವೇಷವು ಕ್ಷಣಾರ್ಧದಲ್ಲಿ ಬದಲಾಗುವುದು ಸಾಮಾನ್ಯ. ಈ ಘಟನೆಯು ಅದರ ಮತ್ತೊಂದು ಉದಾಹರಣೆಯಾಗಿದೆ ಎಂಬುದು ವೀಕ್ಷಕರ ಪ್ರಬಲ ವಾದವಾಗಿದೆ. ಅಶ್ವಿನಿ ಮತ್ತು ಜಾನ್ನವಿ ಅವರ ಈ ಹೊಸ ಸ್ನೇಹ ಕೇವಲ ಟಾಸ್ಕ್‌ನವರೆಗೂ ಇರುತ್ತದೆಯೇ ಅಥವಾ ಮುಂದುವರೆಯುತ್ತದೆಯೇ ಎಂಬುದನ್ನು ಕಾದು ನೋಡಬೇಕಿದೆ.