ಕಿಚ್ಚ ಸುದೀಪ್‌ಗೆ ಸಂಕಷ್ಟ ತಂದ ಬಿಗ್‌ ಬಾಸ್! ದೂರು ದಾಖಲು

Bigg Boss 12 case against Kiccha Sudeepa: ಬೆಂಗಳೂರು: ಖ್ಯಾತ ನಟ ಹಾಗೂ ಬಿಗ್ ಬಾಸ್ ಕನ್ನಡ ಸೀಸನ್ 12ರ ನಿರೂಪಕ ಕಿಚ್ಚ ಸುದೀಪ್ ಅವರು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ವಾರಾಂತ್ಯದ ಎಪಿಸೋಡ್‌ನಲ್ಲಿ ರಣಹದ್ದುಗಳ ಬಗ್ಗೆ ತಪ್ಪು ಮಾಹಿತಿ ನೀಡಿದ್ದಾರೆ ಎಂದು ಆರೋಪಿಸಿ ‘ರಣಹದ್ದು ಸಂರಕ್ಷಣಾ ಟ್ರಸ್ಟ್’ ಅರಣ್ಯ ಇಲಾಖೆಗೆ (DFO) ದೂರು ದಾಖಲಿಸಿದೆ.

ವಿವಾದಕ್ಕೆ ಕಾರಣವೇನು?
ಇತ್ತೀಚಿನ ವೀಕೆಂಡ್ ಎಪಿಸೋಡ್‌ನಲ್ಲಿ ಮಾತನಾಡುತ್ತಾ ಸುದೀಪ್ ಅವರು, “ರಣಹದ್ದುಗಳು ಹೊಂಚು ಹಾಕಿ, ಸಂಚು ಹೂಡಿ ಲಬಕ್ ಎಂದು ಬೇಟೆಯಾಡುತ್ತವೆ” ಎಂಬ ಅರ್ಥದಲ್ಲಿ ಬಿಂಬಿಸಿದ್ದರು. ಆದರೆ, ಇದು ವೈಜ್ಞಾನಿಕವಾಗಿ ತಪ್ಪು ಎಂದು ಪರಿಸರ ಪ್ರೇಮಿಗಳು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ.

ದೂರುದಾರರು ಮತ್ತು ತಜ್ಞರ ವಾದ:
ದೂರಿನ ಕುರಿತು ಪ್ರತಿಕ್ರಿಯಿಸಿರುವ ಡಿಎಫ್‌ಒ ರಾಮಕೃಷ್ಣ ಮತ್ತು ಟ್ರಸ್ಟ್ ಪದಾಧಿಕಾರಿಗಳು ಈ ಕೆಳಗಿನ ಅಂಶಗಳನ್ನು ಒತ್ತಿ ಹೇಳಿದ್ದಾರೆ:

ಬೇಟೆಯಾಡುವುದಿಲ್ಲ: ರಣಹದ್ದುಗಳು ಜೀವಂತ ಪ್ರಾಣಿಗಳನ್ನು ಎಂದಿಗೂ ಬೇಟೆಯಾಡುವುದಿಲ್ಲ. ಅವು ಕೇವಲ ಸತ್ತ ಪ್ರಾಣಿಗಳ ಅವಶೇಷಗಳನ್ನು ತಿಂದು ಪರಿಸರವನ್ನು ಸ್ವಚ್ಛವಾಗಿಡುವ ‘ಪರಿಸರ ಸ್ನೇಹಿ’ ಪಕ್ಷಿಗಳು.

ಸ್ಪಷ್ಟನೆಗೆ ಆಗ್ರಹ: ದೊಡ್ಡ ವಾಹಿನಿಯ ಮೂಲಕ ಇಂತಹ ತಪ್ಪು ಮಾಹಿತಿ ಬಿತ್ತರವಾಗಿರುವುದರಿಂದ, ಸುದೀಪ್ ಅವರು ಈ ಬಗ್ಗೆ ಸ್ಪಷ್ಟನೆ ನೀಡಬೇಕು ಮತ್ತು ಮುಂದೆ ಇಂತಹ ತಪ್ಪುಗಳಾಗದಂತೆ ನೋಡಿಕೊಳ್ಳಬೇಕು ಎಂದು ಆಗ್ರಹಿಸಲಾಗಿದೆ.

ಹೋರಾಟಕ್ಕೆ ಧಕ್ಕೆ: ರಣಹದ್ದುಗಳ ಸಂತತಿ ಉಳಿಸಲು ದಶಕಗಳಿಂದ ಹೋರಾಟ ನಡೆಸಲಾಗುತ್ತಿದೆ. ಇಂತಹ ಜ್ಞಾನದ ಕೊರತೆಯ ಮಾತುಗಳು ಜನರಲ್ಲಿ ತಪ್ಪು ತಿಳುವಳಿಕೆ ಮೂಡಿಸುತ್ತವೆ ಎಂದು ದೂರುದಾರರು ತಿಳಿಸಿದ್ದಾರೆ.

ಹೆಂಡತಿ ಹೆರಿಗೆಗೆ ಮನೆಗೆ ಬಂದಿದ್ದ ಯೋಧ ಮಗಳು ಹುಟ್ಟುವ ಕೆಲವೇ ಗಂಟೆಗಳ ಮೊದಲು ಸಾವು!

ಸರಣಿ ದೂರುಗಳ ಬಿಸಿ:
ಸುದೀಪ್ ಅವರಿಗೆ ಇದು ಮೊದಲ ದೂರೂ ಅಲ್ಲ. ಇತ್ತೀಚಿನ ದಿನಗಳಲ್ಲಿ ಸ್ಪರ್ಧಿಗಳಾದ ರಕ್ಷಿತಾ ಶೆಟ್ಟಿ ಮತ್ತು ರಿಷಾ ಗೌಡ ಅವರಿಗೆ ಸಂಬಂಧಿಸಿದ ಕೆಲವು ಹೇಳಿಕೆ ಹಾಗೂ ನಡವಳಿಕೆಗಳ ವಿಚಾರವಾಗಿಯೂ ಅವರ ವಿರುದ್ಧ ದೂರುಗಳು ದಾಖಲಾಗಿವೆ.

ಫಿನಾಲೆ ಸನಿಹದಲ್ಲಿ ಬಿಗ್ ಬಾಸ್:
ಒಂದೆಡೆ ವಿವಾದಗಳು ಸೃಷ್ಟಿಯಾಗುತ್ತಿದ್ದರೆ, ಇನ್ನೊಂದೆಡೆ ಬಿಗ್ ಬಾಸ್ ಸೀಸನ್ 12 ಅಂತಿಮ ಹಂತಕ್ಕೆ ತಲುಪಿದೆ. ಇನ್ನು ಕೇವಲ ಒಂದು ವಾರ ಬಾಕಿ ಇದ್ದು, ಮನೆಯಲ್ಲಿರುವ ಕಾವ್ಯ ಶೈವ, ಗಿಲ್ಲಿ ನಟ, ಧನುಷ್ ಗೌಡ, ಅಶ್ವಿನಿ ಗೌಡ, ರಕ್ಷಿತಾ ಶೆಟ್ಟಿ, ರಘು ಮತ್ತು ಧ್ರುವಂತ್ ಅವರಲ್ಲಿ ಯಾರು ಟ್ರೋಫಿ ಗೆಲ್ಲಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ.