ಈ ಸಲವೂ ಕಪ್​ ನಮ್ಮದೇ: ಸೆಹ್ವಾಗ್ ಭವಿಷ್ಯವಾಣಿ ಕೇಳಿ ಫ್ಯಾನ್ಸ್ ಫುಲ್ ಖುಷ್!

ಬರೋಬ್ಬರಿ 18 ವರ್ಷಗಳ ಬಳಿಕ ಐಪಿಎಲ್​ ಚಾಂಪಿಯನ್​ ಟ್ರೋಫಿ ಮುಡಿಗೇರಿಸಿಕೊಂಡಿದ್ದ ಹಾಲಿ ಚಾಂಪಿಯನ್​ ಆರ್​ಸಿಬಿ ತಂಡ ಈ ಬಾರಿಯೂ ತನ್ನ ವಿಜಯಯಾತ್ರೆ ಮುಂದುವರಿಸಿದೆ. ಈ ಭಾರಿಯ ಐಪಿಎಲ್​ ಸೀಸನ್​ನಲ್ಲಿ ಪ್ಲೇ ಆಫ್​ ಹಂತಕ್ಕೆ ಅಧಿಕೃತ ಎಂಟ್ರಿ ಪಡೆದ ಮೊದಲ ತಂಡ ಎಂಬ ಹೆಗ್ಗಳಿಕೆ ಕೂಡ ಆರ್​ಸಿಬಿಯದ್ದಾಗಿದೆ. ಈ ಎಲ್ಲದರ ನಡುವೆ ಟೀಂ ಇಂಡಿಯಾದ ಮಾಜಿ ಕ್ರಿಕೇಟಿಗ ವಿರೇಂದ್ರ ಸೆಹ್ವಾಗ್​ ಭರ್ಜರಿ ಭವಿಷ್ಯವೊಂದನ್ನು ನುಡಿದಿದ್ದು ಆರ್​ಸಿಬಿ ಅಭಿಮಾನಿಗಳು ಫುಲ್​ ಖುಷ್​ ಆಗಿದ್ದಾರೆ.

ಇದನ್ನೂ ಓದಿ : ಮೇ 21ರವರೆಗೂ ಮಳೆ ಅಬ್ಬರ: ರಾಜ್ಯದ 7 ಜಿಲ್ಲೆಗಳಿಗೆ ಆರೆಂಜ್ ಅಲರ್ಟ್!

ಹೌದು..! ಕ್ರಿಕ್​ಬಝ್​ ಶೋನಲ್ಲಿ ಭಾಗವಹಿಸಿದ ವಿರೇಂದ್ರ ಸೆಹ್ವಾಗ್​ ಈ ಬಾರಿಯೂ ಆರ್​ಸಿಬಿ ಕಪ್​ ಮುಡಿಗೇರಿಸಿಕೊಳ್ಳಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ. ಯಾವುದೇ ಒಂದು ಚಾಂಪಿಯನ್ ತಂಡವು ಅಗ್ರ ಎರಡು ಸ್ಥಾನಗಳಲ್ಲಿ ಪ್ಲೇಆಫ್‌ಗೆ ಅರ್ಹತೆ ಪಡೆಯಬೇಕು. ಆರ್‌ಸಿಬಿ ಪ್ರಸ್ತುತ ಆಡುತ್ತಿರುವ ಶೈಲಿಯನ್ನು ನೋಡಿದರೆ, ಈ ವರ್ಷವೂ ಅವರೇ ಐಪಿಎಲ್ ಟ್ರೋಫಿಯನ್ನು ಎತ್ತಿಹಿಡಿಯಲಿದ್ದಾರೆ ಎಂದು ಸ್ಪಷ್ಟವಾಗಿ ತೋರುತ್ತಿದೆ ಎಂದು ಹೇಳಿದ್ದಾರೆ.

ಅಲ್ಲದೇ ಪ್ರಸಕ್ತ ಸೀಸನ್​ನಲ್ಲಿ ಆರ್​ಸಿಬಿಗೆ ಕಠಿಣ ಸ್ಪರ್ಧೆ ನೀಡಬಲ್ಲ ಯಾವುದಾದರೂ ತಂಡವಿದ್ದರೆ ಅದು ಗುಜರಾತ್​ ಟೈಟನ್ಸ್​ ಮಾತ್ರ ಎಂದಿದ್ದಾರೆ .ಹೀಗಾಗಿ ಒಂದು ವೇಳೆ ಪ್ಲೇ ಆಫ್​ನ ಟಾಪ್​ 2 ಸ್ಥಾನದಲ್ಲಿ ಗುಜರಾತ್ ಟೈಟನ್​ಗೂ ಸ್ಥಾನ ದೊರಕಿದರೆ ಆಗ ಆರ್​ಸಿಬಿ ಗೆಲುವಿನ ಹಾದಿ ಕೊಂಚ ಕಠಿಣವಾಗಲಿದೆ. ಈ ಎರಡೂ ತಂಡಗಳ ನಡುವೆ ಈ ಬಾರಿ ಚಾಂಪಿಯನ್​ ಟ್ರೋಫಿಗೆ ಭರ್ಜರಿ ಪೈಪೋಟಿ ನಡೆಯುತ್ತಿದೆ.

ಎರಡೂ ತಂಡಗಳ ಬೌಲಿಂಗ್​ ಹಾಗೂ ಬ್ಯಾಟಿಂಗ್​ ವಿಭಾಗ ಬಲಿಷ್ಠವಾಗಿದೆ. ಹೀಗಾಗಿ ಆರ್​ಸಿಬಿಗೆ ಸವಾಲು ಎಸಗಬಲ್ಲ ಏಕೈಕ ತಂಡವೆಂದರೆ ಅದು ಗುಜರಾತ್​ ಟೈಟನ್ಸ್​ ಮಾತ್ರ ಎಂದಿದ್ದಾರೆ. ಆರ್​ಸಿಬಿ ತಂಡವು ಟೂರ್ನಿಯಲ್ಲಿ ಇದುವರೆಗೆ ಆಡಿರುವ 13 ಪಂದ್ಯಗಳಲ್ಲಿ 9 ಜಯ ಹಾಗೂ 4 ಸೋಲುಗಳೊಂದಿಗೆ ಒಟ್ಟು 18 ಅಂಕಗಳನ್ನು ಕಲೆಹಾಕಿರುವ ಆರ್​ಸಿಬಿ, ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದೊಂದಿಗೆ ಮುನ್ನುಗ್ಗುತ್ತಿದೆ.