ಜಿಯೋ 55 ರೂಪಾಯಿಯ ಹೊಸ ಪ್ಲಾನ್ ಮೂಲಕ 30 ದಿನಗಳ ಮನರಂಜನೆ! ಬಂಪರ್ ಆಫರ್

ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗಾಗಿ ಕಡಿಮೆ ದರದ ಹೊಸ ಮನರಂಜನಾ ಪ್ಲಾನ್ ಅನ್ನು ಪರಿಚಯಿಸಿದೆ. ಕೇವಲ ₹55 ಬೆಲೆಯ ಈ ಜಿಯೋಟಿವಿ ಪ್ರೋ (JioTV Pro) ಪ್ಯಾಕ್ ಮೂಲಕ 30 ದಿನಗಳ ಕಾಲ ಸಾವಿರಕ್ಕೂ ಹೆಚ್ಚು ಲೈವ್ ಟಿವಿ ಚಾನೆಲ್‌ಗಳನ್ನು ವೀಕ್ಷಿಸುವ ಅವಕಾಶ ದೊರೆಯುತ್ತದೆ. ಅವುಗಳಲ್ಲಿ 150ಕ್ಕೂ ಹೆಚ್ಚು ಪ್ರೀಮಿಯಂ ಚಾನೆಲ್‌ಗಳೂ ಸೇರಿವೆ.

ಈ ಪ್ಯಾಕ್ ಮುಖ್ಯವಾಗಿ ಕಡಿಮೆ ವೆಚ್ಚದಲ್ಲಿ ಹೆಚ್ಚಿನ ಮನರಂಜನೆ ಬಯಸುವ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದೆ. ಸಾಮಾನ್ಯ ಮನರಂಜನೆ, ಸಿನಿಮಾ, ಸುದ್ದಿ, ಮಕ್ಕಳ ಕಾರ್ಯಕ್ರಮಗಳು, ಕ್ರೀಡೆ, ಜೀವನಶೈಲಿ ಹಾಗೂ ಪ್ರಾದೇಶಿಕ ಭಾಷೆಗಳ ಕಾರ್ಯಕ್ರಮಗಳು ಸೇರಿದಂತೆ 16ಕ್ಕೂ ಹೆಚ್ಚು ಭಾಷೆಗಳಲ್ಲಿ ವಿವಿಧ ರೀತಿಯ ವಿಷಯಗಳನ್ನು ವೀಕ್ಷಿಸಬಹುದು.

ಈ ಪ್ಯಾಕ್‌ನಲ್ಲಿ ಜಿಯೋಸ್ಟಾರ್, ಸೋನಿ ಎಂಟರ್‌ಟೈನ್‌ಮೆಂಟ್, ಸನ್ ಟಿವಿ ನೆಟ್‌ವರ್ಕ್, ವಾರ್ನರ್ ಬ್ರದರ್ಸ್ ಡಿಸ್ಕವರಿ ಮತ್ತು ಈಟಿವಿ ಸೇರಿದಂತೆ ಹಲವು ಪ್ರಮುಖ ಪ್ರಸಾರ ಸಂಸ್ಥೆಗಳ ಚಾನೆಲ್‌ಗಳು ಲಭ್ಯವಿವೆ. ಸ್ಟಾರ್ ಪ್ಲಸ್ HD, ಕಲರ್ಸ್ HD, ಸೋನಿ ಎಂಟರ್‌ಟೈನ್‌ಮೆಂಟ್ ಟೆಲಿವಿಷನ್ HD, ಸೋನಿ SAB HD, ಡಿಸ್ಕವರಿ, ಅನಿಮಲ್ ಪ್ಲಾನೆಟ್ ಸೇರಿದಂತೆ ಅನೇಕ ಜನಪ್ರಿಯ ಚಾನೆಲ್‌ಗಳನ್ನು ವೀಕ್ಷಿಸಬಹುದು.

ಈ ಸೇವೆ ಬಳಸಲು ಮೊದಲು ₹55 ಜಿಯೋಟಿವಿ ಪ್ರೋ ಪ್ಯಾಕ್ ರೀಚಾರ್ಜ್ ಮಾಡಬೇಕು. ನಂತರ ಜಿಯೋಟಿವಿ ಮೊಬೈಲ್ ಆಪ್ ತೆರೆಯಿ, ನಿಮ್ಮ ಜಿಯೋ ಮೊಬೈಲ್ ಸಂಖ್ಯೆಯ ಮೂಲಕ ಲಾಗಿನ್ ಮಾಡಿದರೆ ಸಾಕು. ಹೆಚ್ಚುವರಿ ಆಕ್ಟಿವೇಷನ್ ಪ್ರಕ್ರಿಯೆ ಅಗತ್ಯವಿಲ್ಲ.

ಆದರೆ ಈ ಪ್ಲಾನ್ ಕೇವಲ ಮನರಂಜನೆಗಾಗಿ ಮಾತ್ರ ಲಭ್ಯವಿದೆ. ಇದರಲ್ಲಿ ವಾಯ್ಸ್ ಕರೆ, SMS ಅಥವಾ ಡೇಟಾ ಪ್ರಯೋಜನಗಳು ಸೇರಿಲ್ಲ. ಸೇವೆಯನ್ನು ಬಳಸಲು ಸಕ್ರಿಯ ಜಿಯೋ ಪ್ರೀಪೇಯ್ಡ್ ಅಥವಾ ಪೋಸ್ಟ್‌ಪೇಯ್ಡ್ ಮೊಬೈಲ್ ಸಂಪರ್ಕ ಇರಬೇಕು.

ಈ ಪ್ಯಾಕ್ ಜಿಯೋ ಪ್ರೀಪೇಯ್ಡ್ ಹಾಗೂ ಪೋಸ್ಟ್‌ಪೇಯ್ಡ್ ಗ್ರಾಹಕರಿಗೆ ಲಭ್ಯವಿದ್ದು, ಬಳಕೆದಾರರು ಮುಂಚಿತವಾಗಿಯೇ ಹಲವು ಬಾರಿ ರೀಚಾರ್ಜ್ ಮಾಡಬಹುದು. ಒಂದು ಪ್ಯಾಕ್ ಅವಧಿ ಮುಗಿದ ನಂತರ ಮುಂದಿನ ಪ್ಯಾಕ್ ಸ್ವಯಂಚಾಲಿತವಾಗಿ ಜಾರಿಗೆ ಬರುತ್ತದೆ. ಈ ರೀಚಾರ್ಜ್ MyJio ಆಪ್, ಜಿಯೋ ವೆಬ್‌ಸೈಟ್ ಹಾಗೂ ಅಧಿಕೃತ ಜಿಯೋ ರೀಚಾರ್ಜ್ ಕೇಂದ್ರಗಳಲ್ಲಿ ಲಭ್ಯವಿದೆ.