ಉಡುಪಿಯಲ್ಲಿ ಶುರುವಾಯ್ತು ಕೊರೊನಾ ಭಯ : ಇಂದು ಹೊರಬೀಳುತ್ತೆ 900ಕ್ಕೂ ಅಧಿಕ ಜನರ ವರದಿ

ಉಡುಪಿ : ಗ್ರೀನ್ ಝೋನ್ ವ್ಯಾಪ್ತಿಯಲ್ಲಿರುವ ಉಡುಪಿ ಜಿಲ್ಲೆಯಲ್ಲೀಗ ಕೊರೊನಾ ಆತಂಕ ಶುರುವಾಗಿದೆ. ಈಗಾಗಲೇ 22 ಮಂದಿ ಕೊರೊನಾ ಸೋಂಕಿತ ಪ್ರಕರಣಗಳು ಪತ್ತೆಯಾದ ಬೆನ್ನಲ್ಲೇ ಮತ್ತೆ ಕೊರೊನಾ ಆತಂಕ ಎದುರಾಗಿದೆ. ಇಂದು ಬರೋಬ್ಬರಿ 900 ಕ್ಕೂ ಅಧಿಕ ಮಂದಿಯ ಕೊರೊನಾ ವರದಿ ಬಯಲಾಗಲಿದೆ.

ಉಡುಪಿ ಜಿಲ್ಲೆಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಳ್ಳದಿದ್ದರೂ, ಮುಂಬೈ ಹಾಗೂ ದುಬೈನಿಂದ ಬಂದಿದ್ದ ಪ್ರಯಾಣಿಕರಿಗೆ ಕೊರೊನಾ ಸೋಂಕು ಕಾಣಿಸಿಕೊಂಡಿತ್ತು. ಹೀಗಾಗಿ ಜಿಲ್ಲೆಯಲ್ಲಿ ಕೊರೊನಾ ಪೀಡಿತರ ಸಂಖ್ಯೆ ಇದೀಗ 22ಕ್ಕೆ ಏರಿಕೆಯಾಗಿದೆ.

ಇನ್ನು ದುಬೈನಿಂದ ಬಂದಿದ್ದ 49 ಮಂದಿ, ಮಸ್ಕತ್ ನಿಂದ ಬಂದಿದ್ದ 21 ಮಂದಿ ಪ್ರಯಾಣಿಕರು ಹಾಗೂ ಮುಂಬೈನಿಂದ ಬಂದವರ ಗಂಟಲು ದ್ರವದ ಮಾದರಿಯನ್ನು ತಪಾಸಣೆಗೆ ಕಳುಹಿಸಿಕೊಡಲಾಗಿದ್ದು, ಇಂದು 900ಕ್ಕೂ ಅಧಿಕ ಮಂದಿಯ ವರದಿ ಜಿಲ್ಲಾಡಳಿತ ಕೈ ಸೇರುವ ನಿರೀಕ್ಷೆಯಿದೆ.

ಜಿಲ್ಲೆಯ ಕ್ವಾರಂಟೈನ್ ಕೇಂದ್ರದಲ್ಲಿರುವ ಕೆಲವರಿಗೆ ಶೀತ, ಜ್ವರ ಸೇರಿದಂತೆ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ, ಅಂತವರ ಗಂಟಲು ದ್ರವದ ಮಾದರಿಯನ್ನು ಸಂಗ್ರಹಿಸಿ ತಪಾಸಣೆಗೆ ಕಳುಹಿಸಲಾಗಿದೆ. ಹೀಗಾಗಿ ಉಡುಪಿ ಜಿಲ್ಲೆಯಲ್ಲೀಗ ಆತಂಕ ಶುರುವಾಗಿದೆ.